Zameen o Zamaañ Tumhaare Liye, Makeen o Makaañ Tumhaare Liye
Chuneen o Chunaañ Tumhaare Liye, Bane Do Jahaañ Tumhaare Liye
Dahan Me Zabaañ Tumhaare Liye, Badan Me Hai Jaañ Tumhaare Liye
Ham Aaye Yahaañ Tumhaare Liye, Ut’theñ Bhi Wahaañ Tumhaare Liye
Farishte Khadam Rasool Hasham Tamaam e Umam Ghulaam e Karam
Wujood o ’Adam Hudoos o Qidam Jahaañ Me ‘Ayaan Tumhaare Liye
Kaleem o Najeeh, Maseeh o Safi, Khaleel o Razi, Rasool o Nabi
Ateeq o Wasi Ghani o Ali Sana Ki Zabaañ Tumhaare Liye
Asaalat e Kul Imaamat e Kul Siyaadat e Kul Imaarat e Kul
Hukoomat e Kul Wilaayat e Kul Khuda Ke Yahaañ Tumhaare Liye
Tumhaari Chamak Tumhaari Dhamak Tumhari Jhalak Tumhaari Mahak
Zameen o Falak Simaak o Samak Me Sik’kah Nishaañ Tumhaare Liye
Ye Shams o Qamar Ye Shaam o Sahar Ye Barg o Shajar Ye Baagh o Samar
Ye Taigh o Sipar Ye Taaj o Kamar Ye Hukm e Rawaañ Tumhaare Liye
Ye Faiz Diye Wo Jood Kiye Ke Naam Liye Zamaana Jiye
Jahaañ Ne Liye Tumhaare Diye Ye Ikramiyaañ Tumhaare Liye
Sahaab e Karam Rawaana Kiye Ke Aab e Ni’am Zamaana Piye
Jo Rakhte Thay Ham Wo Chaak Siye Ye Satr e Badaañ Tumhaare Liye
Sana Ka Nishaañ Wo Noor Fishaañ Ke Mehr Washaañ Ba Aañ-Hamah Shaañ
Ba-Saaya Kashaañ Mawaakib Shaañ Ye Naam o Nishaañ Tumhaare Liye
‘Ataa e Arab Jala e Karab Fuyooz e ’Ajab Baghair e Talab
Ye Rahmat e Rab’b Hai Kis Ke Sabab Ba-Rab’b e Jahaañ Tumhaare Liye
Zunoob e Fanaa ‘Uyoob e Haba Quloob e Safa Khutoob e Rawa
Ye Khoob e ’Ata Kuroob e Zuda Pa-e Dil o Jaañ Tumhaare Liye
Na Jinn o Bashar Ke Aathoñ Pahar Mala’ika Dar Pe Basta Kamar
Na Jabha o Sar Ke Qalb o Jigar Haiñ Sajda Kunaañ Tumhaare Liye
Na Rooh e Ameeñ Na ‘Arsh e Bareeñ Na Lauh e Mubeeñ Ko-ee Bhi Kaheeñ
Khabar Hee Nahiñ Jo Ramzeñ Khuleeñ Azal Ki Nihaañ Tumhaare Liye
Jinaañ Me Chaman, Chaman Me Saman, Saman Me Phaban, Phaban Me Dulhan
Saza e Mihan Pe Aise Minan Ye Amn o Amaañ Tumhaare Liye
Kamaal e Mihaañ Jalaal e Shahaañ Jamaal e Hisaañ Me Tum Ho ‘Iyaañ
Ke Saare Jahaañ Me Roz e Fakaañ Zil’l e Aa-ina Saañ Tumhaare Liye
Ye Toor Kuja Siphar To Kya Ke ‘Arsh e Ulaa Bhi Door Raha
Jihat Se Wara Wisaal Mila Ye Rif’at e Shaañ Tumhaare Liye
Khaleel o Naji, Maseeh o Safi, Sabhi Se Kahi, Kaheeñ Bhi Bani
Ye Be-Khabari Ke Khalq Phiri Kahaañ Se Kahaañ Tumhaare Liye
Ba-Fawr e Sada Samaañ Ye Bandha Ye Sidra Ut’tha Wo ‘Arsh Jhuka
Sufoof e Sama Ne Sajda Kiya Huwi Jo Azaañ Tumhaare Liye
Ye Marhamateñ Ke Kach’chi Mateñ Na Ch’horeñ Lateñ Na Apni Gateñ
Qusoor Kareñ Awr Un Se Bhareñ Qusoor e Jinaañ Tumhaare Liye
Fanaa Ba-Darat Baqa Ba-Barat Ze Har Do Jihat Ba-Gird e Sarat
Hai Markaziy’yat Tumhaari Sifat Ke Donoñ Kamaañ Tumhaare Liye
Ishaare Se Chaand Cheer Diya Ch’hupe Huwe Khur Ko Pheyr Liya
