Woh Sarwar E Kishwar E Risalat Jo Arsh Par Jalwa Gar Huye The
Nee Nirale Tarab Ke Saaman Arab Ke Mehman Ke Liye The
Bahar Hai Shadiyan Mubarak Chaman Ko Aabadiyan Mubarak
Malak Falak Apni Apni Le Main Yeh Ghar Ana Dil Ka Bolte The
Wahan Falak Per Yahan Zameen Main Rachi Thi Shaadi Machi Thi Dhoomein
Udhar Se Anwar Haste Aate Idhar Se Naf-Haat Ooth Rahe They
Yeh Joot Padti Thi Unke Rukh Ki Ke Arsh Tak Chandni Thi Chhatki
Woh Raat Kya Jagmaga Rahi Thi Jagah Jagah Nasb Aaine They
Nei Dulhan Ki Phaban Main Kaaba Nikhar Ke Sanwara Sanwar Ke Nikhra
Hajar Key Sadqe Kamar Key Eik Til Main Rang Lakhoon Banao Key They
Nazar Main Dulha Key Pyare Jalwe Hea Se Mehrab Sir Jhukee
Siyah Parde Ke Moun Per Aanchal Tajaliye Zaat E Bahat Se The
Khushi Ke Badal Umand Ke Aee Diloon Ke Taoos Rang Lee
Woh Naghma E Naat Ka Samaan Tha Haram Ko Khud Wajd Aa Rahe The
Yeh Jhooma Mizab E Zar Ka Jhoomer Ke Aa Raha Kaan Per Dhalak Ker
Phuhar Barsi To Moti Jhar Ker Hatim Ki Gaud Mein Bhare They
Dulhan Ki Khushboo Se Mast Kapre Nasim E Gustakh Aanchloon Se
Gilaf E Mushkeen Jo Oord Raha Tha Ghazal Naafe Basaa Rahe The
Pahadiyoon Ka Woh Husn E Taz’ee Woh Oonchi Choti Woh Nazo Tamqeen
Saba Se Sabzah Main Lehrein Aateen Dupatte Dhani Chune Huye The
Naha Ke Nehroon Ne Woh Chamakta Libas Aabe Rawan Ka Pehna
Ki Mauj E Chadiyaan Thi Dhaar Lachka Habab E Tabaan Ke Thal Take The
Purana Purdag Malgaja Tha Utha Diya Farsh Chandni Ka
Hajoom E Tare Nigah Se Kosoon Qadam Qadam Farsh Baadley The
Ghubar Ban Ker Nisaar Jeein Kahan Ab Uss Rah Guzar Ko Peein
Hamare Dil Huriyoon Ki Aankhein Farishtoon Ke Per Jahan Biche The
Khuda Hee De Sabr Jaan E Purgham Dikhaoon Kyun Kar Tujhe Woh A’alam
Jab Unko Jhurmat Main Lake Qudsi Jinaa Ka Dulha Bana Rahe The
Utar Ker Unke Rukh Ka Sadqa Yeh Noor Ka But Raha Tha Bada
Ke Chand Suraj Machal Machal Ker Jabeen Ki Khairat Mangte The
Wohi To Ab Tak Chalak Raha Hai Wohi To Joban Tapak Raha Hai
Nahane Me Jo Gira Tha Pani Katore Taroon Ne Bhar Liye The
Bacha Jo Talwoon Ka Unke Dhouwan Bana Woh Jannat Ka Rang O Roghan
Jinhoon Ne Dulha Ki Pei Utran Woh Phool Gulzar E Noor Ke The
Khabar Yeh Tehweele Maher Ki Thi Ke Rut Sunhani Ghadi Phire Gee
Wahan Ki Poshak Ze-Be Tan Ki Yahan Ka Joda Badha Chuke The
Tajaliy E Haq Ka Sehra Sar Per Salat O Tasleem Ki Nichawar
