Milk e Khaas e Kibriya Ho
Maalik e Har Ma-Siwa Ho
Ko-ee Kya Jaane Ke Kya Ho
‘Aql e ‘Aalam Se Wara Ho
Kanz e Maktoom e Azal Me
Durr e Maknoon e Khuda Ho
Sab Se Aw’wal Sab Se Aakhir
Ibtida Ho Intiha Ho
Thay Waseele Sab Nabi Tum
Asl e Maqsood e Huda Ho
Paak Karne Ko Wudhu Thay
Tum Namaaz e Jaañ-Fiza Ho
Sab Bishaarat Ki Azaañ Thay
Tum Azaañ Ka Mud’da’a Ho
Sab Tumhaari Hee Khabar Thay
Tum Mu-akh’khar Mubtada Ho
Qurb e Haq Ki Manzileñ Thay
Tum Safar Ka Muntaha Ho
Qabl e Zikr Idhmaar Kya Jab
Rutbah Saabiq Aap Ka Ho
Toor e Moosa Charkh e Esa
Kya Musaawi e Dana Ho
Sab Jihat Ke Daa’ire Me
Shash Jihat Se Tum Wara Ho
Sab Makaañ Tum Laa Makaañ Me
Tan Haiñ Tum Jaan e Safa Ho
Sab Tumhaare Dar Ke Raste
Aik Tum Raah e Khuda Ho
Sab Tumhaare Aage Shaaf’e
Tum Huzoor e Kibriya Ho
Sab Ki Hai Tum Tak Rasa-ee
Baargaah Tak Tum Rasa Ho
Wo Kalas Raudhe Ka Chamka
Sar Jhukaawo Kaj Kula Ho
Wo Dar e Daulat Pe Aaye
Jholiyaañ Phaylaawo Shaaho
ملکِ خاصِ کِبریا ہو
مالکِ ہر ماسِوا ہو
کوئی کیا جانے کہ کیا ہو
عقلِ عالَم سے وَرا ہو
کَنزِ مَکتومِ اَزل میں
دُرِّ مَکْنُونِ خدا ہو
سب سے اوّل سب سے آخر
اِبتِدا ہو اِنتِہا ہو
تھے وسیلے سب نبی تم
اصل مَقْصُودِ ہُدیٰ ہو
پاک کرنے کو وُضو تھے
تم نمازِ جانفزا ہو
سب بِشارَت کی اذاں تھے
تم اذاں کا مُدَّعا ہو
سب تمہاری ہی خبر تھے
تم مُؤخَّر مُبتَدا ہو
قُربِ حق کی منزلیں تھے
تم سفر کا مُنْتَہیٰ ہو
قبلِ ذکر اِضمار کیا جب
رُتْبَہ سابِق آپ کا ہو
طُورِ موسیٰ چَرخِ عیسیٰ
کیا مُساوِیِ دَنیٰ ہو
سب جِہَت کے دائرے میں
شَش جِہَت سے تم وَرا ہو
سب مکاں تم لامکاں میں
تن ہیں تم جانِ صَفا ہو
سب تمہارے در کے رستے
ایک تم راہِ خُدا ہو
سب تمہارے آگے شافِع
تم حضورِ کِبریا ہو
سب کی ہے تم تک رسائی
بارگہ تک تم رسا ہو
وہ کَلَس رَوضے کا چمکا
سر جھکاؤ کَج کُلاہو
وہ درِ دولت پہ آئے
جھولیاں پھیلاؤ شاہو