Ronaq e bazm e jahan hain aashiqan e sokhta
Keh rahi hai shama ki goya zuban e sokhta
Jis ko qurs mohar samjha hai jahan ae mu’emo!
Unn ke khawan jood se hai aik naam e sokhta
Mah e mann yeh nayyar mehshar ki garmi taabke
Aatish e isyaa(n) mein khud jalti hai jaan e sokhta
Barq e angisht nabi chamki thi is par aik baar
Aaj taq hai seena e meh mein nishan e sokhta
Mohar aalam taab jhukta hai piye tasleem roz
Pish e zarraat mazaar baed laan e sokhta
Kuucha e gaisoye janaan se chalay thandhi naseem
Baal o par afshaan hon yarab bulbulaan e sokhta
Behr e haq ae behr e rehmat ik nigah e lutaf baar
Taabkey be aabb tarpae(n) maahiyaan e sokhta
Rokash khurshid mehshar ho tumharay faiz se
Ik sharar e seena e shaedaaiya(n) sokhta
Aatish e gulhaaey ne dil kiye kya kya kabaab
Khizr ki jaa(n) ho jila do maahiyan e sokhta
Aatish glhaye tayyiba par jalanay ke liye
Jaan ke taalib hain piyaray bulbulaan e sokhta
Lutaf barq e jalwa e mairaaj laya wajad mein
Sh’ula jawala saan hai aasman sokhta
Ae raza mazmoon soze dil ki riffat ne kya
Is zamin e sokhta ko aasman sokhta
رونقِ بزمِ جہاں ہیں عاشقانِ سوختہ
کہہ رہی ہے شمع کی گویا زبانِ سوختہ
جس کو قرصِ مہر سمجھا ہے جہاں اے مُنعمو!
اُن کے خوانِ جُود سے ہے ایک نانِ سوختہ
ماہِ من یہ نیّرِ محشر کی گرمی تابکے
آتشِ عصیاں میں خود جلتی ہے جانِ سوختہ
برقِ انگشتِ نبی چمکی تھی اس پر ایک بار
آج تک ہے سینۂ مہ میں نشانِ سوختہ
مہر عالم تاب جھکتا ہے پئے تسلیم روز
پیشِ ذرّاتِ مزارِ بیدلانِ سوختہ
کُوچۂ گیسوئے جاناں سے چلے ٹھنڈی نسیم
بال و پر افشاں ہوں یاربّ بلبلانِ سوختہ
بہرِ حق اے بحرِ رَحمت اِک نگاہِ لطف بار
تابکے بے آب تڑپیں ماہیانِ سوختہ
رُوکش خورشید محشر ہو تمہارے فیض سے
اِک شرارِ سینۂ شیدائیانِ سوختہ
آتشِ تردامنی نے دل کیے کیا کیا کباب
خِضْر کی جاں ہو جِلا دو ماہیانِ سوختہ
آتشِ گلہائے طیبہ پر جلانے کے لئے
جان کے طالب ہیں پیارے بلبلانِ سوختہ
لطفِ برقِ جلوۂ معراج لایا وجد میں
شعلۂ جوالہ ساں ہے آسمانِ سوختہ
اے رضاؔ مضمون سوزِ دِل کی رِفعت نے کیا
اس زمینِ سوختہ کو آسمانِ سوختہ