Do Roya Qudsi Pare Jama Kar Kharhe Salami Ke Waaste The
Jo Hum Bhi Waan Hote Khaq E Gulshan Lipat Ke Qadmoon Se Ley Te Utran
Magar Karein Kiya Naseeb Main To Yeh Namuradi Ke Din Likhe The
Abhi Na Aee The Pusht E Zeen Tak Ke Sir Hui Maghfirat Ki Shallak
Sada Shafa’at Ne Di Mubarak! Gunaah Mastana Jhoomte The
Ajab Na Tha Rakhsh Ka Chamakna Gazal E Dam Khurdasa Bhadakna
Shuaein Bukke Urha Rahi Theen Tadapte Ankhoon Pe Saieqe The
Hujum E Umeed Hai Ghatao Muradein De Kar Inhein Hatao
Adab Ki Baagein Liye Badhao Malaika Me Yeh Ghal Ghale The
Uthi Jo Garde Rahe Munawar Woh Noor Barsa Ke Raaste Bhar
Ghire The Badal Bhare The Jal Thal Umand Ke Jangle Ubal Rahe The
Sitam Kiya Kaisi Mat Kathi Thi Qamar Woh Khak Unke Rah Guzar Ki
Utha Na Lea Ke Milte Milte Ye Daagh Sab Dekhte Mite They
Burraq Ke Naqshe Sum Ke Sadqe Woh Gul Khilee Ke Sare Rastey
Mehakte Gulban Mehakte Gulshan Hare Bhare Lahlaha Rahe The
Namaz E Aqsa Main Tha Yehi Seer Ean Houn Ma’ani E Awwal Akhir
Key Dast Basta Hain Pichey Hazir Jo Salatanat Aage Kar Gee The
Yeh Unki Aamad Ka Dab-Daba Tha Nikhar Her Shaiy Ka Ho Raha Tha
Nujoom O Aflak Jam O Mina Ujalte The Khangaltey They
Naqab Ulte Woh Mehr E Anwar Jalal O Rukhsar Garmiyoon Per
Falak Ko Hebat Se Tap Charhi Thi Tapakte Anjum Ke Aable Tha
Yeh Joshishe Noor Ka Asar Tha Key Aabe Gohar Qamar Qamar Tha
Safaey Rah Se Phisal Phisal Kar Sitare Qadmon Pe Laut’te The
Badha Ye Lehra Ke Behr O Wahdat Key Dhul Gea Naam E Raige Kasrat
Falak Key Teloon Ki Kiya Haqeeqat Yeh Arsh O Kursi Do Bulbule The
Woh Zill E Rehmat Woh Rukh Key Jalwe Ke Taare Chupte Na Khilne Paate
Sunehri Zarbaft Udi Atlas Yeh Than Sab Dhoop Chaoon Ke The
Chala Woh Serve E Chamaan Kharamaa Na Ruk Saka Sidra Se Damaan
Palak Jhapakti Rahi Woh Kab Ke Sab Aeno Aan Se Guzar Chuke The
Jhalak See Eik Qudsiyoon Per Aei Hawwaa Bhi Daman Ki Phir Na Pei
Sawari Dulha Ki Dur Pohnchi Barat Main Hosh Hi Gee The
Thake The Ruhul Amin Key Bazu Chuta Woh Daman Kahan Woh Pehloo
Rikab Chooti Ummeed Tuti Nigah E Hasrat Key Walwaley The
Ravish Ki Garmi Ko Jis Ney Socha Dimag Se Eik Bhabuka Phoota
Khirad Key Jungle Main Phool Chumka Dahar Dahar Ped Jal Rahe The
Jiloo Main Jo Murge A’qal Ure The Ajab Boore Haloon Girte Parte
Woh Sidrah Hee Per’rahe The Thak Kar Charha Dam Tewar Aa Gee The
Qavi They Nurgan E Waham Ke Per Ure To Urdne Ko Aur Dam Bhar
