Kaabe Ke Badrud-Duja Tum Pe Karoron Durood

Kaa’be Ke Badrud-Duja Tum Pe Karoron Durood
Taiba Ke Shamsud-Duha Tum Pe Karoron Durood

Shaafa’ e Roz e Jazaa Tum Pe Karoron Durood
Daafa’e Jumla Balaa Tum Pe Karoron Durood

Jaan o Dil e Asfiyah Tum Pe Karoron Durood
Aab o Gil e Ambia Tum Pe Karoron Durood

Laa-en To Ye Doosra Do Sara Jis Ko Mila
Koshak e ’Arsh o Dana Tum Pe Karoron Durood

Awr Ko-ee Ghaib Kya Tum Se Nihaan Ho Bhala
Jab Na Khuda Hee Chupa Tum Pe Karoron Durood

Toor Pe Jo Sham’a Tha Chaand Tha Saa’eer Ka
Nay’yar e Faaraan Huwa Tum Pe Karoron Durood

Dil Karo Thanda Mera Wo Kaf e Paa Chaand Sa
Seene Pe Rakh Do Zara Tum Pe Karoron Durood

Zaat Huwi Intikhaab Wasf Huwe Laa Jawaab
Naam Huwa Mustafa Tum Pe Karoron Durood

Ghaayat o ’Illat Sabab, Behr e Jahaan Tum Ho Sab
Tum Se Bana Tum Binaa Tum Pe Karoron Durood

Tum Se Jahaan Ki Hayaat Tum Se Jahaan Ka Thabaat
Asl Se Hai Zil Bandha Tum Pe Karoron Durood

Maghz Ho Tum Awr Wo Post Awr Hain Baahir Ke Dost
Tum Ho Daroon e Sara Tum Pe Karoron Durood

Kya Hain Jo Be-Had Hain Laus Tum To Ho Ghays Awr Ghaus
Ch’heen’te Me Hoga Bhala Tum Pe Karoron Durood

Tum Ho Hafeez o Mughees Kya Hai Wo Dushman Khabees
Tum Ho To Phir Khauf Kya Tum Pe Karoron Durood

Wo Shab e Me’raj Raaj Wo Saf e Mahshar Ka Taaj
Ko-ee Bhi Aisa Huwa Tum Pe Karoron Durood

Luhta Falaahal Falaah Ruhta Faraahal-Maraah
‘Ud Liya’udal-Hanaa Tum Pe Karoron Durood

Jaan o Jahaan e Maseeh Daad Ke Dil Hai Jareeh
Nabzen Chuteen Dam Chala Tum Pe Karoron Durood

Uf Wo Rah e Sang-Laakh, Aah! Ye Paa Shaakh-Shaakh
Ay Mere Mushkil Kusha Tum Pe Karoron Durood

Tum Se Khula Baab e Jood Tum Se Hai Sab Ka Wujood
Tum Se Hai Sab Ki Baqa Tum Pe Karoron Durood

Khasta Hun Awr Tum Ma’aaz Basta Hun Awr Tum Malaaz
Aage Jo Shah Ki Raza Tum Pe Karoron Durood

Gar Che Hain Be-had Qusoor Tum Ho ‘Afu o Ghafoor
Bakhsh Do Jurm o Khata Tum Pe Karoron Durood

Mahr e Khuda Noor-Noor Dil Hai Siyaah Din Hai Door
Shab Me Karo Chaandna Tum Pe Karoron Durood

Tum Ho Shaheed o Baseer Awr Main Gunah Par Dileer
Khol Do Chashm e Haya Tum Pe Karoron Durood

Ch’heent Tumhaari Sahar Ch’hoot Tumhaari Qamar
Dil Me Racha Do Zia Tum Pe Karoron Durood

Tum Se Khuda Ka Zuhoor Us Se Tumhaara Zuhoor
‘Lim’ Hai Ye Wo ‘In’ Huwa Tum Pe Karoron Durood

Be Hunar o Be Tameez Kis Ko Huwe Hain ‘Azeez
Aik Tumhaare Siwa Tum Pe Karoron Durood

Aas Hai Ko-ee Na Paas Aik Tumhaari Hai Aas
Bas Hai Yahi Aasra Tum Pe Karoron Durood

Taarim e Aa’la Ka Arsh Jis Kaf e Paa Ka Hai Farsh
Aankhon Pe Rakh Do Zara Tum Pe Karoron Durood

Kehne Ko Hain ‘Aam o Khaas Aik Tumheen Ho Khalaas
Band Se Kar Do Riha Tum Pe Karoron Durood

Tum Ho Shifa e Maraz Khalq e Khuda Khud-Gharaz
Khalq Ki Haajat Bhi Kya Tum Pe Karoron Durood

Aah! Wo Raah e Siraat Bandon Ki Kitni Bisaat
Al Madad Ay Rahnuma! Tum Pe Karoron Durood

