Wah Kya Martaba Ae Ghous Hai Bala Tera
Unche Uncho Ke Saro Se Kadam Aala Tera
Sar Bhala Kiya Koi Jane Ki Hain Kesa Tera
Avaliya Malte Hain Aankhain Wo Hain Talwa Tera
Kiya Dabe Jis Pe Himayat Ka Ho Panja Tera
Sher Ko Khatare Main Lata Nahi Kutta Tera
Tu Huseni Hasani Kiyu Na Muhiyudin Ho
Ae Khijar Majmaae Baharen Hain Chashma Tera
Kasame De De Ki Khilata Hain Pilata Hain Tuje
Piyara Allaha Tera Chahane Wala Tara
Mustafa Ke Tane Be Saya Ka Saya Dekha
Jis Ne Dekha Meri Jah Jalwae Jeba TeraI
bne Jahara Ko Mubarak Ho Uruse Kudrat
Qadri Paae Tasduk Mere Dulha Tera
Kiyon Na Kasim Ho Ki Tu Ibne Abil Kasim Hain
Kiyon Na Qadri Ho Ki Mukhtar Hain Baba Tera
Nabwi Menh, Alvi Fashl Batuli Gulshan
Hasani Phool Huseni Hain Mahkana Hain Tera
Nabawi Jill Alwi Bujn Batuli Manjil
Hasani Chand Huseni Hani Ujala Tera
Nabawi Khur Alwi Koh Batuli Maadin
Hasani Lal Huseni Hain Tajalla Tera
Bahar-O Bar Sahar-O Kari Sahal-O Hujan Dast-O Chman
Kon Se Chak Pe Pahunchata Nahi Daawa Tera
Husne Niyyat Ho Khata Phir Khabhi Karta Hi Nahi
Aajmaya Hain Yagana Hain Dogana Tera
Aarje Ahawal Ki Pyaso Me Kahan Tab Magar
Aankhain Ek Abre Karam Takti Hain Rasta Tera
Mot Najdik Gunahon Ki Tahe Mail Ke Khol
Aa Baras Ja Ki Naha Dhole Ye Pyasa Tera
Aab Aamad Wo Kahe Aur Me Taymmum Barkhast
Muste Khak Apni Ho Aur Noor Ka Ahala Tera
Jan To Jate Hi Jaegi Kiyamat Ye Hain
Ki Yahan Marne Pe Thahara Hain Najara Tera
Tuj Se Dar, Dar Se Sag Aur Se Sag Hain Mujko Nisbat
Meri Gardan Main Bhi Dur Ka Dora Tera
Is Nisani Ke Jo Sag Hain Nahi Mare Jate
Hashr Tak Mere Gale Me Rahe Patta Tera
Meri Kismat Ki Kasam Khae Sagane Bagadad
Hind Me Bhi Hu To Deta Rahu Pahra Tera
Tare Ijjat Ke Nisar Ae Mere Gairat Wale
Aah Sad Aah Ki Yunh Khwar Ho Barda Tera
Bad Sahi, Chor Sahi, Mujarim-O Nakara Sahi
Ae Wo Kesa Hi Sahi Hain Tu Karima Tera
Muj Ko Ruswa Bhi Agar Koi Kahega To Yunhi
Ki Wahi Na Woh Rija Bandae Rusawa Tera
Hain Rija Yunh Na Bilak Tu Nahi Jayyed To Na Ho
Sayyede Jayyede Har Dahar Hain Maola Tera
Fakhre Aaka Me Raza Aur Bhi Ek Najme Rfi
Aa Chal Likha Layen Sana Khwano Main Chehara Tera
واہ کیا مرتبہ اے غوث ہے بالا تیرا
اُونچے اُونچوں کے سَروں سے قدَم اعلیٰ تیرا
سر بھلا کیا کوئی جانے کہ ہے کیسا تیرا
اولیا ملتے ہیں آنکھیں وہ ہے تلوا تیرا
کیا دَبے جس پہ حِمایت کا ہو پنجہ تیرا
شیر کو خطرے میں لاتا نہیں کُتّا تیرا
تُو حُسینی حَسَنی کیوں نہ محی الدّیں ہو
اے خِضَرمَجْمَعِ بَحْرَیْن ہے چشمہ تیرا
قسمیں دے دے کے کھلاتا ہے پلاتا ہے تجھے
پیارا ا للّٰہ تِرا چاہنے والا تیرا
مصطفیٰ کے تن ِبے سایہ کا سایہ دیکھا
جس نے دیکھامری جاں جلوۂ زیبا تیرا
اِبنِ زَہرا کو مبارک ہو عَروسِ قدرت
قادِری پائیں تصدّق مرے دُولہا تیرا
کیوں نہ قاسِم ہو کہ تُو ابنِ ابی القاسم ہے
کیوں نہ قادِر ہو کہ مختار ہے بابا تیرا
نبوی مینھ علوی فصل بتولی گلشن
حَسنی پھول حُسینی ہے مہکنا تیرا
نبوی ظِل عَلوی برج بتولی منزل
حَسنی چاند حُسینی ہے اُجالا تیرا
نبوی خُور عَلَوی کوہ بتولی مَعْدِن
حَسنی لعل حُسینی ہے تجلّا تیرا
بحروبر شہر و قُریٰ سہل و حُزُن دشت و چمن
کون سے چَک پہ پہنچتا نہیں دعویٰ تیرا
حُسنِ نیّت ہو خطا پھر کبھی کرتا ہی نہیں
آزمایا ہے یگانہ ہے دوگانہ تیرا
عرضِ اَحوال کی پیاسوں میں کہاں تاب مگر
آنکھیں اے اَبر ِکرم تکتی ہیں رَستا تیرا
موت نزدیک گناہوں کی تَہیں مَیل کے خول
آ برس جا کہ نہا دھو لے یہ پیاسا تیرا
آب آمد وہ کہے اور میں تیمم برخاست
مُشتِ خاک اپنی ہو اور نُور کا اَہلا تیرا
جان تو جاتے ہی جائے گی قیامت یہ ہے
کہ یہاں مرنے پہ ٹھہرا ہے نظّارہ تیرا
تجھ سے در درسے سگ اور سگ سے ہے مجھکونسبت
میری گردن میں بھی ہے دُور کا ڈورا تیرا
اس نشانی کے جو سگ ہیں نہیں مارے جاتے
حَشْر تک میرے گلے میں رہے پٹّا تیرا
میری قسمت کی قَسَم کھائیں سگانِ بغداد
ہِند میں بھی ہُوں تو دیتا رہوں پہرا تیرا
تیری عزّت کے نثار اے مِرے غیرت والے
آہ صد آہ کہ یُوں خوار ہو ِبروا تیرا
بد سہی، چور سہی، مجرم و ناکارہ سہی
اے وہ کیسا ہی سہی ہے تو کریما تیرا
مجھ کو رُسوا بھی اگر کوئی کہے گا تو یوں ہی
کہ وہی نا، وہ رضاؔ بندۂ رُسوا تیرا
ہیں رضاؔ یُوں نہ بلک تو نہیں جَیِّ تو نہ ہو
سیِّدِ جَیِّدِ ہر دَہر ہے مولیٰ تیرا
فخرِ آقا میں رضاؔ اور بھی اِک نظمِ رفیع
چل لکھا لائیں ثنا خوانوں میں چہرا تیرا