Utha’ee Seene Ki Aisi Thokar Ke Khoone Andesha Th’oo’kte The
Suna Yeh Itne Mein Arsh E Haq Ne Ke Le Mubarak Ho Taaj Waley
Wohi Qadam Khair Se Phir Aee Jo Pehle Taaj E Sharaaf Tere The
Yeh Sunke Be Khud Pukar Utha Nisar Jaoon Kahan Hain Aaqa
Phir Unke Talwoon Ka Paoon Bosa Yeh Meri Aankhon Ke Din Phire The
Jhuka Tha Mujre Ko Arsh E Aala Gire They Sajde Me Bazme Bala
Yeh Aankhein Qadmoon Se Mal Raha Tha Woh Girde Qurbaan Ho Rahe The
Ziyaein Kuch Arsh Per Yeh Aaein Ke Sari Qindileen Jhilmileeen
Huzoor E Khurshid Kya Chamakte Chairagh Moun Apna Dekh Te The
Yehi Sam’an Tha Ke Paike Rehmat Khabar Yeh Lea Ke Chaliye Hazrat
Tumhari Khatir Kushada Hain Woh Jo Kalim Per Band Rastae The
Badh E Muhammad Qaree Ho Ahmed Qareeb Aa Sarwar E Mumajjad
Nisar Jaoon Yeh Kiya Nida Thi Yeh Kiya Samaan Tha Yeh Kiya Maze The
Tabarakallah Shan Teri Tujhi Ko Zaiba Hai Be Niyazi
Kahin To Woh Josh E Lan-Tarani Kaheen Takaze Visal Ke The
Khirad Se Keh Do Ke Sir Jhuka Le Gumaan Se Guzre Guzarne Wale
Pare Hain Yahan Khud Jaihat Ko Laale Kise Batee Kidhar Gee The
Surag Aino Mataa Kahaan Tha Nishan E Kaifo Illa Kahan Tha
Na Koi Rahi Na Koi Sathi Naa Sang E Manzil Naa Merhale The
Udar Se Peham Taqaze Aana Idhar Se Mushkil Qadam Barhana
Jalal O Haibat Ka Saamna Tha Jamalo Rehmat Ubharte The
Barhe To Lekin Jhee-Jhakte Darte Hea Se Jhukte Adab Se Rukte
Jo Qurb Unhi Ki Ravish Pe Rakhte To Lakhoon Manzil Ke Fasile The
Per Unka Barhna To Naam Ko Tha Haqeeq’tan Fail Tha Udhar Ka
Tanazuloon Mein Taraki Afza Dana Tadalla Key Silsile The
Hua Yeh Aakhir Ke Aik Bajra Tamoje Bahrey Hoo Mein Ubhra
Dana Ki Godi Mein Unko Lekar Fana Ke Langar Utha Diye The
Kise Mile Ghat Ka Kinara Kither Se Guzra Kahan Utra
Bhara Jo Misle Nazar Tarara Woh Apni Aankhoon Se Khud Chupe The
Uthe Jo Qasre Dana Ke Parde Koi Khabar Dey To Kiya Khabar De
Wahan To Ja Hee Nahin Duee Ki Na Keh Ke Woh Bhi Na The Are The
Woh Baag Kuch Aisa Rang Lea Ke Guncha O Gul Ka Faraq Uthea
Girah Mein Kal’liyoon Ki Baag Phoole Guloon Ke Takme Lage Hue The
Muhito Markaz Mein Faraq Mushkil Rahe Na Faasil Khutoot E Wasil
Kamaan E Hairat Mein Sir Jhukee Ajeeb Chakar Mein Da’ere The
Hijab Uhne Mein Lakhoon Parde Har Aik Parde Main Lakhon Jalwe
Ajab Ghari Thi Ke Waslo Furqat Janam Ke Bichre Gale Mile The
