Tera Zar’rah Mah e Kaamil Hai Ya Ghaus
Tera Qatrah Yam e Saa-il Hai Ya Ghaus
Ko-ee Saalik Hai Ya Waasil Hai Ya Ghaus
Wo Kuch Bhi Ho, Tera Saa-il Hai Ya Ghaus
Qad e Be Saaya Zil’l e Kibriya Hai
Tu Us Be Saaya Zil’l Ka Zil’l Hai Ya Ghaus
Teri Jaageer Me Hai Sharq Taa Gharb
Qalam-rau Me Haram Taa Hil Hai Ya Ghaus
Dil Ishq o Rukh Husn e Aa-ina Haiñ
Awr In Donoñ Me Tera Zil’l Hai Ya Ghaus
Teri Sham’a Dil Aara Ki Tab O Taab
Gul O Bulbul Ki Aab O Gil Hai Ya Ghaus
Tera Majnuñ Tera Sehra Tera Najd
Teri Laila Tera Mahmil Hai Ya Ghaus
Ye Teri Champa-ee Rangat Husaini
Hasan Ke Chaand Subh e Dil Hai Ya Ghaus
Gulistaañ Zaar Teri Pankhuri Hai
Kali Sau Khuld Ka Haasil Hai Ya Ghaus
Ugaal Us Ka Udhaar Abraar Ka Ho
Jisay Teri Ulush Haasil Hai Ya Ghaus
Ishaare Me Kiya Jis Ne Qamar Chaak
Tu Us Mah Ka Mah e Kaamil Hai Ya Ghaus
Jisay ‘Arsh e Dowam Kehte Haiñ Aflaak
Wo Teri Kursi Manzil Hai Ya Ghaus
Tu Apne Waqt Ka Siddique e Akbar
Ghani O Haidar O Aadil Hai Ya Ghaus
Wali Kya Mursal Aa-eñ Khud Huzoor Aa-eñ
Wo Teri Wa’az Ki Mehfil Hai Ya Ghaus
Jisay Maange Na Paa-eñ Jaah Waale
Wo Bin Maange Tujhe Haasil Hai Ya Ghaus
Fuyooz e ’Aalam Ummi Se Tujh Par
‘Iyaan Maazi o Mustaqbil Hai Ya Ghaus
Jo Qarnoñ Seyr Me ‘Aarif Na Paa-eñ
Wo Teri Pehli Hee Manzil Hai Ya Ghaus
Malak Mashghool Haiñ Us Ki Thana Me
Jo Tera Zaakir O Shaaghil Hai Ya Ghaus
Na Kyuñ Ho Teri Manzil ‘Arsh e Saani
Ke ‘Arsh e Haq Teri Manzil Hai Ya Ghaus
Wahiñ Se Ublay Haiñ Saatoñ Samandar
Jo Teri Nahr Ka Saahil Hai Ya Ghaus
Malaa’ik Ke Bashar Ke Jinn Ke Halqe
Teri Zau Maah e Har Manzil Hai Ya Ghaus
Bukhara O Iraq O Chisht O Ajmer
Teri Lau Sham’e Har Mehfil Hai Ya Ghaus
Jo Tera Naam Le Zaakir Hai Pyaare
Tasawwur Jo Kare Shaaghil Hai Ya Ghaus
Jo Sar De Kar Tera Sauda Khareeday
Khuda De Aql Wo Aaqil Hai Ya Ghaus
Kaha Tu Ne Ke Jo Maango Milega
RAZA Tujh Se Tera Saa-il Hai Ya Ghaus
تِرا ذرّہ مَہِ کامل ہے یا غوث
تِرا قطرہ یمِ سَائل ہے یا غوث
کوئی سالِک ہے یا واصِل ہے یا غوث
وہ کچھ بھی ہو تِرا سائل ہے یا غوث
قدِ بے سایہ ظِلِّ کِبرِیا ہے
تو اس بے سایہ ظِلّ کا ظِل ہے یا غوث
تِری جاگیر میں ہے شَرق تا غَرب
قَلمرو میں حَرم تا حِلّ ہے یا غوث
دل عشق و رُخ حسن آئینہ ہیں
اور ان دونوں میں تیرا ظِلّہے یا غوث
تِری شمع دِل آرا کی تَب و تاب
گُل و بلبل کی آب و گل ہے یا غوث
تِرا مجنوں تِرا صَحرا تِرا نَجد
تِری لیلیٰ تِرا مَحمِل ہے یا غوث
یہ تیری چمپَئی رنگتِ حسینی
حَسن کے چاند صبحِ دل ہے یا غوث
گلستاں زار تیری پنکھڑی ہے
کلی سو خلد کا حاصل ہے یا غوث
اُگال اس کا اُدھار اَبرار کا ہو
جسے تیرا اُلُش حاصل ہے یا غوث
اشارہ میں کیا جس نے قمر چاک
تو اس مَہ کا مَہِ کامل ہے یا غوث
جسے عرشِ دوم کہتے ہیں اَفلاک
وہ تیری کرسیِ منزل ہے یا غوث
تو اپنے وقت کا صدّیقِ اکبر
غنی و حیدر و عادل ہے یا غوث
ولی کیا مُرسَل آئیں خود حضور آئیں
وہ تیری وعظ کی محفل ہے یا غوث
جسے مانگے نہ پائیں جاہ والے
وہ بِن مانگے تجھے حاصل ہے یا غوث
فُیوضِ عالم اُمّی سے تجھ پر
عِیاں ماضی ومستَقبِل ہے یا غوث
جو قَرنوں سَیر میں عارف نہ پائیں
وہ تیری پہلی ہی منزل ہے یا غوث
مَلک مَشْغول ہیں اس کی ثنا میں
جو تیرا ذاکر و شاغل ہے یا غوث
نہ کیوں ہو تیری منزل عرشِ ثانی
کہ عرشِ حق تِری منزل ہے یا غوث
وہیں سے اُبلے ہیں ساتوں سمندر
جو تیری نہر کا ساحل ہے یا غوث
ملائک کے بشر کے جنّ کے حلقے
تری ضَو ماہِ ہر منزل ہے یا غوث
بخارا و عراق و چِشت و اَجْمیر
تری لَو شمعِ ہر محفل ہے یا غوث
جو تیرا نام لے ذاکر ہے پیارے
تَصَوُّر جو کرے شاغِل ہے یا غوث
جو سر دے کر تِرا سودا خریدے
خدا دے عقل وہ عاقِل ہے یاغوث
کہا تو نے کہ جو مانگو ملے گا
رضاؔ تجھ سے تِرا سائل ہے یا غوث