Kya theek ho rukh-e-Nabwi par misaal-e-gul,
Paa maal jalwaye kaf-e-paa hay jamaal-e-gul.

Jannat he un key jalwa sey jo yaaye rang-o-boo,
Aay gul hamaare gul sey hay gul ko sawaal-e-gul.

Un key qadam sey sil’aye ghaali hui jinaan,
Wallah mere gul sey hay jaah-o-jalaal-e-gul.

Sunta hoon ishq-e-shah mein dil hoga khoon fashaan,
Yaa Rab ye muzdah sach ho Mubarak ho faal-e-gul.

Bulbul haram ko chal gham-e-faani sey faidah,
Kab tak kahegi haaye wo ghuncha-o-laal-e-gul.

Ghamgeen hay shauq-e-ghaazah-khaak-e-Madinah main,
Shabnam sey dhul sakegi na gird-e-malaal-e-gul.

Bulbul yeh kya kaha main kahaan fasl-e-gul kahaan,
Ummeed rakh key aam hay jood-o-nawaal-e-gul.

Bulbul ghara hay abre walaa muzdah ho key ab,
Girti hay aashiyana pe barq-e-jamaal-e-gul.

Yaa Rab hara bhara rahe daagh-e-jigar ka bagh,
Har mah mahe bahaar ho har saal saal-e-gul.

Rang-e-muthrah sey kar kay khajal yaad shah mein,
Kheencha hay ham ne kaanton pe itr-e-jamaal-e-gul.

Main yaad-e-sheh me rowoon ‘anaa dil karein hujoom,
Har ashke laala-e-faam pe ho ehtemaal-e-gul,

Hain akse chehra sey lab gulgon mein surkhiyaan,
Dooba hay badr-e-gul sey shafaq mein hilaal-e-gul.

Naat-e-Huzoor mein mutarannim hay andaleeb,
Shaakhon key jhoomne sey ayaan wajd-o-haal-e-gul.

Bulbul gul-e-Madinah hamesha bahaar hay,
Do din ki hay bahaar fanaa hay maal-e-gul.

Shaikhain idhar nisaar Ghani-o-Ali udhar,
Ghuncha hay bulbulon ka yameen-o-shimaal-e-gul.

Chahe Khuda to payeinge ishq-e-Nabi mein khuld,
Nikli hay naama-e-dil-e-pur khoon me faal-e-gul.

Kar us ki yaad jis sey mile chain andaleeb,
Dekha nahi keh khaar-e-alam hay khyaal-e-gul.

Dekha tha khwaab-e-khaar-e-haram andaleeb ne,
Khatka kiya hay aankh me shab bhar khyaal-e-gul.

Un do ka sadqa jinko kaha mere phool hain,
Kijiye RAZA ko hashr mein khandaa misaal-e-gul.

Tumhaare zarre key par to sitaar haaye falak,
Tumhaare na’al ki naaqis misl ziyaaye falak.

Agar che chaale sitaron sey par gaye laakhon,
Magar tumhari talab mein thake na paaye falak.

Sar-e-falak na kabhi taa ba aastaan pohoncha,
Keh ibtidaaye bulandi thee intihaaye falak.

Ye mit key un ki rawish par huwa khud unki rawish,
Keh naqsh-e-paaye zameen par na soat-e-paaye falak.

Tumhari yaad mein guzri thee jaagte shab bhar,
Chali naseem hue band deed haaye falak.

Na jaag uthain kahin ahl-e-baqee kuchi neend,
Chala yeh narm na nikli sadaye paaye falak.

Yeh un key jalwe ne keen garmiyan shab-e-asraa,
Keh jab sey charkh mein hain naqrah-o-talaaye falak.

Mere Ghani ne jawaahar sey bhar diya daaman,
Gaya jo kaasa-e-mai le key shab gadaye falak.

Raha jo qaane’ yak naan-e-sookhta din bhar,
Mili huzoor sey kaan-e-gehr jazaye falak.

Tajammal-e-shab-e-asraa abhi simat na chuka,
Keh jab sey waisi hi kotal hay sabz haaye falak.

Khitaab-e-haq bhi hay dar baab-e-khalq-min-ajalik,
Agar idhar sey dam-e-hamd hay sadaaye falak.

Ye ahl-e-bait ki chakki sey chaal seekhi hay,
Rawaan hay be madad dast aasiya-e-falak.

RAZA ye naat-e-Nabi ne bulandiyan bakhsheen,
Laqab zameen-e-falak ka hua samaaye falak.

Naare dozakh ko chaman kar de bahare aariz
Zulmate hashr ko din kar de nahare aariz

Main to kya cheez hoon khud sahibe Qur’an ko shaha
Laakh mushaf se pasand aayi bahare aariz

Jaise Qur’an hai wird use gule Mehboobi ka
Yun hi Qur’aa(n) ka wazifa ha waqare aariz

Garche Qur’aa(n) hai na Qur’aa(n) ki barabar lekin
Kuch to hai jis pe hai woh madha nigaare aariz

Toor kya arsh jale dekh ke woh jalwaye garm
Aap aariz ho magar aainaye daare aariz

Turfa aalam hai woh Qur’an idhar dekhe(n) udhar
Mushafe paak ho hairane bahare aariz

Tarjama hai ye sifat ka woh khud aainaye zaat
Kyun na mushaf se zyada ho waqare aariz

Jalwa farmaye(n) rukhe dil ki siyahi mit jaye
Subha ho jaaye ilahi shabe taare aariz

Naame haq par kare mehboob dilo jaa(n) qurbaa(n)
Haq kare arsh se ta farsh nisaare aariz

Mushk bu zulf se rukh chehre se baalo(n) mein shu-aa’
Mo’jiza hai halabe zulfo tataare aariz

Haq ne bakhsha hai karam nazre gadaya(n) ho qabool
Pyare ik dil hai woh karte hain nisaare aariz

Aah be mayagiye dil ki Raza-e- mohtaj
Le kar ik jaan chala bahre nisaare aariz

Guzre Jis Rah Se Wo Sayyid E Wala Ho Kar
Reh Gayi Sari Zameen Anbar E Sara Ho Kar