Zabanein Sukhi Dikha Ke Mojein Tarap Rahi Thien Ke Pani Paein
Bhanwar Ko Yeh Zofe Tashnagi That Ke Halqe Aankhoon Mein Par Gee The
Wohi Hai Awwal Wohi Hai Aakhir Wohi Hai Batin Wohi Hai Zahir
Usi Ke Jalwe Usi Se Milne Usi Se Uski Taraf Gee The
Kaman E Imakan Ke Jhute Nukto Tum Awwal Akhir Ki Phair Mein Ho
Muhit Ki Chal Se To Pucho Kidhar Se Aee Kidhar Gee The
Udhar Se Theen Nazre Shah Namaz’ain Idhar Se Inaam E Khusravi Mein
Salam O Rehmat Ke Haar Gundh Ker Glue E Pur Noor Mein Pare The
Zabaan Ko Intezar Guftan To Gos Ko Hasrat E Shunidan
Yahan Jo Kehna Tha Keh Liya Tha Jo Baat Sun’ni Thi Sun Chuke The
Woh Burj E Batha Ka Mahpara Bahishat Ki Sair Ko Sidhara
Chamak Pe Tha Khuld Ka Sitara Ke Iss Qamar Ke Qadam Gee The
Suroor E Maqdam Ki Roshni Thi Ke Tabishoon Se Mah E Arab Ki
Jina Ke Gulshan The Jhaar Farshi Jo Phool The Sab Kanwal Bane The
Tarab Ki Nazish Ke Haan Lachakiye Adab Woh Bandish Ke Hill Na Sakiye
Yeh Josh E Ziden Tha Keh Pode Kasha Kish E Arah Ke Tale The
Khuda Ki Qudrat Keh Chand Haq Ke Karoroon Manzil Mein Jalwa Kar Ke
Abhi Na Taroon Ki Chaoon Badli Keh Noor Ke Tarke Aa Liye The
Nabi E Rehmat Shafi E Ummat Raza Pe Lillah Ho Ineat
Ise Bhi Unn Khal’atoon Se Hisa Jo Khas Rehmat Ke Waan Bate The
Sana E Sarkar Hai Wazifa Qabool E Sarkar Hai Taman’na
Na Sheari Ki Hawas Na Parwah Radi Thi Kiya Kaise Kafiye The
وہ سرورِ کشورِ رسالت جو عرش پر جلوہ گر ہوئے تھے
نئے نِرالے طرب کے ساماں عرب کے مہمان کے لئے تھے
بہار ہے شادیاں مبارک چمن کو آبادیاں مبارک
مَلک فلک اپنی اپنی لے میں یہ گھر عنادِل کا بولتے تھے
وہاں فلک پر یہاں زمیں میں رَچی تھی شادی مچی تھی دُھومیں
اُدھر سے اَنوار ہنستے آتے اِدھر سے نفحات اُٹھ رہے تھے
یہ چُھوٹ پڑتی تھی اُن کے رُخ کی کہ عرش تک چاندنی تھی چھٹکی
وہ رات کیا جگمگا رہی تھی جگہ جگہ نَصْب آئنے تھے
نئی دُلھن کی پھبن میں کعبہ نکھر کے سنورا سنور کے نِکھرا
حجر کے صدقے کمر کے اِک تِل میں رنگ لاکھوں بناؤ کے تھے
نظر میں دُولھا کے پیارے جلوے حیا سے محراب سر جھکائے
سیاہ پردے کے مُنھ پر آنچل تجلّی ذات بحت سے تھے
خوشی کے بادل اُمنڈ کے آئے دِلوں کے طاؤس رنگ لائے
وہ نغمۂ نعت کا سَماں تھا حرم کو خود وَجد آرہے تھے
یہ جُھوما میزابِ زَر کا جُھومر کہ آرہا کان پَر ڈَھلک کر
پُھوہار برسی تو موتی جھڑ کر حطیم کی گود میں بھرے تھے
دُلھن کی خوشبو سے مست کپڑے نسیم گستاخ آنچلوں سے
غلافِ مشکیں جو اُڑ رہا تھا غزال نافے بسا رہے تھے
پہاڑیوں کا وہ حُسْنِ تزئیں وہ اُونچی چوٹی وہ نازو تمکیں !
