Zar’re Jhar Kar Teri Pezaaron Ke
Taaj e Sar Bante Haiñ Sayyaron Ke
Hum Se Choroñ Pe Jo Farma-eñ Karam
Khil’at e Zar Baneñ Pushtaaroñ Ke
Mere Aaqa Ka Wo Dar Hai Jis Par
Maathe Ghis Jaate Haiñ Sardaaroñ Ke
Mere Esa Tere Sadqe Jaawuñ
Taur Be-Taur Haiñ Bimaaroñ Ke
Mujrimo! Chashm e Tabas’sum Rakho
Phool Ban Jaate Haiñ Angaaroñ Ke
Tere Abru Ke Tasad’duq Pyaare
Band Kar’re Haiñ Giriftaaroñ Ke
Jaan o Dil Tere Qadam Par Waare
Kya Naseebe Haiñ Tere Yaaroñ Ke
Sidq o Adl o Karam o Himmat Me
Chaar Soo Shohre Haiñ In Chaaroñ Ke
Behr e Tasleem e Ali Maidaañ Me
Sar Jhuke Rehte Haiñ Talwaaroñ Ke
Kaise Aaqa-oñ Ka Banda Huñ RAZA
Bol Baale Meri Sarkaaroñ Ke
ذرّے جھڑ کر تری پیزاروں کے
تاجِ سر بنتے ہیں سَیّاروں کے
ہم سے چوروں پہ جو فرمائیں کرم
خِلْعَتِ زر بنیں پُشتاروں کے
میرے آقا کا وہ در ہے جس پر
ماتھے گھس جاتے ہیں سرداروں کے
میرے عیسیٰ تِرے صدقے جاؤں
طور بے طور ہیں بیماروں کے
مجرمو ! چشمِ تبسم رکھو
پھول بن جاتے ہیں انگاروں کے
تیرے اَبرو کے تَصَدُّق پیارے
بند کرّے ہیں گرفتاروں کے
جان و دل تیرے قدم پر وارے
کیا نصیبے ہیں ترے یاروں کے
صِدق و عَدل و کرم و ہمّت میں
چار سو شُہرے ہیں اِن چاروں کے
بہرِ تَسلیمِ علی میداں میں
سر جھکے رہتے ہیں تلواروں کے
کیسے آقاؤں کا بندہ ہوں رضاؔ
بول بالے مِری سرکاروں کے