Wohi Rab’b Hai Jis Ne Tujh Ko Hama-Tan Karam Banaaya
Hameñ Bheek Maangne Ko Tera Aastaañ Bataaya
Tujhe Hamd Hai Khudaaya
Tumheeñ Haakim e Baraaya Tumheeñ Qaasim e ’Ataaya
Tumheeñ Daaf’e Balaaya Tumheeñ Shaaf’e Khataaya
Ko-ee Tum Sa Kaun Aaya
Woh kunwaari paak Maryam woh nafakhtofeeh kaa dam
Hay ‘ajab nishaan e a’azam magar Aamina ka jaaya
Wohi sab sey afzal aaya
Yahi Bole Sidra Waale Chaman e Jahaañ Ke Thaalay
Sabhi Maiñ Ne Chaan Daale Tere Paaye Ka Na Paaya
Tujhe Yak Ne Yak Banaaya
Ye Mila Hai Tum Ko Mansab
Jo Gada Bana Chuke, Ab Ut’tho Waqt e Bakhshish Aaya
Karo Qismat e ’Ataaya
Wa Ilal Ilaahi Farghab Karo Arz Sab Ke Matlab
Ke Tumheeñ Ko Takte Haiñ Sab Karo Un Par Apna Saaya
Bano Shaaf’e Khataaya
Aray Ay Khuda Ke Bando! Ko-ee Mere Dil Ko Dhoondo
Mere Paas Tha Abhi To, Abhi Kya Huwa Khudaaya
Na Ko-ee Gaya Na Aaya
Hameñ Ay RAZA Tere Dil Ka Pata Chala Ba-Mushkil
Dar e Rauza Ke Muqaabil Wo Hameñ Nazar To Aaya
Ye Na Pooch Kaisa Paaya
Kabhi Khandah Zer Lab Hai Kabhi Girya Saari Shab Hai
Kabhi Gham Kabhi Tarab Hai Na Sabab Samajh Me Aaya
Na Usi Ne Kuch Bataaya
Kabhi Khaak Par Para Hai Sar e Charkh Zer e Paa Hai
Kabhi Pesh e Dar Khara Hai Sar e Bandagi Jhukaaya
To Qadam Me ‘Arsh Paaya
Kabhi Wo Tapak Ke Aatish Kabhi Wo Tapak Ke Baarish
Kabhi Wo Hujoom e Naalish Ko-ee Jaane Abr Chaaya
Bari Joshishoñ Se Aaya
Kabhi Wo Chehak Ke Bulbul Kabhi Wo Mahak Ke Khud Gul
Kabhi Wo Lehak Ke Bilkul Chaman e Jinaañ Khilaaya
Gul e Quds Lehlahaaya
Kabhi Zindagi Ke Armaañ Kabhi Margh e Nau Ka Khwahaañ
Wo Jiya Ke Marg Qurbaañ Wo Mawa Ke Zeest Laaya
Kahe Rooh, Haañ Jilaaya
Kabhi Gum Kabhi ‘Iyaañ Hai Kabhi Sard Gah Tapaañ Hai
Kabhi Zer e Lab Faghaañ Hai Kabhi Chup Ke Dam Na Thaaya
Rukh e Kaam Jaañ Dikhaaya
Ye Tasaw’wuraat e Baatil Tere Aage Kya Haiñ Mushkil
Teri Qudrateñ Haiñ Kaamil Unheñ Raast Kar Khudaaya
Maiñ Unheñ Shafee’ Laaya
وہی ربّ ہے جس نے تجھ کو ہَمہ تن کرم بنایا
ہمیں بھیک مانگنے کو تِرا آستاں بتایا
تجھے حمد ہے خدایا
تمہِیں حاکمِ برایا تمہِیں قاسمِ عطایا
تمہِیں دافعِ بلایا تمہِیں شافعِ خطایا
کوئی تم سا کون آیا
وہ کنواری پاک مریم وہ نَفَخْتُ فِیْہ کا دم
ہے عجب نشانِ اعظم مگر آمنہ کا جایا
وہی سب سے افضل آیا
یہی بولے سِدرہ والے چمنِ جہاں کے تھالے
سبھی میں نے چھان ڈالے تِرے پایہ کا نہ پایا
تجھے یک نے یک بنایا
فَاِذَا فَرَغْتَ فَانْصَبْ یہ ملا ہے تم کو مَنصَب
جو گدا بنا چکے اب اُٹھو وقتِ بخشِش آیا
کرو قسمتِ عطایا
وَ اِلَی الْاِلٰہِ فَارْغَبْ کرو عرض سب کے مَطلب
کہ تمہیں کو تکتے ہیں سب کرو اُن پر اپنا سایا
بنو شافعِ خطایا
ارے اے خدا کے بندو! کوئی میرے دل کو ڈھونڈو
مرے پاس تھا ابھی تو ابھی کیا ہوا خدایا
نہ کوئی گیا نہ آیا
ہمیں اے رضاؔ ترے دل کا پتا چلا بہ مشکل
درِ روضہ کے مقابل وہ ہمیں نظر تو آیا
یہ نہ پوچھ کیسا پایا
کبھی خَندَہ زیر لب ہے کبھی گریہ ساری شب ہے
کبھی غم کبھی طَرب ہے نہ سبب سمجھ میں آیا
نہ اسی نے کچھ بتایا
کبھی خاک پر پڑا ہے سرِ چَرخ زیرِ پا ہے
کبھی پیشِ در کھڑا ہے سرِ بندگی جھکایا
تو قدم میں عرش پایا
کبھی وہ تَپک کہ آتِش کبھی وہ ٹپک کہ بارش
کبھی وہ ہجومِ نالِش کوئی جانے اَبر چھایا
بڑی جوشِشوں سے آیا
کبھی وہ چہک کہ بلبل کبھی وہ مہک کہ خود گل
کبھی وہ لہک کہ بالکل چمنِ جِناں کھلایا
گلِ قدس لہلہایا
کبھی زندگی کے اَرماں کبھی مَرگِ نو کا خواہاں
وہ جیا کہ مرگ قرباں وہ موا کہ زیست لایا
کہے روح ہاں جلایا
کبھی گم کبھی عِیاں ہے کبھی سرد گَہ تَپاں ہے
کبھی زیرِ لب فَغاں ہے کبھی چپ کہ دم نہ تھا یا
رخِ کام جاں دکھایا
یہ تَصَوُّراتِ باطل تِرے آگے کیا ہیں مشکل
تری قُدرتیں ہیں کامل انھیں راسْتْ کر خدایا
میں انھیں شفیع لایا