صبا سے سبزہ میں لہریں آتیں دُوپٹے دَھانی چُنے ہوئے تھے
نہا کے نہروں نے وہ چمکتا لباس آبِ رَواں کا پہنا
کہ موجیں چھڑیاں تھیں دَھار لچکا حبابِ تاباں کے تھل ٹکے تھے
پرانا پر داغ مَلگَجا تھا اُٹھا دیا فرش چاندنی کا
ہجومِ تارِ نگہ سے کوسوں قدم قدم فرش بادْلے تھے
غبار بن کر نثار جائیں کہاں اب اُس رَہ گزر کو پائیں
ہمارے دل حوریوں کی آنکھیں فرشتوں کے پر جہاں بچھے تھے
خدا ہی دے صبر جانِ پر غم دِکھاؤں کیوں کر تجھے وہ عالم
جَب اُن کو جھرمٹ میں لے کے قدسی جناں کا دُولھا بنا رہے تھے
اُتار کر اُن کے رُخ کا صَدقہ یہ نور کا بٹ رہا تھا باڑا
کہ چاند سورج مچل مچل کر جبیں کی خیرات مانگتے تھے
وُہی تو اب تک چھلک رہا ہے وُہی تو جوبن ٹپک رہا ہے
نہانے میں جو گرا تھا پانی کٹورے تاروں نے بھر لیے تھے
بچا جو تلووں کا اُن کے دَھووَن بنا وہ جنت کا رنگ و رَوغن
جنھوں نے دُولھا کی پائی اُترن وہ پھول گلزارِ نور کے تھے
خبر یہ تحویل مہر کی تھی کہ رُت سُہَانی گھڑی پھرے گی
وہاں کی پوشاک زیب تن کی یہاں کا جوڑا بڑھا چکے تھے
تجلّیِ حق کا سہرا سر پر صلوٰۃ و تسلیم کی نچھاوَر
دو رویہ قدسی پَرے جما کر کھڑے سلامی کے واسطے تھے
جو ہم بھی واں ہوتے خاکِ گلشن لپٹ کے قدموں سے لیتے اُترن
مگر کریں کیا نصیب میں تو یہ نامُرادی کے دِن لکھے تھے
ابھی نہ آئے تھے پشت زیں تک کہ سَر ہوئی مغفرت کی شِلِّک
صَدا شفاعت نے دی مُبارک! گناہ مستانہ جھومتے تھے
عجب نہ تھا رخش کا چمکنا غزال دَم خوردَہ سا بھڑکنا
شعاعیں بکے اُڑا رہی تھیں تڑپتے آنکھوں پہ صاعقے تھے
ہجومِ اُمید ہے گھٹاؤ مُرادیں دے کر انھیں ہٹاؤ
اَدَب کی باگیں لیے بڑھاؤ ملائکہ میں یہ غُلْغُلے تھے
اُٹھی جو گردِ رہِ مُنوَّر وہ نور برسا کہ راستے بھر
گھرے تھے بادل بھرے تھے جل تھل اُمَنڈ کے جنگل اُبل رہے تھے
سِتَم کیا کیسی مَت کٹی تھی قمر! وہ خاک اُن کے رَہ گزر کی
اُٹھا نہ لایا کہ ملتے ملتے یہ داغ سب دیکھتا مٹے تھے
براق کے نقشِ سم کے صدقے وہ گل کھلائے کہ سارے رَستے
مہکتے گلبن لہکتے گلشن ہَرے بھرے لہلہا رہے تھے
نمازِ اَقصٰی میں تھا یہی سِرّ عیاں ہوں مَعنیِ اَوَّل آخر
کہ دَست بستہ ہیں پیچھے حاضر جو سلطنت آگے کر گئے تھے
یہ اُن کی آمد کا دَبدبہ تھا نکھار ہر شَے کا ہو رہا تھا
نجوم و افلاک جام و مِینا اُجالتے تھے کھنگالتے تھے
نقاب اُلٹے وہ مہر اَنور جلالِ رُخسار گرمیوں پر
فلک کو ہیبت سے تپ چڑھی تھی تپکْتے اَنجُم کے آبلے تھے