Rukh E Anwar Ki Tajjali Jo Qamar Ne Dekhi
Reh Gaya Bosah Dah E Naqsh E Kaf E Pa Ho Kar

Waye Mehroomi E Qismat Ke Main Phir Ab Ki Baras
Reh Gaya Hamrah E Zawwar E Madinah Ho Kar

Chaman E Taiba Hay Wo Bagh Ke Murgh E Sidrah
Barson Chehke Hain Jahan Bulbul E Shaida Ho Kar

Sar-Sar E Dasht E Madinah Ka Magar Aya Khyal
Rashk E Gulshan Jo Bana Ghuncha E Dil Wa Ho Kar

Gosh E Sheh Kehte Hain Faryad Rasi Ko Ham Mein
Wada E Chashm Hay Bakhshain Ge Goya Ho Kar

Paye Sheh Par Gire Ya Rab Tapish E Meher Se Jab
Dil E Betab Ure Hashr Mein Para Ho Kar

Hay Yeh Ummeed RAZA Ko Teri Rahmat Se Shaha
Na Ho Zandani E Dozakh Tera Bandah Ho Kar

Bandah qaadir ka bhi qaadir bhi hay Abdul Qaadir,
Sir-e-baatin bhi hay zaahir bhi hay Abdul Qaadir.

Mufti-e-shar’a bhi hay qaazi-e-millat bhi hay,
Ilm-e-asraar sey maahir bhi hay Abdul Qaadir.

Manba’a faiz bhi hay majma’a afdaal bhi hay,
Meher-e-irfaan ka munnawar bhi hay Abdul Qaadir.

Qutb-e-abdaal bhi hay mehwer -e-irshaad bhi hay,
Markaze daairah-e-sir bhi hay Abdul Qaadir.

Salak-e-irfaan ki ziya hay yahi dur-e-mukhtaar,
Fakhr-e-ashbaah-wa-nazair bhi hay Abdul Qaadir.

Us key farmaan hain sab shaareh hukm-e-shaare’,
Mazhare naa hi-o-aamir bhi hay Abdul Qaadir.

Zee tasarruf bhi hay maazoon bhi mukhtar bhi hay,
Kaar-e-aalam ka muddabir bhi hay Abdul Qaadir.

Rashk-e-bulbul hay RAZA laala-e-sad daagh bhi hay,
Aap ka waasif-o-zaakir bhi hay Abdul Qaadir.

Ya shafi e umam lillah kar do karam
Rab salaamat rakhe tera sohna haraam

Ham ghulamo ka rakhna khudara bharaam
Rab salaamat rakhe tera sohna haraam

Muntashir hain khayalaat ki waadiyaan
lut gaya hai sukoon waaliye do jahaan

Rehem farma de ab teri ummat hain hum
Rab salaamat rakhe tera sohna haraam

Mere haathon main kaasa hai umeed ka
Hoon bhikaari Shaha main teri deed ka

Main gadaaye haraam too Nabi Mohtaram
Rab salaamat rakhe tera sohna haraam

Kis ko jaakar kahein Taajdaare haraam
Ghera daale hue hain zamane ke gham

Door ho jaaye gham Ya Nabi mohtasham
Rab salaamat rakhe tera sohna haraam

Tere yaadon maa’moor seena rahe
Saamne mere tera Madina rahe

Dar pe baitha rahoon leke main chashme nam
Rab salaamat rakhe tera sohna haraam

Ya Nabi apni ulfat ki saugaat de
Apni shayane shaan hum ko khairaat de

Is se matlab nahi hai siwaa ho ke kam
Rab salaamat rakhe tera sohna haraam

Haazri ho Niyazi ki darbaar mein
Umr guzre yoonhi tere azkaar me

Aate jaate rahe teri chaukhat pe hum
Rab salamat rakhe tera sohna haraam

Zahe Izzato Aetala-E Muhammad
Ke Hai Arsh E Haq Zere Paa-E Muhammad صلی اللہ علیہ وسلم

Makaa(n) Arsh Unka Falak Farsh Unka
Malak Khaadimane Sara-E Muhammad صلی اللہ علیہ وسلم

Khuda Ki Raza Chahte Hai Do Aalam
Khuda Chahta Hai Raza-E Muhammad صلی اللہ علیہ وسلم

Ajab Kya Agar Raham Farma Le Hum Par
Khuda-E Muhammad Baraa-E Muhammad صلی اللہ علیہ وسلم

Muhammad Baraa-E Janaab E Ilahi
Janaab e Ilahi Baraa-E Muhammad صلی اللہ علیہ وسلم

Basi Itre Mahboobi-E Kibriya Se
A-baye Muhammad Kabaa-E Muhammad صلی اللہ علیہ وسلم

baham Ahad Bandhe Hai Wasl E Abad Ka
Raza-E Khuda Aur Raza-E Muhammad صلی اللہ علیہ وسلم

Dame Naz’a Jaari Ho Meri Zabaa(n) Par
Muhammad Muhammad khuda-E Muhammad صلی اللہ علیہ وسلم

Asaa-E Kaleem Azdahaye Ghazab Tha
Giro(n) Ka Sahara Asaa-E Muhammad صلی اللہ علیہ وسلم

Main Kurbaan Kya Pyari Pyari Hai Nisbat
Ye Aan-E Khuda Wo Khuda-E Muhammad صلی اللہ علیہ وسلم

Muhammad ka damm Khaas Bahre Khuda Hai
Siwaye Muhammad Bara-E Muhammad صلی اللہ علیہ وسلم

Khuda Unko Kis Pyar Se dekhta Hai
Jo Aankhei(n) Hai Mahve Lika-E Muhammad صلی اللہ علیہ وسلم

Zulu Me Ijabat Khawasi Me Rehmat
Badhi Kis Tuzuk Se Dua-E Muhammad صلی اللہ علیہ وسلم

Izabat Ne Jhuk Kar Gale Se Lagaya
Badhi Naaz Se Jab Dua-E Muhammad صلی اللہ علیہ وسلم

Izabat Ka Sehra Inayat Ka Joda
Dulhan Banke Nikli Dua-E Muhammad صلی اللہ علیہ وسلم

Raza Pul Se Ab Wajd Karte Guzariye
Ki Hai Rabbe Sallim Sada-E Muhammad صلی اللہ علیہ وسلم

Tooba mein jo sab sey oonchi naazuk seedhi nikli shaakh,
Maangun naat-e-Nabi likhne ko Rooh-e-Quds sey aisi shaakh.

