Na ‘arsh e ayman na inni zaahibun mein meyhmaani hay
Na lutf e udun yaa Ahmad naseeb e lan taraani hay
Naseeb e dostaan gar unkey dar par maut aani hay
Khuda yun hi karein phir to humesha zindgaani hay
Ussi dar par tarapatey hain machltey hain bilaktey hain
Uttha jaata nahin kya khoob apni naa tawaani hay
Har eik deewaro dar par mehr ne ki hay jabeen saayi
Nigaar e masjid e aqdas mein kab sone ka paani hay
Terey mangtaa ki khaamoshi shafaa’at khwaah hay us ki
Zabaan e be zabaani tarjumaan e khasta jani hay
Khule kya raaz e ehboob o Muhib mastaane ghaflat par
Sharaab e qad ra’ yal Haq zayb e jaam e man ra aani hay
Jahaan ki khaakroobi ne chaman aaraa kiya tujh ko
Saba hum ne bhi un galiyo ki kuch din khaak chhani hay
Shahaa kya zaat teri Haq numaa hay fard e imkaan mein
Keh tujh sey koi awwal hay na tera koi saani hay
Kahaan us ko shak e jaan e jinaan mein zar ki naqaashi
Iram key taayire rang e pareeda ki nishaani hay
Ziyabun fee thiyabin lab pe kalma dil mein gustakhi
Salaam Islam mulhid ko keh tasleem e zabani hay
Ye aksar saath unke shaana o miswaak ka rehna
Bataataa hay ki dil reshon pein zaaid mehrbaani hay
Isi Sarkaar sey dunia o deen milte hay saail ko
Yahi darbaare ‘aali kanz e aamal o amaani hay
Duroodein soorat e baala moohit e maah e Taybah hein
Barasta ummat e ‘aasi pen ab rahmat ka paani hay
Ta’aala Allah istighna terey dar key gadaaon ka
Keh unko aaar far o shaukat e saahib Qur’ani hay
Woh sar garme shafaa’at hay araq afshaan hay peshani
Karam ka itr sandal ki zameen rehmat ki ghaani hay
نہ عرشِ ایمن نہ اِنِّیْ ذَاھِبٌ میں میہمانی ہے
نہ لطف اُدْنُ یَا اَحْمَد نصیب لَنْ تَرَانِی ہے
نصیبِ دوستاں گر اُن کے دَر پر مَوت آنی ہے
خدا یُوں ہی کرے پھر تو ہمیشہ زِندگانی ہے
اُسی دَر پر تڑپتے ہیں مچلتے ہیں بِلکتے ہیں
اُٹھا جاتا نہیں کیا خوب اپنی ناتوانی ہے
ہر اِک دیوار و دَر پر مہر نے کی ہے جبیں سائی
نگارِ مسجد اَقدس میں کب سونے کا پانی ہے
تِرے منگتا کی خاموشی شفاعَت خواہ ہے اُس کی
زبانِ بے زبانی ترجمانِ خستہ جانی ہے
کُھلے کیا رازِ محبوب و محب مستانِ غفلت پر
شراب قَدْ رَأَی الْحَق زیبِ جامِ مَنْ رَاٰنِی ہے
جہاں کی خاکروبی نے چمن آرا کیا تجھ کو
صبا ہم نے بھی اُن گلیوں کی کچھ دِن خاک چھانی ہے
شہا کیا ذات تیری حق نما ہے فردِ امکاں میں
کہ تجھ سے کوئی اوّل ہے نہ تیرا کوئی ثانی ہے
کہاں اس کو شکِ جانِ جناں میں زَر کی نقاشی
اِرم کے طائرِ رنگِ پَریدہ کی نشانی ہے
ذِیَابٌ فِی ثِیَابٍ لب پہ کلمہ دِل میں گستاخی
سلام اسلام ملحد کو کہ تسلیمِ زبانی ہے
یہ اکثر ساتھ اُن کے شانہ و مسواک کا رہنا
بتاتا ہے کہ دل ریشوں پہ زائد مہربانی ہے
اسی سرکار سے دُنیا و دِیں مِلتے ہیں سائل کو
یہی دَربارِ عالی کنز آمال و اَمَانی ہے
دُرودیں صورتِ ہالہ محیطِ ماہِ طیبہ ہیں
برستا امت عاصِی پہ اب رحمت کا پانی ہے
تَعَالٰی اللّٰہ اِستغنا تِرے دَر کے گداؤں کا
کہ ان کو عار فر و شوکت صاحب قرانی ہے
وہ سر گرمِ شفاعت ہیں عرق اَفشاں ہے پیشانی
کرم کا عطر صَندل کی زَمیں رَحمت کی گھانی ہے
یہ سر ہو اور وہ خاکِ دَر وہ خاکِ دَر ہو اور یہ سر
رضاؔ وہ بھی اگر چاہیں تو اب دِل میں یہ ٹھانی ہے