یہ جوشِشِ نور کا اَثر تھاکہ آبِ گوہر کمر کمر تھا
صفائے رہ سے پھسل پھسل کر ستارے قدموں پہ لوٹتے تھے
بڑھا یہ لہرا کے بحر وَحدت کہ دُھل گیا نامِ ریگ کثرت
فلک کے ٹِیلوں کی کیا حقیقت یہ عرش و کرسی دو بُلبُلے تھے
وہ ظِلِ رَحمت وہ رُخ کے جلوے کہ تارے چھپتے نہ کھلنے پاتے
سنہری زَرْبَفْت اُودِی اَطلس یہ تھان سب دُھوپ چھاؤں کے تھے
چلاوہ سروِ چَمَاں خراماں نہ رُک سکا سدرہ سے بھی دَاماں
پلک جھپکتی رہی وہ کب کے سب اِین وآں سے گزر چکے تھے
جھلک سی اِک قدسیوں پر آئی ہوا بھی دامن کی پھرنہ پائی
سواری دُولھا کی دُور پہنچی برات میں ہوش ہی گئے تھے
تھکے تھے رُ وْح ُالا َ مِیں کے بازُو چھٹا وہ دامن کہاں وہ پہلو
رِکاب چھوٹی اُمید ٹوٹی نگاہِ حسرت کے وَلولے تھے
رَوِش کی گرمی کو جس نے سوچا دِماغ سے اِک بھبو کا پھُوٹا
خرد کے جنگل میں پھول چمکا دَہر دَہر پیڑ جل رہے تھے
جِلو میں جو مرغِ عقل اُڑے تھے عجب برے حالوں گرتے پڑتے
وہ سدرہ ہی پر رَہے تھے تھک کر چڑھا تھا دَم تیور آگئے تھے
قوی تھے مرغانِ وَہم کے پَر اُڑے تو اُڑنے کو اَور دَم بھر
اُٹھائی سینے کی ایسی ٹھوکر کہ خونِ اَندیشہ تھوکتے تھے
سنا یہ اتنے میں عرشِ حق نے کہ لے مبارک ہوں تاج والے
وہی قدم خیر سے پھر آئے جو پہلے تاجِ شرف تِرے تھے
یہ سن کے بے خود پکار اُٹھا نثار جاؤں کہاں ہیں آقا
پھر ان کے تلووں کا پاؤں بوسہ یہ میری آنکھوں کے دِن پھرے تھے
جھکا تھا مجرے کو عرشِ اَعلیٰ گرے تھے سجدے میں بزمِ بالا
یہ آنکھیں قدموں سے مَل رہا تھا وہ گرد قربان ہورہے تھے
ضیائیں کچھ عرش پر یہ آئیں کہ ساری قندیلیں جھلملائیں
حضورِ خورشید کیا چمکتے چراغ منھ اپنا دیکھتے تھے
یہی سَمَاں تھا کہ پَیکِ رحمت خبر یہ لایا کہ چلیے حضرت
تمہاری خاطر کشادہ ہیں جو کلیم پر بند راستے تھے
بڑھ اے محمد قریں ہو احمد قریب آ سرورِ مُمَجَّد
نثار جاؤں یہ کیا ندا تھی یہ کیا سَمَاں تھا یہ کیا مزے تھے
تَبَارَکَ اللّٰہ شان تیری تجھی کو زیبا ہے بے نیازی
کہیں تو وہ جوشِ لَنْ تَرَانِی کہیں تقاضے وِصال کے تھے
خرد سے کہدو کہ سر جھکا لے گماں سے گزرے گزرنے والے
پڑے ہیں یاں خود جِہَت کو لالے کسے بتائے کدھر گئے تھے
سُراغ اَین و متیٰ کہاں تھا نشانِ کیف و اِلیٰ کہاں تھا
نہ کوئی راہی نہ کوئی ساتھی نہ سنگِ منزل نہ مرحلے تھے
اُدھر سے پیہم تقاضے آنا اِدھر تھا مشکل قَدَم بڑھانا
