Rashke Qamar Hun Range Rukhe Aftab Hun
Zarra Tera Jo Aye Shahe Gardoon Janab Hun
Durre Najaf Hoon Gauhare Pake KHunshab Hun
Ya’ni Turabe Reh Guzare Bu Turab Hun
Gar Ankh Hoon To Abr Ki Chashme Purab Hun
Dil Hoon To Barq Ka Dile Pur Iztirab Hun
Khooneen Jigar Hoon Taire Be Asiyan Shaha
Range Paridaye Rukhe Gul Ka Jawab Hun
Be Aslo Be Sabat Hoon Behre Karam Madad
Parwardaye Kanare Sarabo Habab Hun
Ibrat Faza Hai Sharme Gunah Se Mera Sukoot
Goya Labe Khamoshe Lahad Ka Jawab Hun
Kyun Nala Soz Le Karoon Kyun Khoone Dil Piyu
Seekhe Kabab Hoon Na Main Jame Sharab Hun
Dil Basta Be Karar, Jigar Chak, Ashkbar
Guncha Hoon Gul Hoon Barqe Tapan Hoon Sahab Hun
Da’wa Hai Sab Se Teri Shafa’at Pe Beshtar
Daftar Me Asiyon Ke Shaha Intikhab Hun
Maula Duhayi Nazron Se Gir Kar Jala GHunlam
Ashke Muzah Rasidaye Chashme Kabab Hun
Mit Jaye Ye KHundi To Woh Jalwa Kahan Nahin
Darda Me Ap Apni Nazar Ka Hijab Hun
Sadqe Hoon Us Pe Nar Se Dega Jo Makhlasee
Bulbul Nahin Ki Atashe Gul Par Kabab Hun
Qalib Tahee Kiye Hama Agosh Hai Hilal
Aye Shah Saware Taiba! Main Teri Rikab Hun
Kya Kya Hain Tujh Se Naz Tere Kasr Ko Ke Main
Ka’be Ki Jan, Arshe Bari Ka Jawab Hun
Shaha Bujhe Sakar Mere Ashkon Se Ta Na Main
Abe Abas Chakidaye Chashme Kabab Hun
Main To Kahan Hi ChaHun Ke Banda Hoon Shah Ka
Par Lutf Jab Hai Keh Den Agar Woh Janab ‘Hun’
Hasrat Me Khak Bosiye Taiba Ki Aye Raza
Tapka Jo Chashme Mehar Se Woh Khoone Nab Hun
رشکِ قمر ہُوں رنگ رُخِ آفتاب ہُوں
ذرّہ تِرا جو اے شہِ گَردُوں جناب ہُوں
دُرِّ نجف ہُوں گوہَرِ پاکِ خوشاب ہُوں
یعنی تُرابِ رہ گزر بُو تُراب ہُوں
گر آنکھ ہُوں تو اَبر کی چشم پُر آب ہُوں
دِل ہُوں تو برق کا دلِ پُر اضطراب ہُوں
خونیں جگر ہُوں طائر بے آشیاں شہا
رنگِ پریدۂ رُخِ گل کا جواب ہُوں
بے اصل و بے ثبات ہُوں بحرِ کرم مدد
پَرْوَرْدَۂ کنارِ سُراب و حَباب ہُوں
عبرت فزا ہے شرمِ گنہ سے مِرا سکوت
گویا لبِ خموشِ لحد کا جواب ہُوں
کیوں نالہ سوز لَے کروں کیوں خونِ دل پیوں
سیخِ کباب ہُوں نہ میں جامِ شراب ہُوں
دل بستہ بے قرار، جگر چاک، اشکبار
غنچہ ہوں گل ہُوں برق تپاں ہُوں سحاب ہُوں
دعویٰ ہے سب سے تیری شفاعت پہ بیشتر
دفتر میں عاصیوں کے شہا اِنتخاب ہُوں
مولیٰ دُہائی نظروں سے گِر کر جلا غلام
اشکِ مژہ رسیدۂ چشم کباب ہُوں
مِٹ جائے یہ خودی تو وہ جلوہ کہاں نہیں
دردا میں آپ اپنی نظر کا حجاب ہُوں
صَدقے ہوں اس پہ نار سے دیگا جو مخلصی
بلبل نہیں کہ آتشِ گل پر کباب ہُوں
قالب تہی کیے ہمہ آغوش ہے ہلال
اے شہسَوار طیبہ! میں تیری رکاب ہُوں
کیا کیا ہیں تجھ سے ناز تِرے قصر کو کہ میں
کعبہ کی جان، عرشِ بریں کا جواب ہُوں
شاہا بُجھے سقر مِرے اشکوں سے تانہ میں
آبِ عبث چکیدئہ چشمِ کباب ہُوں
میں تو کہا ہی چاہوں کہ بندہ ہُوں شاہ کا
پر لُطف جب ہے کہدیں اگر وہ جنا ب ہُوں
حسرت میں خاک بوسیِ طیبَہ کی اے رضاؔ
ٹپکا جو چشمِ مہر سے وہ خونِ ناب ہوں