Gaye Huwe Din Ko ‘Asr Kiya Ye Taab o Tawaañ Tumhaare Liye
Saba Wo Chale Ke Baagh Phale Wo Phool Khile Ke Din Hoñ Bhale
Liwa Ke Talay Sana Me Khule RAZA Ki Zabaañ Tumhaare Liye
زمین و زماں تمہارے لئے مَکِین و مکاں تمہارے لئے
چُنین و چُناں تمہارے لئے بنے دو جہاں تمہارے لئے
دَہن میں زباں تمہارے لئے بدن میں ہے جاں تمہارے لئے
ہم آئے یہاں تمہارے لئے اٹھیں بھی وہاں تمہارے لئے
فرشتے خِدَم رسول حِشم تمامِ اُمَم غلامِ کرم
وُجُود و عَدم حُدوث و قِدم جہاں میں عِیاں تمہارے لئے
کَلِیم و نَجی مَسیح و صَفی خلیل و رَضی رسول و نبی
عَتیق و وَصی غَنی و علی ثَنا کی زباں تمہارے لئے
اِصالتِ کل امامتِ کل سِیادَتِ کل اِمارتِ کل
حکومتِ کل وِلایتِ کل خدا کے یہاں تمہارے لئے
تمہاری چمک تمہاری دمک تمہاری جھلک تمہاری مہک
زمین و فلک سِماک و سمک میں سکہ نشاں تمہارے لئے
وہ کَنزِ نِہاں یہ نورِ فَشاں وہ کُن سے عِیاں یہ بزمِ فَکاں
یہ ہر تن و جاں یہ باغِ جناں یہ سارا سماں تمہارے لئے
ظُہورِ نِہاں قیامِ جہاں رکوعِ مِہاں سجودِ شَہاں
نیازیں یہاں نمازیں وہاں یہ کس لئے ہاں تمہارے لئے
یہ شمس و قمر یہ شام و سحر یہ بَرگ و شَجر یہ باغ و ثَمر
یہ تِیغ و سِپر یہ تاج و کمر یہ حکم رواں تمہارے لئے
یہ فیض دیے وہ جُود کیے کہ نام لیے زمانہ جیے
جہاں نے لیے تمہارے دیے یہ اِکرَمیاں تمہارے لئے
سحابِ کرم روانہ کیے کہ آبِ نِعَم زمانہ پیے
جو رکھتے تھے ہم وہ چاک سیے یہ سترِ بداں تمہارے لئے
ثَنا کا نشاں وہ نور فَشاں کہ مِہروَشاں بآنہمہ شاں
بَسایہ کَشاں مَواکِب شاں یہ نام و نشاں تمہارے لئے
عطائے اَرَب جلائے کَرب فُیوضِ عجب بغیر طلب
یہ رحمتِ ربّ ہے کس کے سبب بَربِّ جہاں تمہارے لئے
ذُنوب فنا عُیوب ہَبا قلوب صَفا خُطوب رَوا
یہ خوب عطا کُروب زُدا پئے دل وجاں تمہارے لئے
نہ جنّ و بشر کہ آٹھوں پہر ملائکہ در پہ بَستہ کمر
نہ جُبّہ و سَر کہ قلب و جگر ہیں سجدہ کُناں تمہارے لئے
نہ رُوحِ امیں نہ عرشِ بَریں نہ لَوحِ مُبیں کوئی بھی کہیں
خبر ہی نہیں جو رَمزیں کھلیں ازل کی نِہاں تمہارے لئے
جِناں میں چمن، چمن میں سمن، سمن میں پھبن، پھبن میں دلہن
سزائے محن پہ ایسے مِنَن یہ امن و اَماں تمہارے لئے
کمالِ مہاں جلالِ شہاں جمالِ حِساں میں تم ہو عِیاں
کہ سارے جہاں میں روزِفَکاں ظِل آئینہ ساں تمہارے لئے
یہ طُور کُجا سِپِہر تو کیا کہ عرشِ عُلا بھی دور رہا
جِہت سے ورا وِصال ملا یہ رفعتِ شاں تمہارے لئے
خلیل و نجی، مسیح و صَفی سبھی سے کہی کہیں بھی بنی
یہ بے خبری کہ خَلق پھری کہاں سے کہاں تمہارے لئے
بَفَورِ صدا سماں یہ بندھا یہ سدرہ اٹھا وہ عرش جھکا
صُفوفِ سَما نے سجدہ کیا ہوئی جو اذاں تمہارے لئے
یہ مَرحمتیں کہ کچی مَتیں نہ چھوڑیں لَتیں نہ اپنی گَتیں
قصور کریں اور ان سے بھریں قصورِ جناں تمہارے لئے
فَنا بَدَرَت بَقا بَبرَتْ ز ہر دو جِہت بگردِ سَرَتْ
ہے مَرکزِیَّت تمہاری صفت کہ دونوں کماں تمہارے لئے
اشارے سے چاند چیر دیا چھپے ہوئے خور کو پھیر لیا
گئے ہوئے دن کو عصر کیا یہ تاب و تَواں تمہارے لئے
صبا وہ چلے کہ باغ پھلے وہ پھول کھلے کہ دن ہوں بھلے
لِوا کے تلے ثنا میں کھلے رضاؔکی زباں تمہارے لئے