Talab Ka Munh To Kis Qaabil Hai Ya Ghaus
Magar Tera Karam Kaamil Hai Ya Ghaus
Duha-ee Ya Muhiyud’deen Duha-ee
Bala Islam Par Naazil Hai Ya Ghaus
Wo Sangeeñ Bid’ateñ Wo Teyzi e Kufr
Ke Sar Pe Taigh, Dil Pe Sil Hai Ya Ghaus
Azooman Qaatilan ‘Indal Qitaali
Madad Ko Aa, Dam e Bismil Hai Ya Ghaus
Tere Sonay Se Soya Bakht De Jaag
Jagaa! Ch’hupne Pe Din Maa-il Hai Ya Ghaus
Khudara, Nakhuda Aa De Sahaara
Hawa Bigri, Bhañwar Haa-il Hai Ya Ghaus
Jila De Deeñ, Jala De Kufr o Ilhaad
Ke Tu Muhy Hai, Tu Qaatil Hai Ya Ghaus
Tera Waqt Awr Paray Yuñ Deen Par Waqt
Na Tu Aajiz Na Tu Ghaafil Hai Ya Ghaus
Rahi Haañ Shaamat e A’maal Ye Bhi
Jo Tu Chaahe Abhi Zaa-il Hai Ya Ghaus
Ghayoora! Apni Ghayrat Ka Tasad’duq
Wahi Kar Jo Tere Qaabil Hai Ya Ghaus
Khudara Marham e Khaak e Qadam De
Jigar Zakhmi He Dil Ghaa-il Hai Ya Ghaus
Na Dekhuñ Shakl e Mushkil Tere Aage
Ko-ee Mushkil Si Ye Mushkil Hai Ya Ghaus
Wo Ghera Rishta e Shirk e Khafi Ne
Phansa Zun-naar Me Ye Dil Hai Ya Ghaus
Kiye Tarsa-o Gabr Aqtaab o Abdaal
Ye Mahaz Islam Ka Saa-il Hai Ya Ghaus
Tu Quw’wat De, Me Tanha Kaam Bisyaar
Badan Kamzor, Dil Kaahil Hai Ya Ghaus
‘Adu Bad-Deen Mazhab Waale Haasid
Tu Hee Tanha Ka Zawr e Dil Hai Ya Ghaus
Hasad Se Un Ke Seene Paak Kar De
Ke Bud-tar Diq Se Ye Sil Hai Ya Ghaus
Ghiza e Diq Yahi Khooñ, Ustukh-waañ, Gosht
Ye Aatish Deen Ki Aakil Hai Ya Ghaus
Diya Mujh Ko, Unheñ Mahroom Chora
Mera Kya Jurm, Haq Faasil Hai Ya Ghaus
Khuda Se Leñ Lara-ee, Wo He Mu’tee
Nabi صلى الله عليه وسلم Qaasim He, Tu Moosil Hai Ya Ghaus
‘Ata-eñ Muqtadir Ghaf’faar Ki Haiñ
‘Abas Bandoñ Ke Dil Me Ghil Hai Ya Ghaus
Tere Baba Ka Phir Tera Karam Hai
Ye Munh Warna Kisi Qaabil Hai Ya Ghaus
Bharan Waale Tera Jhaala To Jhaala
Tera Cheenta Mera Ghaasil Hai Ya Ghaus
Thana Maqsood He, Arz e Gharaz Kya
Gharaz Ka Aap To Kaafil Hai Ya Ghaus
RAZA Ka Khaatima Bil Khayr Hoga
Teri Rahmat Agar Shaamil Hai Ya Ghaus
طلب کا منھ تو کس قابل ہے یا غوث
مگر تیرا کرم کامل ہے یا غوث
دوہائی یَا مُحِیُّ الدِّین دوہائی
بَلا اسلام پر نازل ہے یا غوث
وہ سنگیں بِدعَتیں وہ تیزیِ کفر
کہ سر پر تِیغ دل پر سِل ہے یا غوث
عَزُوْمًا قَاتِلًا عِنْدَ الْقِتَالٖ
مدد کو آ دمِ بِسمِل ہے یا غوث
خدا را ناخُدا آ دے سہارا
ہوا بگڑی بھَنْوَر حائل ہے یا غوث
جِلا دے دیں جَلا دے کفر و اِلحاد
کہ تو محیٖی ہے تو قاتل ہے یا غوث
تِرا وقت اور پڑے یوں دین پر وقت
نہ تو عاجز نہ تو غافل ہے یا غوث
رہی ہاں شامتِ اعمال یہ بھی
جو تو چاہے ابھی زائل ہے یا غوث
غَیُورا! اپنی غیرت کا تَصَدُّق
وہی کر جو تِرے قابل ہے یا غوث
خدا را مرہمِ خاکِ قدم دے
جگر زخمی ہے دل گھائل ہے یا غوث
نہ دیکھوں شکلِ مشکل تیرے آگے
کوئی مشکل سی یہ مشکل ہے یا غوث
وہ گھیرا رشتۂ شرکِ خَفی نے
پھنسا زُنّار میں یہ دل ہے یا غوث
کیے تَرسا و گَبْر اَقطاب و اَبدال
یہ محض اسلام کا سائل ہے یا غوث
تو قُوَّت دے میں تنہا کام بِسیار
بدن کمزور دل کاہل ہے یا غوث
عَدُوّ بد دین مذہب والے حاسد
تو ہی تنہا کا زورِ دل ہے یا غوث
حسد سے ان کے سینے پاک کر دے
کہ بَدتر دِق سے بھی یہ سِل ہے یا غوث
غذائے دِق یہی خوں اُستخواں گوشت
یہ آتِش دین کی آکِل ہے یا غوث
دیا مجھ کو انھیں محروم چھوڑا
مِرا کیا جرم حق فاصل ہے یا غوث
خدا سے لیں لڑائی وہ ہے مُعطِی
نبی قاسم ہے تو مُوصِل ہے یا غوث
عطائیں مُقْتَدِر غَفَّار کی ہیں
عَبَث بندوں کے دل میں غِلّ ہے یا غوث
تِرے بابا کا پھر تیرا کرم ہے
یہ منھ ورنہ کسی قابل ہے یا غوث
بھَرَن والے تِرا جھالا تو جھالا
تِرا چھینٹا مِرا غاسِل ہے یا غوث
ثَنا مَقْصود ہے عَرضِ غَرض کیا
غرض کا آپ تو کافِل ہے یا غوث
رضاؔ کا خاتِمہ بالخیر ہو گا
تِری رحمت اگر شامل ہے یا غوث