Be Adab o Bad-Lihaaz Kar Na Saka Kuch Hifaaz
‘Afw Pe Bhoola Raha Tum Pe Karoron Durood

Lo Tahe Daaman Ke Sham’a, Jhonkon Me Hai Roz Jam’a
Aandhiyon Se Hashr Ut’tha Tum Pe Karoron Durood

Seena Ke Hai Daagh-Daagh, Keh Do Kare Baagh-Baagh
Taiba Se Aa Kar Saba Tum Pe Karoron Durood

Gaisoo o Qad ‘Laam-Alif’ Kar Do Bala Munsarif
‘Laa’ Ke Teh e Taigh e Laa Tum Pe Karoron Durood

Tum Ne Ba Rang e Falaq Jayb e Jahaan Kar Ke Shaq
Noor Ka Tar’ka Kiya Tum Pe Karoron Durood

Nawbat e Dar Hain Falak Khaadim e Dar Hain Malak
Tum Ho Jahaan Baadsha Tum Pe Karoron Durood

Khalq Tumhaari Jameel Khulq Tumhaara Jaleel
Khalq Tumhaari Gada Tum Pe Karoron Durood

Taiba Ke Maah e Tamaam Jumla Rusul Ke Imaam
Naushah e Milk e Khuda Tum Pe Karoron Durood

Tum Se Jahaan Ka Nizaam Tum Pe Karoron Salaam
Tum Pe Karoron Thana Tum Pe Karoron Durood

Tum Ho Jawaad o Kareem Tum Ho Rauf o Raheem
Bheek Ho Daata ‘Ata Tum Pe Karoron Durood

Khalq Ke Haakim Ho Tum Rizq Ke Qaasim Ho Tum
Tum Se Mila Jo Mila Tum Pe Karoron Durood

Naafe’ o Daafe’ Ho Tum Shaafe’ o Raafe’ Ho Tum
Tum Se Bas Afzoon Khuda Tum Pe Karoron Durood

Shaafi o Naafi Ho Tum Kaafi o Waafi Ho Tum
Dard Ko Kardo Dawa Tum Pe Karoron Durood

Jaayen Na Jab Tak Ghulaam Khuld Hai Sab Par Haraam
Milk To Hai Aap Ka Tum Pe Karoron Durood

Mazhar e Haq Ho Tumheen Muzhir e Haq Ho Tumheen
Tum Me Hai Zaahir Khuda Tum Pe Karoron Durood

Zor Dehe Naarsaan Takiya Gahe Be-Kasaan
Baadsha e Maa-Wara Tum Pe Karoron Durood

Barse Karam Ki Bharan Phoolen Ni’am Ke Chaman
Aisi Chalaa Do Hawa Tum Pe Karoron Durood

Ek Taraf A’daa e Deen Aik Taraf Haasideen
Banda Hai Tanha Shaha Tum Pe Karoron Durood

Kyun Kahun Be-Kas Hun Main Kyun Kahun Be-Bas Hun Main
Tum Ho Main Tum Par Fida Tum Pe Karoron Durood

Gande Nikam’me Kameen Mehnge Hon Kowri Ke Teen
Kaun Hamen Paalta Tum Pe Karoron Durood

Baat’ Na Dar Ke Kaheen Ghaat Na Ghar Ke Kaheen
Aise Tumhen Paalna Tum Pe Karoron Durood

Aison Ko Ne’mat Khilaawo Doodh Ke Sharbat Pilaawo
Aison Ko Aisi Ghiza Tum Pe Karoron Durood

Girne Ko Hun Rok Lo Ghota Lage Haath Do
Aison Par Aisi ‘Ataa Tum Pe Karoron Durood

Apne Khata-waaron Ko Apne Hee Daaman Me Lo
Kaun Kare Ye Bhala Tum Pe Karoron Durood

Kar Ke Tumhaare Gunaah Maangen Tumhaari Panaah
Tum Kaho Daaman Me Aa Tum Pe Karoron Durood

Kar Do ‘Adu Ko Tabaah Haasidon Ko Roo-Baraah
Ahl e Wilaa Ka Bhala Tum Pe Karoron Durood

Hum Ne Khata Me Na Ki Tum Ne ‘Ataa Me Na Ki
Ko-ee Kami Sarwara Tum Pe Karoron Durood

Kaam Ghazab Ke Kiye Us Pe Hai Sarkaar Se
Bandon Ko Chashm e Raza Tum Pe Karoron Durood

Aankh ‘Ataa Kijiye Us Me Zia Dijiye
Jalwa Qareeb Aa Gaya Tum Pe Karoron Durood

Kaam Wo Le Lijiye Tum Ko Jo Raazi Kare
Theek Ho Naam e RAZA Tum Pe Karoron Durood