Wohi Rab’b Hai Jis Ne Tujh Ko Hama-Tan Karam Banaaya
Hameñ Bheek Maangne Ko Tera Aastaañ Bataaya
Tujhe Hamd Hai Khudaaya
Tumheeñ Haakim e Baraaya Tumheeñ Qaasim e ’Ataaya
Tumheeñ Daaf’e Balaaya Tumheeñ Shaaf’e Khataaya
Ko-ee Tum Sa Kaun Aaya
Woh kunwaari paak Maryam woh nafakhtofeeh kaa dam
Hay ‘ajab nishaan e a’azam magar Aamina ka jaaya
Wohi sab sey afzal aaya
Yahi Bole Sidra Waale Chaman e Jahaañ Ke Thaalay
Sabhi Maiñ Ne Chaan Daale Tere Paaye Ka Na Paaya
Tujhe Yak Ne Yak Banaaya
Ye Mila Hai Tum Ko Mansab
Jo Gada Bana Chuke, Ab Ut’tho Waqt e Bakhshish Aaya
Karo Qismat e ’Ataaya
Wa Ilal Ilaahi Farghab Karo Arz Sab Ke Matlab
Ke Tumheeñ Ko Takte Haiñ Sab Karo Un Par Apna Saaya
Bano Shaaf’e Khataaya
Aray Ay Khuda Ke Bando! Ko-ee Mere Dil Ko Dhoondo
Mere Paas Tha Abhi To, Abhi Kya Huwa Khudaaya
Na Ko-ee Gaya Na Aaya
Hameñ Ay RAZA Tere Dil Ka Pata Chala Ba-Mushkil
Dar e Rauza Ke Muqaabil Wo Hameñ Nazar To Aaya
Ye Na Pooch Kaisa Paaya
Kabhi Khandah Zer Lab Hai Kabhi Girya Saari Shab Hai
Kabhi Gham Kabhi Tarab Hai Na Sabab Samajh Me Aaya
Na Usi Ne Kuch Bataaya
Kabhi Khaak Par Para Hai Sar e Charkh Zer e Paa Hai
Kabhi Pesh e Dar Khara Hai Sar e Bandagi Jhukaaya
To Qadam Me ‘Arsh Paaya
Kabhi Wo Tapak Ke Aatish Kabhi Wo Tapak Ke Baarish
Kabhi Wo Hujoom e Naalish Ko-ee Jaane Abr Chaaya
Bari Joshishoñ Se Aaya
Kabhi Wo Chehak Ke Bulbul Kabhi Wo Mahak Ke Khud Gul
Kabhi Wo Lehak Ke Bilkul Chaman e Jinaañ Khilaaya
Gul e Quds Lehlahaaya
Kabhi Zindagi Ke Armaañ Kabhi Margh e Nau Ka Khwahaañ
Wo Jiya Ke Marg Qurbaañ Wo Mawa Ke Zeest Laaya
Kahe Rooh, Haañ Jilaaya
Kabhi Gum Kabhi ‘Iyaañ Hai Kabhi Sard Gah Tapaañ Hai
Kabhi Zer e Lab Faghaañ Hai Kabhi Chup Ke Dam Na Thaaya
Rukh e Kaam Jaañ Dikhaaya
Ye Tasaw’wuraat e Baatil Tere Aage Kya Haiñ Mushkil
Teri Qudrateñ Haiñ Kaamil Unheñ Raast Kar Khudaaya
Maiñ Unheñ Shafee’ Laaya