Mawla gulbun rahmat Zahra Sibtain uski kaliyan phool,
Siddique-o-Farooq-o-Usman-O-Haidar har ek uski shaakh.

Shaakh-e-qaamat sheh me zulf-o-chashm-o-rukhsaar-o-lab main,
Sunbul nargis gul pankhariyan qudrat ki kya phooli shaakh.

Apne in baaghon ka sadqa woh rahmat ka paani de,
Jis sey nakhl-e-dil mein ho paida pyaare teri wilaa ki shaakh.

Yaad-e-rukh mein aahein kar key ban mein main roya aayi bahaar,
Jhoomein naseemein nisaan barsa kaliyan chatkein mehki shaakh.

Zaahir-o-baatin awwal-o-aakhir zeb-e-faroo’-o-zain-e-usool,
Bagh-e-Risaalat mein hay tu hi gul ghuncha jar patti shaakh.

Aal-e-Ahmad khuzbiyadi Yaa Sayyad-e-Hamza kun madadi,
Waqt-e-khazaan-e-umre-e-RAZA ho barg-e-huda sey na aari shaakh.

Jobano(n) par hai bahare chaman aaraaiye dost
Khuld ka naam na le bulbule shadaaiye dost

Thak ke baithe to dare dil pe tamannaiye dost
Kaun se ghar ka ujaala nahi zaibaaiye dost

Arsaye hashr kuja mauqife Mahmood kuja
Saaz hungamo(n) se rakhti nahi(n) yaktaaiye dost

Mehr kis munh se jilau daariye jaana(n) karta
Saaye ke naam se bezaar hai yaktaaiye dost

Marne waalo ko yaha(n) milti hai umre javed
Zinda chchodegi kisi ko na masihaaiye dost

Unko yakta kiya aur khalq banayi ya’ni
Anjuman karke tamaasha kare tanhaaiye dost

Kaa’ba wa Arsh mein kohraam hai naakaami ka
Aah kis bazm me hain jalwaye yaktaaiye dost

Husne be parda ke parde ne mita rakkha hai
Dhoonde jaaye(n) kaha(n) jalwaye harjaaiye dost

Shauq roke na ruke paao uthaye na uthe
Kaisi mushkil mein hain Allah tamannaaiye dost

Sharm se jhukti hai mehraab ki saajid hain Huzoor
Sajda karwati hai kaa’be se jabee(n) saaiye dost

Taajwalo ka yaha khaak me maatha dekha
Saare daaraao(n) ki daaraa huyi daaraaiye dost

Toor par koi, koi charkh pe ye arsh se paar
Saare baalaao pe baala rahi baalaiye dost

Anta feehim ne adu ko bhi liya daaman mein
Aishe javed mubarak tujhe shaidaaiye dost

Ranje aa’da ka Raza chaara hi kya hai jab unhe
Aap gustaakh rakhe hilmo shikaibaaiye dost

Phir Utha Walwala E Yaad E Mugheelaan E Arab
Phir Khincha Daaman E Dil Sooye Beaabaan E Arab

Bagh E Firdous Ko Jaate Hain Haazaaraan E Arab
Haee Sehra E Arab Haee Beaabaan E Arab

Meethi Baatein Teri Deen E Ajam Imaan E Arab
Namkeen Husn Tera Jaan E Ajam Shaan E Arab

Ab To He Girya E Khoon Gauhar E Daamaan E Arab
Jismein Do La’al The Zahra Ke Woh Thee Kaan E Arab

Dil Wohi Dil He Jo Aankhon Se Ho Hairaan E Arab
Aankhein Wo Aankhein Hain Jo Dil Se Hon Qurbaan E Arab

Haee Kis Waqt Lagi Phaans Alam Ki Dil Mein
Ke Bohot Door Rahe Khaar E Mugheelan E Arab

Fasl E Gul Lakh Na Ho Wasl Ki Rakh Aas Hazaar
Phoolte Phalte Hain Be Fasl Gulistaan E Arab

Sadqe Hone Ko Chale Aate Hain Laakhon Gulzaar
Kuch Ajab Rang Se Phoola He Gulistaan E Arab

Andaleebi Pe Jagharte Hain Kate Marte Hain
Gul-O-Bulbul Ko Laraata He Gulistaan E Arab

Sadqe Rahmat Ke Kahaan Phool Kahaan Khaar Ka Kaam
Khud He Daaman Kash E Bulbul Gul E Khandaan-Arab

Shaadi E Hashr He Sadqe Mein Chutenge Qaidi
Arsh Par Dhoom Se He Daawat E Mehmaan E Arab

Charche Hote Hain Ye Kamhlaee Hue Phoolon Mein
Kyoon Ye Din Dekhte Paate Jo Biyabaan E Arab

Tere Be Daam Ke Bande Hain Raeesaan E Ajam
Tere Be Daam Ke Bandi Hain Haazaaraan E Arab

Hasht E Khuld Aeein Wahan Kasb E Latafat Ko RAZA
Chaar Din Barse Jahan Abr E Bahaaran E Arab

Taab e Miraat e Saher Gard e Bayabaan e Arab
Ghaaza e Rooye Qamar Dood e Charaaghaan e Arab

Allah Allah Bahaar e Chamanistaane Arab
Paak Hain Lauth e Khizaan Sey Gul-O-Rehaan e Arab

Joshish e Abr Sey Khoon e Gul e Firdous Kare
Cher De Rag Ko Agar Khaar e Bayabaan e Arab

Tishna e Neher e Jinaan Har Arabi-O-Ajami
Lab e Har Neher e Jinan Tishna e Neesaane Arab

Toq e Gham Aap Hawae Pare Qumri Sey Gire
Agar Aazad Kare Sarw e Khuramaan e Arab

Meher e Meezan Mein Chupa Ho To Hamal Mein Chamke
Dale Ek Boond Shabe De Mein Jo Baaraan e Arab