جلال وہیبت کا سامنا تھا جمال و رحمت اُبھارتے تھے
بڑھے تو لیکن جھجھکتے ڈرتے حیا سے جُھکتے ادب سے رکتے
جو قرب انھیں کی رَوِش پہ رکھتے تو لاکھوں منزل کے فاصلے تھے
پر ان کا بڑھنا تو نام کو تھا حقیقۃً فِعل تھا اُدھر کا
تَنَزُّلوں میں ترقی اَفزا دَنیٰ تَدَلّٰے کے سلسلے تھے
ہوا نہ آخر کہ ایک بجْرا تَمَوُّجِ بحر ہُو میں اُبھرا
دَنیٰ کی گودی میں ان کو لے کر فنا کے لنگراُٹھا دِیے تھے
کسے ملے گھاٹ کا کنارا کدھر سے گزرا کہاں اُتارا
بھرا جو مثل نظر طرارا وہ اپنی آنکھوں سے خود چھپے تھے
اُٹھے جو قصرِدنیٰ کے پردے کوئی خبر دے تو کیا خبر دے
وہاں تو جاہی نہیں دُوئی کی نہ کہہ کہ وہ بھی نہ تھے ارے تھے
وہ باغ کچھ ایسا رنگ لایا کہ غنچَہ و گل کا فرق اُٹھایا
گرہ میں کلیوں کی باغ پھولے گلوں کے تکمے لگے ہوئے تھے
محیط و مرکز میں فرق مشکل رہے نہ فاصِل خطوط واصِل
کمانیں حیرت میں سر جھکائے عجیب چَکر میں دائرے تھے
حجاب اٹھنے میں لاکھوں پردے ہرایک پر دے میں لاکھوں جلوے
عجب گھڑی تھی کہ وصل و فرقت جنم کے بچھڑے گلے ملے تھے
زبانیں سوکھی دکھا کے موجیں تڑپ رہی تھیں کہ پانی پائیں
بھنور کو یہ ضعف تشنگی تھا کہ حلقے آنکھوں میں پڑ گئے تھے
وہی ہے اوّل وہی ہے آخر وہی ہے باطن وہی ہے ظاہر
اُسی کے جلوے اُسی سے ملنے اُسی سے اُس کی طرف گئے تھے
کمانِ امکاں کے جھوٹے نقطو تم اوّل آخر کے پھیرمیں ہو
محیط کی چال سے تو پوچھو کدھر سے آئے کدھر گئے تھے
ادھر سے تھیں نذرشہ نمازیں ادھر سے انعامِ خسروی میں
سلام و رحمت کے ہار گندھ کر گلوئے پر نور میں پڑے تھے
زبان کو اِنتظارِ گُفْتَن تو گوش کو حسرتِ شنیدن
یہاں جو کہنا تھا کہہ لیا تھا جو بات سننی تھی سن چکے تھے
وہ برج بطحا کا مَاہ پارہ بہشت کی سَیر کو سدھارا
چمک پہ تھا خلد کا ستارہ کہ اس قمر کے قدم گئے تھے
سرور مَقْدَم کی روشنی تھی کہ تابشوں سے مہِ عرب کی
جناں کے گلشن تھے جھاڑ فرشی جو پھول تھے سب کنول بنے تھے
طرب کی نازِش کہ ہاں لچکیے اَدَب وہ بندش کہ ہل نہ سکیے
یہ جوشِ ضِدَّین تھا کہ پودے کشاکشِ اَرَّہ کے تلے تھے
خدا کی قدرت کہ چاند حق کے کروروں منزل میں جلوہ کرکے
ابھی نہ تاروں کی چھاؤں بدلی کہ نور کے تڑکے آلیے تھے
نبی رحمت شفیعِ اُمّت! رضاؔ پہ لِلّٰہ ہو عنایت
اسے بھی ان خلعتوں سے حصہ جو خاص رَحمت کے واں بٹے تھے
ثنائے سرکار ہے وَظیفہ قبولِ سَرکار ہے تَمَنَّا
نہ شاعری کی ہوس نہ پَروا رَوِی تھی کیا کیسے قافیے تھے