Raah-e-irfan sey jo hum naa deedah ru mahram nahin
Mustafa hay masnad-e-irshad par kuch gham nahin
Hoon musalman garchey naqis hi sahi aay kamilo
Mahiyat pani ki akhir yam sey nam mein kam nahin
Ghunchey maa awha key jo chatkey dana key bagh mein
Bulbul-e-sidrah tak un ki bu sey bhi mahram nahin
Us mein zam-zam hay key tham-tham is mein jam-jam hay key beesh
Kasrat-e-kawsar mein zam-zam kee tarah kam-kam nahin
Panjah-e-mihr-e-arab hay jis sey darya bah gaye
Chashmah-e-khurshid mein to naam ko bhi nam nahin
Aysa ummi kis liye minnat kash-e-ustaad ho
Kya kifaayat is ko iqra’a rabbuka’l akram nahin
Aws mihr-e-hashr par par jaye pyaso to sahee
Us gul-e-khandan ka rona giryah-e-shabnam nahin
Hay unhin key dam qadam ki bagh-e-aalam mein bahar
Woh na thay aalam na tha gar woh na hon aalam nahin
Saayah-e-diwar-o-khaak-e-dar ho Yaa Rab aur RAZA
Khwahish-e-dayhim-e-qaysar shawq-e-takht-e-jam nahin
راہِ عرفاں سے جو ہم نادیدہ رو محرم نہیں
مصطفٰے ہے مَسندِ ارشاد پر کچھ غم نہیں
ہُوں مسلماں گرچہ ناقِص ہی سہی اے کامِلو!
ماہیت پانی کی آخر یَم سے نَم میں کم نہیں
غنچے مَا اَوْحٰی کے جو چٹکے دَنٰی کے باغ میں
بلبلِ سدرہ تک اُن کی بُو سے بھی محرم نہیں
اُس میں زم زمہے کہ تھم تھم اس میں جم جم ہے کہ بیش
کثرتِ کوثر میں زم زم کی طرح کم کم نہیں
پنجۂ مہر عرب ہے جس سے دریا بہہ گئے
چشمۂ خورشید میں تو نام کو بھی نم نہیں
ایسا اُمّی کس لئے منت کشِ اُستاد ہو
کیا کفایت اس کو اِقْرَأ رَبُّکَ الْاَکْرَمْ نہیں
اَوس مہرِ حَشْر پر پڑ جائے پیاسو تو سہی
اُس گلِ خنداں کا رونا گریۂ شبنم نہیں
ہے اُنھیں کے دم قدم کی باغِ عالم میں بہار
وہ نہ تھے عالم نہ تھا گر وہ نہ ہوں عالَم نہیں
سایۂ دیوار و خاکِ دَر ہو یاربّ اور رضاؔ
خواہشِ دَیْہِیْمِ قیصر، شوقِ تخت جم نہیں