Arsh Sey Muzda e Bilqees e Shafa’at Laaya
Taair e Sidrah Nasheen Murgh e Sulemaan e Arab

Husn e Yusuf Pe Kateen Misr Mein Angasht e Zanaan
Sar Kataate Hain Tere Naam Pe Mardaan e Arab

Koocha Koocha Mein Mahekti Hay Yahaan Boo– e Qamees
Yusufistaan Hay Har Ek Gosha e Kan’aan e Arab

Bazm e Qudsi Mein Hay Yaad e Lab e Jaan Bakhsh Huzoor
Aalam e Noor Mein Hay Chashma e Haywaan e Arab

Paayay Jibreel Ne Sarkaar Sey Kya Kya Alqaab
Khusr-O-Khail e Malak Khaadim e Sultan e Arab

Bulbul-O-Nilpar-O-Kabak Bano Parwaano
Meh-O-Khursheed Pe Hanste Hain Charaghaan e Arab

Hoor Sey Kya Kahein Moosa Sey Magar Arz Karein
Ke Hay Khud Husn e Azal Taalib e Jaanaan e Arab

Karam e Naat-Key Nazdeek To Kuch Door Nahin
Ke Raza e Ajami Ho Sag e Hassaan e Arab

Naimatain Banta Jis Simt Woh Zeeshaan Gaya,
Saath Hi Munshiaey Rehmat Ka Qalam Daan Gaya

Le Khabar Jald Ke Ghairon Ki Taraf Dhiyaan Gaya
Mere Maula Mere Aqa Tere Qurbaan Gaya

Dil Hai Woh Dil Jo Teri Yaad Se Ma’moor Raha
Sar Hai Woh Sar Jo Tere Qadmon Pe Qurbaan Gaya

Unhein Jana Unhein Mana Na Rakhha Ghair Se Kaam
Lillah Al Hamd Main Duniya Se Musalmaan Gaya

Jaan O Dil Hosh Wa Khirad Sab To Madine Pahonche
Tum Nahi Chalte Raza Sara To Samaan Gaya

Aah Woh Aankh Ke Nakaame Tamanna Hi Rahi
Hai Woh Dil Jo Tere Dar Se Pur Arman Gaya

Aur Tum Par Mere Aqa Ki Ineat Na Sahi
Najdiyo! Kalmah Padhane Ka Bhi Ehsaan Gaya

Aaj Le Unki Panah Aaj Madad Maang Unse
Phir Na Maanege Qeamat Mein Agar Maan Gaya

Uff Re Munkar Yeh Badha Joshe Ta’assub Akhir
Bheed Me Haath Se Kam Bakht Ke Imaan Gaya

Banda Milne Ko Kareeb Hazrat E Qadir Gaya,
Lamey Batin Me Gumne Jalway Jahir Gaya.

Teri Maji Pa Gaya Suraj Bhi Fira Ulate Kadam,
Teri Ungali Uth Gai Mah Ka Kaleja Chir Gaya.

Badh Chali Teri Jiya Andher Aalm Se Ghata,
Khul Gaya Desoo Tera Rahmat Ka Badal Se Ghata Gaya.

Bandh Gai Teri Hawa Sawa Me Khak Udane Lagi,
Badh Chali Teri Jiya Aatis Pe Pani Phir Gaya.

Teri Rahmat Se Safiyullah Ka Beda Par Tha,
Tere Sadake Se Najiyullah K Bajara Tar Gaya.

Teri Aamad Thi Ki Baitullah Mujare Ko Zuka,
Teri Haibat Thi Ki Har But Thar Thara Kar Gir Gaya.

Momin Unaka Kya Huaa Allah Uska Ho Gaya,
Kafir Un Se Kya Phira Allah Hi Se Phir Gaya

Wo Ki Is Dar Ka Huaa Khalke Khuda Us Ki Hui,
Wo Ki Is Dar Se Phir Allah Us Se Phir Gaya.

Mujko Deewana Batate Ho Main To Wp Husyaar Hu,
Paanw Jab Taife Haram Me Thak Gae Sar Phir Gaya.

Ramatul Lil Aalmi Aafat Me Hun Kaisi Karun,
Mere Muala Main To Is Dil Me Bala Se Ghir Wo.

Main Tere Hatho Ke Sadake Kaisi Kakriya Thi Wo,
Jin Se Itane Kafiro Ka Dafaatan Munh Phir Gaya.

Kyun Janabe Bu Huraira Thaw O Kaisa Jaame Shir,
Jis Se Sattar Shahibo Ka Dugha Se Munh Phir Gaya

Wasta Pyare Ka Esa Ho Ki Jo Sunny Mare,
Yu Na Farmaey Tere Shahid Ki Wo Fajir Gaya.

Ars Par Dhoome Machi Wo Momine Shaleh Mila,
Fars Se Matam Uthe Wo Tayyeb-O Tahir Gaya.

Allah Allah Ye Uluey Khas Abdiyyat Raza,
Banda Milne Ko Karib Hajrate Kadirgaya.

Thokare Khate Firoge Unke Dar Par Pad Raho,
Kafila To E Raza Awwal Gaya Aakhir Gaya.

Banda Milne Ko Kareeb Hazrat E Qadir Gaya
Lamey Batin Me Gumne Jalway Jahir Gaya.

