Paat woh kuch dhaar ye kuch zaar hum
Ya ilaahi kyun kar utre paar hum
Kis bala ki mai se hain sarshaar hum
Din dhala hote nahi(n) hushiyaar hum
Tum karam se mushtari har aib ke
Jin se na maqboole har bazaar hum
Dushmano(n) ki aankh mein bhi phool tum
Dosto(n) ki bhi nazar mein khaar hum
Lagzishe pa ka sahara ek tum
Girne waale lakho(n) na hanjaar hum
Sadqa apne baazuo ka al madad
Kaise tode(n) ye bute pindaar hum
Dam qadam ki khair aye jaane maseeh
Dar pe laaye hain dile beemar hum
Apni rehmat ki taraf dekhe Huzoor
Jaante hain jaise hain badkaar hum
Apne mehmaano(n) ka sadqa ek boond
Mar mite pyaase idhar Sarkaar hum
Apne kooche se nikala to na do
Hain to had bhar ke khudai khwar hum
Haath uthakar ek tukda aye Kareem
Hain sakhi ke maal mein haqdaar hum
Chandni chatki hai unke noor ki
Aao dekhe(n) saire tooro naar hum
Himmat aye zo’f unke dar par gir ke ho(n)
Be takalluf saayae deewar hum
Ba ata tum shah tum mukhtar tum
Benawa hum zaar hum nachaar hum
Tumne to laakhon ko jaane(n) fer di(n)
Aisa kitna rakhte hain aazaar hum
Apni sattari ka Ya Rab waasta
Ho(n) na ruswa bar sare darbaar hum
Itni arze aakhri keh do koi
Naav tooti aa pade manjdhaar hum
Muh bhi dekha hai kisi ke afw ka
Dekh O isyaa(n) nahi be yaar hum
Main nisaar aisa muslamaa(n) kijiye
Tod daale(n) nafs ka junnaar hum
Kab se failaye hain daaman taige ishq
Ab to paaye(n) zakhm daaman daar hum
Sunniyat se khatke sab ki aankh mein
Phool hokar ban gaye kya khaar hum
Na tuwani ka bhala ho ban gaye
Naqshe paaye taalibaane yaar hum
Dil ke tukde nazre haazir laaye hain
Aye sagaane koochaye dildaar hum
Qismate sauro hira ki hirs hai
Chahte hain dil mein gehra gaar hum
Chashm poshi wa karam shaane shuma
Kaare ma bebaaki wa israar hum
Fasle gul sabza saba masti shabaab
Chchode(n) kis dil se dare khummar hum
Maikada chut-ta hai lillah saaqiya
Ab ke saagar se na ho(n) hoshiyaar hum
Naazishe karte hain aapas mein malak
Hain ghulamane shahe abraar hum
Lutf az khud raftagi Ya Rab naseeb
Ho shaheede jalwaye raftaar hum
Unke aage da’waye hasti Raza
Kya bake jaata hai ye har baar hum
پاٹ وہ کچھ دَھار یہ کچھ زَار ہم
یاالٰہی کیوں کر اُتریں پار ہم
کس بَلا کی مے سے ہیں سَرشار ہم
دِن ڈھلا ہوتے نہیں ہُشیار ہم
تُم کرم سے مُشْترَی ہر عیب کے
جِنْسِ نامقبولِ ہر بازار ہم
دُشمنوں کی آنکھ میں بھی پھول تم
دوستوں کی بھی نظَر میں خار ہم
لغزشِ پا کا سہارا ایک تم
گِرنے والے لاکھوں ناہنجار ہم
صَدقہ اپنے بازووں کا المدد
کیسے توڑیں یہ بُتِ پِنْدار ہم
قدَم کی خیر اے جانِ مسیح
دَر پہ لائے ہیں دلِ بیمار ہم
اپنی رحمت کی طرف دیکھیں حضور
جانتے ہیں جیسے ہیں بدکار ہم
اپنے مہمانوں کا صَدقہ ایک بُوند
مَر مِٹے پیاسے ادھر سرکار ہم
اپنے کُوچہ سے نِکالا تو نہ دو
ہیں تو حد بھر کے خدائی خوار ہم
ہاتھ اُٹھا کر ایک ٹکڑا اے کریم
ہیں سخی کے مال میں حقدار ہم
چاندنی چھٹکی ہے اُن کے نور کی
آؤ دیکھیں سیر طور و نار ہم
ہمت اے ضعف ان کے دَر پر گِر کے ہوں
بے تکلّف سایۂ دیوار ہم
با عطا تم شاہ تم مختار تم
بے نوا ہم زار ہم ناچار ہم
تم نے تو لاکھوں کو جانیں پھیر دِیں
ایسا کتنا رکھتے ہیں آزار ہم
اپنی سَتّاری کا یارب واسِطہ
ہَوں نہ رُسوا بر سرِ دَربار ہم
اتنی عرْضِ آخِری کہہ دو کوئی
ناؤ ٹُوٹی آ پڑے منجدھار ہم
مُنھ بھی دیکھا ہے کسی کے عَفو کا
دیکھ او عصیاں نہیں بے یار ہم
میں نثار ایسا مسلماں کیجے
توڑ ڈالیں نفْس کا زُنّار ہم
کب سے پھیلائے ہیں دامن تیغِ عشق
اب تو پائیں زخم دامن دار ہم
سُنّیت سے کھٹکے سب کی آنکھ میں
پھول ہو کر بن گئے کیا خار ہم
ناتوانی کا بَھلا ہو بن گئے
نقشِ پائے طالبانِ یار ہم
دل کے ٹکڑے نَذْرِ حاضر لائے ہیں
اے سگانِ کُوچۂ دِلدار ہم
قِسمتِ ثور و حِرا کی حِرْص ہے
چاہتے ہیں دل میں گہرا غار ہم
چشم پوشی و کرم شانِ شُما
کارِ ما بے باکی و اِصرار ہم
فَصْلِ گل سبزہ صبا مستی شباب
چھوڑیں کس دل سے درِ خُمَّار ہم
میکدہ چھٹتا ہے لِلّٰہ ساقیا
اب کے ساغر سے نہ ہوں ہشیار ہم
ساقِیٔ تسنیم جب تک آ نہ جائیں
اے سیہ مستی نہ ہوں ہشیار ہم
نازِشیں کرتے ہیں آپس میں مَلک
ہیں غلامانِ شہِ اَبرار ہم
لطفِ اَز خود رَفْتَگی یارب نصیب
ہوں شہید جلوئہ رفتار ہم
اُن کے آگے دعویِ ہستی رضاؔ
کیا بکے جاتا ہے یہ ہر بار ہم