Muzda Bad Aye Aasiyo Shafe e Shahe Abrar hai
Teheniyat Aye mujrimo zate Khuda Gaffar hai

Chand Shak ho Paer Bolein Janawar Sajda karein
Barakallah Marja-e-Alam yehi sarkar hai

Jinko su-e-Aasama phaila ke jal thal bhar diye
Sadqa un hatho ka pyare hamko bhi darkar hai

Ghore Ghore Paao Chamka do Khuda ke Waste
Noor Ka Tarka Ho Piyare Ghor Ki Shab Taar Hai

Tere Hi Daaman Pe Har Aasi Ki Parti Hai Nazar
Ek Jaan-e-Be Khata Par Do Jahan Ka Baar Hai

Rehamatullil Aalami Teri Duhaee Dab Gaya
Ab To Maula Be Tarha Sar Per Gunah Ka Baar Hai

Ghunj Ghunj Uthey hain Nagmat-e-Raza Se Bostan
Kyu Na Ho Kis Phool Ki Mid’hat Mai Waminkaar hai

مژدہ باد اے عاصیو! شافِع شہِ اَبرار ہے
تَہْنِیت اے مجرمو! ذاتِ خدا غَفَّار ہے

عرش سا فرشِ زمیں ہے فرشِ پا عرشِ بریں
کیا نرالی طرز کی نامِ خُدا رَفتار ہے

چاند شق ہو پَیڑ بولیں جانور سجدے کریں
بَارَ کَ اللّٰہ مرجع عالم یہی سرکار ہے

جن کو سُوئے آسماں پھیلا کے جل تھل بھر دئیے
صَدقہ اُن ہاتھوں کا پیارے ہم کو بھی درکار ہے

لَب زُلالِ چَشمَہ ء کن میں گندھے وقت خمیر
مردے زندہ کرنا اے جاں تم کو کیا دُشوار ہے

گورے گورے پاؤں چمکا دو خدا کے واسطے
نُور کا تڑکا ہو پیارے گور کی شب تار ہے

تیرے ہی دامن پہ ہر عاصِی کی پڑتی ہے نظر
ایک جانِ بے خطا پر دو جہاں کا بار ہے

جوشِ طُوفاں بحرِ بے پایاں ہوا نا سازگار
نُوح کے مولیٰ کرم کر لے تو بیڑا پار ہے

رَحْمَۃُ لِّلْعٰلَمِیں تیری دُہائی دَب گیا
اب تو مولیٰ بے طرح سر پر گنہ کا بار ہے

حیرتیں ہیں آئینہ دارِ وفورِ وَصفِ گُل
اُن کے بلبل کی خموشی بھی لبِ اِظہار ہے

گُونج گُونج اُٹھے ہیں نغماتِ رضاؔ سے بوستاں
کیوں نہ ہو کس پھول کی مدحت میں وَا مِنقار ہے