Kharab Hal Kya Dil Ko Pur Malal Kya
Tumhare Kuche Sey Rukhsat Kya Nihal Kya

Na Rue Gul Abhi Dekh N Bue Gul Shudhi
Kaja Ne Laake Kafas Sey Shikasta Baall Kya

Wo Dil Ki Khun Shuda Armaan The Jis Me Mal Dala
Fugan Ki Gore Sahida Ko Paemal Kya

Ye Rae Kya Thi Waha Sey Palatne Ki E Nafs
Shitamagar Ulati Chhuri Sey Hamne Halal Kya

Ye Kab Ki Muz Sey Adawat Thi Tuze Ko E Jalim
Chhudake Sange Dare Paak Sar Wabal Kya

Chaman Sey Fenk Diya Aashiyaney Bulbul
Ujada Khaney Be Kash Bada Kamal Kya

Tera Shitam Jada Aankhon Ne Kya Bigada Tha
Ye Kya Samay Ki Dur In Sey Wo Jamal Kya

Hujur Un Ke Khayale Watan Mitana Tha
Ham Aap Mit Gay Achchha Farag Baal Kya

Na Ghar Ka Rakha Na Is Dar Ka Hay Na Kami
Ha Be Basi Par Bhi Kuchh Khayal Kya

Jo Dil Ne Mar Ke Jalaya Tha Mannato Ka Chirag
Shitam Ki Arj Rahe Sar Sar Jawal Kya

Madina Chhud Ke Wirana Hind Ka Bhaya
Ye KaiSey Hae Hawaso Ne Ikhtelal Kya

Tu Jis Ke Waste Chhud Aaya Tayba Sha Mahbub
Bata To Is Shitam Aara Ne Kya Nihal Kya

Abhi Abhi To Chaman Me The Chahchahe Nagah
Ye Dard Kesa Utha Jis Ne Ji Nidhal Kya

Ilaahi Sun Le Raza Jite Ji Ki Muala Ne
Sagane Kucha Me Chehara Mera Bahal Kya

Shor e Mehno Sun Kar Main Dawan Aaya
Shaki Main Tere Sadake May De Ramja Aaya

Is Gul Ke Shiva Har Gul Bagos Gira Aaya
Dekhe Hi Gi E Bulbul Jab Waqte Fuga Aaya

Jab Baame Tazlla Par Wo Nayyare Ja Aaya
Sar Tha Gira Zuk Kar Dil Tha Jo Tapa Aaya

Jannat Ko Haram Samja Aate To Yaha Aaya
Ab Tak Ke Har Ek Ka Munh Kahata Hun Kaha Aaya

Tayba Ke Shiva Sab Bag Pamale Fana Honge
Dekhoge Chaman Walo Jab Ahade Khijan Aaya

Sar Aur Wo Sange Dar Aankha Aur Wo Bajme Nur
Jalim Ko Watan Ka Dhiyaan Aaya To Kaha Aaya

Kuchh Naeat Ke Tabke Ka Aalm Hi Nitala Hai
Sakta Me Padi Hai Aakl Chakkar Me Guman Aaya

Jalti Thi Jami Kaisi,Thi Dhup Kadi Kaisi
Lo Wo Kade Be Saya Ab Saya Kuna Aaya

Tayba Se Ham Aate Hain Kahie To Jina Walo
Kya Dekhe Ke Jeeta Hai Jo Wan Se Yaha Aaya

Le Tuike Alam Se Ab Aajad Ho E Kumari
Chatkhi Liey Bakhisas Ki Wo Sarwe Rawa Aaya

Nama Se Raza Ke Ab Mit Jaao Bure Kamo

Badkar Raza Khush Ho Kam Bhale Honge
Wo Achchhe Miya Pyara Achchho Ka Miya Aaya

Na Aasmaan Ko Yun Sar Kashida Hona Tha
Hujure Khake Madina Khmida Hona Tha

Agar Gulo Ko Khijan Na Rasida Hona Tha
Kinare Khare Madina Damida Hona Tha

Hujur Unke Khilafe Adab Thi Betabi
Meri Ummid Tuze Aarmida Hona Tha

Nazara Khake Madina Me Rahte Milati
Dile Haji Tuze Aske Chakida Hona Tha

Panahe Damane Daste Haram M Chin Aata
Na Sarb Dil Ko Gijale Ramida Hona Tha

Ye Kaise Khulta Ki In Ke Shiva Safia Nahi
Abas N Auro Ke Aage Tapida Hona Tha

Hilale Kaise N Banta Ki Mahe Kamil Ko
Salame Abrue Sah Me Khmida Hona Tha

L-Am L Anna Jahannam Tha Waedaey Ajali
N Munikaro Ka Abas Bad Akida Hona Tha

Nasim Kyun N Samim Unki Tayba Se Laati
Ki Shubhe Gul Ko Gariba Dariba Hona Tha

Tapkata Range Junun Ishqesah Me Har Gul Se
Rage Bahar Ko Nastar Rasida Hona Tha

Baja Tha Asr Pe Khak Mazare Paak Ko Naaz
Ki Tuzsa Asr Nasin Aafrida Hona Tha

Gujrate Jaan Se Ek Shor Ya Habib Ke Shat
Fugan Ko Nalae Halke Barida Hona Tha

Mere Karim Gunah Jahar Hai Magar Aakhir
Koy To Sahade Safaat Chida Hona Tha

Teri Kaba Ke N Kyun Niche Daman Ho
Ki Khaksaro Se Ya Kab Kashida Hona Tha

Raza Jo Dil Ko Banan Tha Jalwa Gahe Habib
To Pyare Kaide Khudi Se Rahida Hona Tha

