Qaafile ne soo e Taibah kamar arayi ki
Mushkil aasaan ilaahi meri tanhaayi ki
Laaj rakh li tam’ e ‘afw key saudaayi ki
Ey mein qurban mere Aaqa barri Aaqayi ki
Farsh taa arsh sab aayina zama’ir haazir
Bass qasam khaaiye ummi teri daanaayi ki
Shash jehat samt e muqabil shab o roz ek hi haal
Dhoom ‘wannajm’ mein hay aap ki beenaayi ki
Paansau saal ki raah aisi hay jaise dogaam
Aas hum ko bhi lagi hay teri shunwaayi ki
Chaand ishare ka hila hukm ka baandha sooraj
Waah kya baat Shaaha teri tawaanaayi ki
Tang t hehri hay Raza jiske liye woos’ate ‘arsh
Bass jagah dil mein hay us jalwah e harjaayi ki
قافلے نے سُوئے طیبہ کمر آرائی کی
مشکل آسان الٰہی مری تنہائی کی
لاج رکھ لی طمعِ عفو کے سودائی کی
اے میں قرباں مِرے آقا بڑی آقائی کی
فرش تا عرش سب آئینہ ضمائر حاضِر
بس قسم کھائیے اُمّی تِری دانائی کی
شش جہت سمت مقابل شب و روز ایک ہی حال
دُھوم وَالنَّجم میں ہے آپ کی بِینائی کی
پانسو۵۰۰ سال کی راہ ایسی ہے جیسے دو گام
آس ہم کو بھی لگی ہے تِری شنوائی کی
چاند اشارے کا ہلا حکم کا باندھا سورج
واہ کیا بات شہا تیری توانائی کی
تنگ ٹھہری ہے رضاؔ جس کے لئے وُسعتِ عرش
بس جگہ دل میں ہے اس جَلوئہ ہرجائی کی