Milk e Khaas e Kibriya Ho
Maalik e Har Ma-Siwa Ho
Ko-ee Kya Jaane Ke Kya Ho
‘Aql e ‘Aalam Se Wara Ho
Kanz e Maktoom e Azal Me
Durr e Maknoon e Khuda Ho
Sab Se Aw’wal Sab Se Aakhir
Ibtida Ho Intiha Ho
Thay Waseele Sab Nabi Tum
Asl e Maqsood e Huda Ho
Paak Karne Ko Wudhu Thay
Tum Namaaz e Jaañ-Fiza Ho
Sab Bishaarat Ki Azaañ Thay
Tum Azaañ Ka Mud’da’a Ho
Sab Tumhaari Hee Khabar Thay
Tum Mu-akh’khar Mubtada Ho
Qurb e Haq Ki Manzileñ Thay
Tum Safar Ka Muntaha Ho
Qabl e Zikr Idhmaar Kya Jab
Rutbah Saabiq Aap Ka Ho
Toor e Moosa Charkh e Esa
Kya Musaawi e Dana Ho
Sab Jihat Ke Daa’ire Me
Shash Jihat Se Tum Wara Ho
Sab Makaañ Tum Laa Makaañ Me
Tan Haiñ Tum Jaan e Safa Ho
Sab Tumhaare Dar Ke Raste
Aik Tum Raah e Khuda Ho
Sab Tumhaare Aage Shaaf’e
Tum Huzoor e Kibriya Ho
Sab Ki Hai Tum Tak Rasa-ee
Baargaah Tak Tum Rasa Ho
Wo Kalas Raudhe Ka Chamka
Sar Jhukaawo Kaj Kula Ho
Wo Dar e Daulat Pe Aaye
Jholiyaañ Phaylaawo Shaaho