Lamyati Nazeero Kaafi Nazarin
Misle To Na Shud Paida Jaana

Jag Raaj Ko Taaj Tore Sar So
Hai Tujh Ko Shahey Do Sara Jaana

Ana Fi Atshiv Wa Sakha Ka Atam
Aye Gesu E Paak Aye Abr E Karam

Barsan Haare Rimjhim Rimjhim
Do Boond Idhar Bhi Gira Jaana

Al Bahro Alaa Wal Mavjo Tagha
Mann Bekaso Tufaan Hosh Ruba

Manjdhaar Me Hu Ya Rasoolallah

Manjdhaar Me Hu Bigri Hai Hawaa
Moori Naiya Paar Laga Jaana

Ar Rooho Fida Ka Fazid Harka

Yak Shola Digar Barzan Ishqa

Mora Tan Mann Dhan Sab Phoonk Diya
Yeh Jaan Bhi Pyaare Jala Jaana

Al Qalbo Shyjivm Wal Hamo Shujut
Dil Dar Chuna Jaan Zer Chuno

Pat Apni Bhi Pat Mai Kaise Kahu
Mera Kaun Hai Tere Siwa Jaana

Bas Khaama E Khaam Nawa E Raza
Na Yeh Taraz Meri Na Yeh Rang Mera

Irshaad E Ahibba Na Atik Tha
Nachaar Is Raah Para Jaana

Mora Jiyera Larje Dharak Dharak
Taiba Se Abhi Na Suna Jaanaa

Lutf Unka Aam Ho Hi Jayega
Shad Har Nakam Ho Hi Jayega

Jan De Do Wa’ada E Deedar Par
Naqd Apna Dam Ho Hi Jayega

Shad Hai Firdous Yani Ek Din
Qismat E Khuddam Ho Hi Jayega

Yad Reh Jayengi Ye Be-Bakiya
Nafs Tu To Ram Ho Hi Jayega

Be Nishano Ka Nishan Mit-ta Nahi
Mit-te Mit-te Nam Ho Hi Jayega

Yad E Ghesu Zikr E Haq Ah Kar
Dil Me Paida Lam Ho Hi Jayega

Ek Din Awaz Badlenge Ye Saz
Chah-Chaha Kohram Ho Hi Jayega

Sailo Daman Sakhee Ka Tham Lo
Kuch Na Kuch In’am Ho Hi Jayega

Yad E Abru Karke Tadpe Bulbulo
Tukde Tukde Dam Ho Hi Jayega

Mufliso Unki Gali Me Ja Pado
Bagh E Khuld ikram Ho Hi Jayega

Gar Yuhi Rehmat Ki Tawile Rahi
Madh(a) Har Ilzam Ho Hi Jayega

Bada Khwari Ka Sama Bandhne To Do
Shaikh Durd-Asham Ho Hi Jayega

Gham To Unko Bhulkar Lipta Hai Yu(n)
Jaise Apna Kam Ho Hi Jayega

Mit Ki Gar Yuhi Raha Karz E Hayat
Jan Ka Nilam Ho Hi Jayega

Aqilo Un Ki Nazar Seedhi Rahe
Borwo Ka Bhi Kam Ho Hi Jayega

Ab To Layi Hai Shafa’at Afw Par
Badhte Badhte Am Ho Hi Jayega

Ay Raza Har Kam Ka Ik Waqt Hai
Dil Ko Bhi Aram Ho Hi Jayega

Muhammad Mazhar Kamil Hain Haq Ki Shaan Izzat Ka
Nazar Aata Ha Is Kasrat Main Kuchh Andaz Wahadat Ka

Yahi Hain Asle Aalam Madae Ijade Khilkat Ka
Yahaa Wahadat Main Barapa Hain Ajaba Hangama Kasrat Ka

Gada Bhi Muntazir Hain Khuld Main Neko Ki Dawat Ka
Khuda Din Khar Se Laae Sakhi Ke Ghar Ziyafat Ka

Gunah Magfor Dil Ke Rosan Khuak Aankhe Jigar Thnda
Taalalllah Mahe Tayaba Aalma Teri Talaat Ka

Na Rakhi Gul  Ke Jhose Husan Ne Gulsan Main Ja Baki
Cahtkata Phir Kaha Guncha Koy Bage Risaamat Ka

Bhda Ye Silsila Rahamat Ka Dhroe Julf Wala Main
Tasalsul Kale Koso Rah Gaya Isaya Ki Julmat Ka

Safe Matma Ude Khali Ho Jinda Tukte Zanzir
Gunhgaro Chalo Maula Ne Dark Hula Hain Jannat Ka

Sikhaya Hain Ye Kis Gustakha Ne Aaina Ko Ya Rab
Najara Roe Jana Ka Bahana Karke Heart Ka

Idhar Ummat Ki Hasrat Par Udhar Khaliak Ki Rahmat Ka
Nirala Toar Hoga Gadise Chame Safaat Ka

Bhade Is Dajha Muhje Kasate Afjaal Wala Ka
Kinara Mil Gaya Is Nahar Se Dariyae Wahadat Ka

Khame Julfe Nabi  Sajid Hain Maharabe Do Abro Ka
Ki Ya Rab Tu Hi Wali Hain Siayah Karane Ummat Ka

Madd E  Jhose Giya Baha De Koha  Or Sahara
Nazar Aa Jaae Jalwa Be Us Paak Tubat Ka

Hue Kamkawabie Hijara Main Saato Pade Kamkawabi
Tasvvuar Khub Bandha Aankho Ne Astare Tubat Ka

Yaki Hain Waqke Jalwa Lagjise Pae Nigah Pae
Mile Jose Safae Jism Se Pa Boss Hajrat Ka

Yaha Chhdaka Namak Wa Marhame Kafur Hath Aaya
Dile Jakhmi Namak Parawuda Hain Kis Ki Malahat Ka

Ilaahi Muntajir Hu Wo Kharame Naaz Farmaae
Bicha Rakha Hain Fas Aankho Ne Kamkhwabe Basarat

Na Ho Aaka Ko Sajda Aadamo Usuf Ko Sunati Hain
Magar Sidhe Jaraea Dab Hain Apani Sariat Ka

Jabane Khar Kis Kis Dard Se Un Ko Sunati Hain
Tadpana Dashte Tayba Me Jigar Apagar Fukrat Ka

Sirhane Un Ke Bismil Ke Ye Betabi Ka Matam Hain
Shahe Koasar Tarhahum Tashna Jata Hain Jiyarat Ka

Jinhe Makrad Me Ta Hashr Ummati Kah Kar Pukaroge
Hame Bhi Yad Kar Lo Un Me Sadka Apni Rahemat Ka

Vo Chamki Bijliyan Ya Rab Tajalli Haie Jano
Ki Chashme Toor Ka Surma Ho Dil Mushtak Ruyat Ka

Raza Khasta Joshe Bahare Isyo Se Na Dhabarana
Kabhi To Hath Aa Jaega Daman Un Ki Rahemat Ka

