Yaad mein jis ki nahi hosh e tan o jaa(n) hum ko
Phir dikha day woh rukh ae mohar faroza(n)! Hum ko
Der se aap mein aana nahi milta hai hamein
Kya hi khud rafta kya jalwa e janaa(n)! Hum ko
Jis tbssm ne gulisitan pay girayi bijli
Phir dikha day woh adaye gul e khanda(n) hum ko
Kash aaweza e qandil e madinah ho woh dil
Jis ki soozish ne kya rashke cheragha(n) hum ko
Arsh jis khoobi raftaar ka pamaal huwa
Do qadam chal ke dikha saro kharama(n)! Hum ko
Shama tayyiba se mein parwana rahon kab taq door
Haan jala day sharer aatish panha(n)! Hum ko
Khauf hai sama kharashi sagh tayyiba ka
Warna kya yaad nahi naala o afgha(n) hum ko
Khaak ho jaien dar e pak pay hasrat mِt jaye
Yaa ilahi nah phira be sir o sama(n) hum ko
Khaar sehraye madinah nah nikal jaye kahin
Wehshat dil nah phira koh o byaba(n) hum ko
Tang aeye hain do aalam tri betabi se
Chain lainay day tapay seena e sozaa(n) hum ko
Paao(n) ghirbaa(n) hue raah e madinah nah mili
Ae junoo(n)! Ab to miley rukhsat zanda(n) hum ko
Mere har zakham jigar se yeh nikalti hai sada
Ae malih arabi! Kar day namakdaa(n) hum ko
Sair gulshan se asiiraan qafas ko kya kaam
Nah day takleef chaman bulbul e bastaa(n) hum ko
Jab se aankhon mein samai hai madinah ki bahar
Nazar atay hain khazaa deedaa gulisita(n) hum ko
Gir lab pak se iqraar shafaat ho jaye
Yun nah be chain rakhay joshish e isyaa(n) hum ko
Nayyar hashar ne ik aag laga rakhi hai !
Taez hai dhoop miley saaya e dama(n) hum ko
Reham farmayie ya shah ke ab taab nahi
Taabkey khoon rulay gham e hijra(n) hum ko
Chaak daman mein nah thak jayoo ae dast e junoo(n)
Purze karna hai abhi jaib o gireyba(n) hum ko
Parda uss chehra e anwar se uttha kar ik baar
Apna aaina bana ae meh taba(n) hum ko
Ae raza wasf rukh e pak sunanay ke liye
Nazar dete hain chaman, murgh ghazal khwa(n) hum ko
یاد میں جس کی نہیں ہوشِ تن و جاں ہم کو
پھر دِکھا دے وہ رُخ اے مہرِ فروزاں ! ہم کو
دیر سے آپ میں آنا نہیں ملتا ہے ہمیں
کیا ہی خُود رفتہ کیا جلوئہ جاناں ہم کو
جس تبسّم نے گلستاں پہ گرائی بجلی
پھر دِکھا دے وہ ادائے گلِ خنداں ہم کو
کاش آویزئہ قندیلِ مدینہ ہو وہ دِل
جس کی سوزش نے کیا رشکِ چراغاں ہم کو
عرش جس خوبیِ رفتار کا پامال ہوا
دو قدم چل کے دِکھا سروِ خراماں ہم کو
شمعِ طیبہ سے میں پروانہ رہوں کب تک دُور
ہاں جلا دے شررِ آتشِ پنہاں ہم کو
خوف ہے سمع خراشیِ سگِ طیبہ کا
ورنہ کیا یاد نہیں نالہ و اَفغاں ہم کو
خاک ہوجائیں درِ پاک پہ حسرت مِٹ جائے
یاالٰہی نہ پِھرا بے سر و سَاماں ہم کو
خارِ صحرائے مدینہ نہ نکِل جائے کہیں
وحشتِ دل نہ پِھرا کوہ و بیاباں ہم کو
تنگ آئے ہیں دو عالم تری بیتابی سے
چین لینے دے تپِ سینۂ سوزاں ہم کو
پاؤں غِربال ہوئے راہِ مدینہ نہ ملی
اے جنوں اب تو مِلے رُخصت زِنداں ہم کو
میرے ہر زخمِ جگر سے یہ نکلتی ہے صَدا
اے مَلیحِ عربی! کر دے نمکداں ہم کو
سیرِ گلشن سے اسیرانِ قَفَس کو کیا کام
نہ دے تکلیفِ چمن بلبلِ بُستاں ہم کو
جب سے آنکھوں میں سمائی ہے مدینہ کی بہار
نظر آتے ہیں خَزاں دیدہ گلستاں ہم کو
گر لب پاک سے اقرارِ شفاعت ہو جائے
یوں نہ بے چین رکھے جوشِشِ عصیاں ہم کو
نیّر حشر نے اِک آگ لگا رکھی ہے
تیز ہے دھوپ ملے سایۂ داماں ہم کو
رحم فرمائیے یا شاہ کہ اب تاب نہیں
تابکے خون رُلائے غمِ ہجراں ہم کو
چاکِ داماں میں نہ تھک جائیو اے دستِ جنوں
پُرزے کرنا ہے ابھی جیب و گریباں ہم کو
پَردہ اُس چہرئہ انور سے اُٹھا کر اِک بار
اپنا آئینہ بنا اے مہِ تاباں ہم کو
اے رضاؔ وصفِ رُخِ پاک سُنانے کے لئے
نذر دیتے ہیں چمن، مُرغِ غزل خواں ہم کو