Ghum Ho Gaye Beshumar Aaqa
Banda Tere Nisaar Aaqa

Bigda Jaata Hai khel mera
Aaqa Aaqa Savaar Aaqa

Manjdhaar Pe Aake Naav Tuti
De Haath Ki Hu Main Paar Aaqa

Tuti Jati Hain Peeth meri
Lillah Ye Bojh Utaar Aaqa

Halka Hai Agar Hamara Palla
Bhari Hain Tera Waqar Aaqa

Majboor Hain Hum To Fikr Kya Hai
Tumko To Hain Ikhtiyar Aaqa

Main Duur Hu Tum To Ho Mere Paas
Sun Lo Meri Pukaar Aaqa

Mujhsa Koi Ghumzada Na Hoga
Tumsa Nahi Ghumgusar Aaqa

Girdaab Me Pad Gayi Hai Kashti
Duba Duba Utaar Aaqa

Tum Wo Ki Karam Ko Naaz Tumse
Main Wo Ke Badee Ko Aar Aaqa

Fir Muh Na Pade Kabhi Khiza Ka
De De Aisi Bahaar Aaqa

Jiski Marzi Khuda Na Taale
Mera Hai Wo Naamdar Aaqa

Hain Mulke Khuda Pe Jiska Qabza
Mera Hain Wo Kaamgar Aaqa

Soya Kiye Naabkaar Bande
Roya Kiye Zaar Zaar Aaqa

Kya Bhul Hai Unke Hote Kahlaye
Duniya Ke Ye Tajdaar Aaqa

Unke Adna Gada Pe Mit Jaye
Aise Aise Hazaar Aaqa

Be-abre Karam Ke Mere Dhabbe
La Tagsiluhal-bihar Aaqa

Itni Rehmat Raza Pe Kar Lo
La Yakrubuhul Bawaar Aaqa

Hum Khak Hain Aur Khak Hi Mawa Hain Hamara
Khaki To Wo Aadam Jade Aala Hain Hamara

Allah Hame Khak Kare Apni Talab Me
Ye Khak To Sarkar Se Tamaga Hain Hamara

Jis Khak Pe Rakhate The Kadam Sayyede Aalam
Us Khak Pe Kurba Dile Shaida Hain Hamara

Kham Ho Gai Pushte Falak Is Taane Jamin Se
Sun Ham Pe Madina Hain Wo Rutba  Hain Hamara

Us Ne Lakabe Khak Shahenshah Se Paya
Jo Haidere  Karar Ki Maula Hain Hamara

E Mudaiyo Khak Ko Tum Khak Na Samjo
Is Khak Me Madfun  Shahe Batha Hain Hamara

Hain Khak Se Taamir Majare Shahe Koanain
Maamur Isi Khak Se Kibala Hain Hamara

Hum  Khak Uda Lenge Jo Vo Khak Na Pai
Abad Raza Jis Pe Madina Hain Hamara

Al Aman Qahar he Ya Ghaus Woh Tikha Tera Lyrics

Mar key bhi chain sey sotaa nahin maara tera

Baadalon sey kahin rukti hay karakti bijlee,
Dhaalein cheent jaati hain uthta hay jo tegha teraa.

Aks ka dekh key munh aur biphar jaata hay,

Chaar aaina key bal ka nahin nezaa teraa.

Koh-e-sar mukh ho to ek waar mein do par kale,
Haath parta hi nahin bhool key aucha tera

Is pey yeh qeher key ab chand mukhalif tere,
Chahate hain key ghata dein kahin paaya tera

Aql hoti to Khuda sey nah laraai lete,

Yeh ghataein usey manzoor barhaana tera

Warafa’naa laka zikrak ka hay saaya tujh par,

Bol baala hay tera zikr hay ooncha teraa.

Mit gaye mit te hain mit jaayenge aa’daa tere,

Na mitaa hay na mitega kabhi charcha tera

Tu ghataaye sey kisi key na ghata hay na ghatay,
Jab barhaaye tujhe Allah Ta’ala teraa.

Samm-e-qaatil hay Khuda ki qasam unka inkaar,
Munkir-e-fadl-e-Huzoor aah ye likkha tera

Tu Hai Woh Ghaus Ke Har Ghaus Hai Shaida Tera
Tu Hai Woh Gais Ke Har Gais He Payasa Tera

Suraj Aglow Ke Chamakte Te Chamak Kar Dubeh
Ufaq Noore Pe He Mahr Hamesha Tera

Murg Sab Bolte He Bol Ke Chup Rehte Heh
Ha Aseel Ek Nawasanj Rahe Ga Tera

Jo Wali Qabal Te Ma Baad Howe Ya Hoonge
Sab Adab Rakteh He Dil Me Mere Aaka Tera

Tujse Aur Dahar Ke Aqtaab Se Nisbat Kaisi
Qutub Khud Koon He Khadim Tera Chela Tera

Saare Aqtaabe Jaha Karte He Kaabe Ka Tawaaf
Kaaba Karta He Tawaafe Dare Wala Tera

Too He Nausha Baraati He Ye Saara Gulzaar
La’ee He Fasle Saman Goondh Ke Sehra Tera

Daaliyah Jhoomti He Raqse Khushi Joush Pe He
Bulbule Jholti He Gaathi He Sehra Tera

Geet Kaliyo Ki Chatak Gazle Hazaaro Ki Chahak
Baagh Ke Saazo Me Bajta He Tarana Tera

Kis Ghulistaan Ko Nahin Fasle Bahari Se Niyaaz
Kaun Se Silsile Meh Faiz Na Ayaa Tera

Heh Raza Yoon Na Balak To Nahein Jayyad To Na Ho
Sayyidi Jayyad Har Dahar He Maula Tera

Wah Kya Martaba Ae Ghous Hai Bala Tera
Unche Uncho Ke Saro Se Kadam Aala Tera

Sar Bhala Kiya Koi Jane Ki Hain Kesa Tera
Avaliya Malte Hain Aankhain Wo Hain Talwa Tera

Kiya Dabe Jis Pe Himayat Ka Ho Panja Tera
Sher Ko Khatare Main Lata Nahi Kutta Tera

Tu Huseni Hasani Kiyu Na Muhiyudin Ho
Ae Khijar Majmaae Baharen Hain Chashma Tera

Kasame De De Ki Khilata Hain Pilata Hain Tuje
Piyara Allaha Tera Chahane Wala Tara

Mustafa Ke Tane Be Saya Ka Saya Dekha
Jis Ne Dekha Meri Jah Jalwae Jeba TeraI

bne Jahara Ko Mubarak Ho Uruse Kudrat
Qadri Paae Tasduk Mere Dulha Tera

Kiyon Na Kasim Ho Ki Tu Ibne Abil Kasim Hain
Kiyon Na Qadri Ho Ki Mukhtar Hain Baba Tera

Nabwi Menh, Alvi Fashl Batuli Gulshan
Hasani Phool Huseni Hain Mahkana Hain Tera

Nabawi Jill Alwi Bujn Batuli Manjil
Hasani Chand Huseni Hani Ujala Tera

Nabawi Khur Alwi Koh Batuli Maadin
Hasani Lal Huseni Hain Tajalla Tera

Bahar-O Bar Sahar-O Kari Sahal-O Hujan Dast-O Chman
Kon Se Chak Pe Pahunchata Nahi Daawa Tera

Husne Niyyat Ho Khata Phir Khabhi Karta Hi Nahi
Aajmaya Hain Yagana Hain Dogana Tera

Aarje Ahawal Ki Pyaso Me Kahan Tab Magar
Aankhain Ek Abre Karam Takti Hain Rasta Tera

Mot Najdik Gunahon Ki Tahe Mail Ke Khol
Aa Baras Ja Ki Naha Dhole Ye Pyasa Tera

Aab Aamad Wo Kahe Aur Me Taymmum Barkhast
Muste Khak Apni Ho Aur Noor Ka Ahala Tera

Jan To Jate Hi Jaegi Kiyamat Ye Hain
Ki Yahan Marne Pe Thahara Hain Najara Tera

Tuj Se Dar, Dar Se Sag Aur Se Sag Hain Mujko Nisbat
Meri Gardan Main Bhi Dur Ka Dora Tera

Is Nisani Ke Jo Sag Hain Nahi Mare Jate
Hashr Tak Mere Gale Me Rahe Patta Tera

Meri Kismat Ki Kasam Khae Sagane Bagadad
Hind Me Bhi Hu To Deta Rahu Pahra Tera

Tare Ijjat Ke Nisar Ae Mere Gairat Wale
Aah Sad Aah Ki Yunh Khwar Ho Barda Tera

Bad Sahi, Chor Sahi, Mujarim-O Nakara Sahi
Ae Wo Kesa Hi Sahi Hain Tu Karima Tera

Muj Ko Ruswa Bhi Agar Koi Kahega To Yunhi
Ki Wahi Na Woh Rija Bandae Rusawa Tera

Hain Rija Yunh Na Bilak Tu Nahi Jayyed To Na Ho
Sayyede Jayyede Har Dahar Hain Maola Tera

Fakhre Aaka Me Raza Aur Bhi Ek Najme Rfi
Aa Chal Likha Layen Sana Khwano Main Chehara Tera

Wah Kya Joodo Karam Hay Shahe Bat-Ha Tera
Nahi Sunta Hi Nahi Maangne Waala Tera

Dhaare Chalte Hain Ataa Ke Wo Hain Qatra Tera
Tare Khilte Hain Sakhaa Ke Wo Hay Zar-ra Tera

Faiz Hay Ya Shahe Tasneem Nirala Tera
Aap Pyaso Ke Tajas-sus Me Hay Dariya Tera

Agniyan Palte Hain Dar Se Wo Hay Bada Tera
Asfiya Chalte Hain Sar Se Wo Hay Rasta Tera

Farsh Waale Teri Shaukat Ka Uloo Kya Jaanen
Khusrawa Arsh Pe Urta Hay Phareraa Tera

Aasmaan Khwan, Zameen Khwan Zamana Mehmaan
Sahibe Khana Laqab Kiska Hay Teraa Teraa

Main To Maalik Hi Kahoonga Ke Ho Maalik Ke Habeeb
Ya’ani Mahboob o Muhib Me Nahi Mera Tera

Tere Qadmoun Me Jo Hain Ghair Ka Muh Kya Dekhein
Kon Nazroun Pe Charhe Dekh Ke Talwaa Tera

Bahre Saail Ka Hun, Sail Na Kuwein Ka Pyasa
Khud Bujha Jaye Kaleja Mera Cheenta Teraa

Chor Haakim Se Chupa Karta Hain Yaan Uske Khilaaf
Tere Daaman Me Chupe Chor Anokha Teraa

Aankhein Thandi Ho Jigar Taze Ho Jaan-e-Sairaab
Sachhe Suraj Wo Dil-Aara Hai Ujala Tera

Aik Main Kya Mere Is yaan Ki Haqeeqat Kitni
Mujhse Sau Laakh Ko Kaafi Hay Isharaa Tera

Muft Paala Tha Kabhi Kaam Ki Aadat Na Paree
Ab Amal Poochte Hain Haaye Nikamma Teraa

Tere Tukro Se Pale Ghair Ki Thokar Pe Na Daal
Jhirkiyaan Khaayein Kahan Chor Ke Sadqa Tera

Khwar o Bimar o Khatavar o Gunahgaar Hun Main
Rafe’a o Nafe’a o Shafe’a Lakab Aaqa Teraa

Meri Taqdeer Buri Ho To Bhalee Kardey Ke Hay
Mahwo Isbaat Ke Daftar Me Karora Tera

Tu Jo Chahe To Abhi Mayl Merey Dil Ke Dhulein
Ke Khuda Dil Nahi Karta Kabhi Mayla Tera

Kiska Muh Takiye Kaha Jaiye Kis Se Kahiye
Tere Hi Qadmoun Pe Mitt Jaye Yeh Paala Tera

Tu Ne Islam Diya Tu Ne Jama’at Me Liya
Tu Kareem Ab Koi Phirta Hain Atiyya Tera

Maut Sunta Hun Sitam Talkh Hain Zahraa ba-e Nab
Kaun La De Mujhe Talwo Ka Ghusala Tera

Dur Kya Janiye Bad-kaar Pe Kaise Guzre
Tere Hi Dar Pe Mare Be-kaso Tanha Tera

Tere Sadqe Mujhe Ik Boond Bohat Hay Teri
Jis Din Achho Ko Milay Jaam Chalakta Tera

Haram-O-Taibah Wa Baghdad Jidhar Kije Nigah
Jyot Parti Hay Teri Noor Hay Chanta Tera

Teri Sarkaar Me Laata Hay Raza Usko Shafee
Jo Mera Ghous Hay Aur Laadla Beta Teraa