Kya theek ho rukh-e-Nabwi par misaal-e-gul
Paa maal jalwaye kaf-e-paa hay jamaal-e-gul.
Jannat he un key jalwa sey jo yaaye rang-o-boo,
Aay gul hamaare gul sey hay gul ko sawaal-e-gul.
Un key qadam sey sil’aye ghaali hui jinaan,
Wallah mere gul sey hay jaah-o-jalaal-e-gul.
Sunta hoon ishq-e-shah mein dil hoga khoon fashaan,
Yaa Rab ye muzdah sach ho Mubarak ho faal-e-gul.
Bulbul haram ko chal gham-e-faani sey faidah,
Kab tak kahegi haaye wo ghuncha-o-laal-e-gul.
Ghamgeen hay shauq-e-ghaazah-khaak-e-Madinah main,
Shabnam sey dhul sakegi na gird-e-malaal-e-gul.
Bulbul yeh kya kaha main kahaan fasl-e-gul kahaan,
Ummeed rakh key aam hay jood-o-nawaal-e-gul.
Bulbul ghara hay abre walaa muzdah ho key ab,
Girti hay aashiyana pe barq-e-jamaal-e-gul.
Yaa Rab hara bhara rahe daagh-e-jigar ka bagh,
Har mah mahe bahaar ho har saal saal-e-gul.
Rang-e-muthrah sey kar kay khajal yaad shah mein,
Kheencha hay ham ne kaanton pe itr-e-jamaal-e-gul.
Main yaad-e-sheh me rowoon ‘anaa dil karein hujoom,
Har ashke laala-e-faam pe ho ehtemaal-e-gul,
Hain akse chehra sey lab gulgon mein surkhiyaan,
Dooba hay badr-e-gul sey shafaq mein hilaal-e-gul.
Naat-e-Huzoor mein mutarannim hay andaleeb,
Shaakhon key jhoomne sey ayaan wajd-o-haal-e-gul.
Bulbul gul-e-Madinah hamesha bahaar hay,
Do din ki hay bahaar fanaa hay maal-e-gul.
Shaikhain idhar nisaar Ghani-o-Ali udhar,
Ghuncha hay bulbulon ka yameen-o-shimaal-e-gul.
Chahe Khuda to payeinge ishq-e-Nabi mein khuld,
Nikli hay naama-e-dil-e-pur khoon me faal-e-gul.
Kar us ki yaad jis sey mile chain andaleeb,
Dekha nahi keh khaar-e-alam hay khyaal-e-gul.
Dekha tha khwaab-e-khaar-e-haram andaleeb ne,
Khatka kiya hay aankh me shab bhar khyaal-e-gul.
Un do ka sadqa jinko kaha mere phool hain,
Kijiye RAZA ko hashr mein khandaa misaal-e-gul.
کیا ٹھیک ہو رُخِ نبوی پر مثالِ گل
پامال جلوئہ کفِ پا ہے جمَالِ گل
جنّت ہے ان کے جلوہ سے جویائے رنگ و بُو
اے گل ہمارے گل سے ہے گل کو سوالِ گل
اُن کے قدم سے سلعۂ غالی ہوئی جِناں
واللّٰہ میرے گل سے ہے جاہ و جلالِ گل
سُنتا ہوں عشقِ شاہ میں دِل ہو گا خُوں فشاں
یاربّ یہ مُژْدَہ سچ ہو مبارک ہو فالِ گل
بُلبل حرم کو چل غمِ فَانی سے فائدہ
کب تک کہے گی ہائے وہ غنج و دَلالِ گل
غمگیں ہے شوقِ غازَئہ خاکِ مَدینہ میں
شبنم سے دھل سکے گی نہ گردِ ملال گل
بلبل یہ کیا کہا میں کہاں فَصْلِ گل کہاں
اُمید رکھ کہ عام ہے جود و نوالِ گل
بلبل! گِھرا ہے ابر ولا مژدَہ ہو کہ اب
گِرتی ہے آشیانہ پہ بَرقِ جمالِ گل
یاربّ ہرا بھرا رہے داغِ جگر کا باغ
ہر مہ مہِ بہَار ہو ہر سال سالِ گل
رنگِ مژہ سے کر کے خَجِل یادِ شاہ میں
کھینچا ہے ہم نے کانٹوں پہ عطرِ جمالِ گل
میں یادِ شہ میں رووں عنادِل کریں ہجوم
ہر اشک لالہ فام پہ ہو احتمالِ گل
ہیں عکسِ چہرہ سے لبِ گلگوں میں سُرخیاں
ڈُوبا ہے بدرِ گل سے شَفَق میں ہلالِ گل
نعتِ حضور میں مُتَرَنّم ہے عندلیب
شاخوں کے جُھومنے سے عیاں وجد و حالِ گل
بلبل گلِ مدینہ ہمیشہ بہار ہے
دو دن کی ہے بہار فنا ہے مآلِ گل
شیخین اِدھر نثار، غنی و علی اُدھر
غُنچہ ہے بلبُلوں کا یمین و شمالِ گل
چاہے خدا تو پائیں گے عشقِ نبی میں خلد
نِکلی ہے نامۂ دلِ پُرخوں میں فالِ گل
کر اُس کی یاد جس سے ملے چین عندلیب
دیکھا نہیں کہ خارِ اَلم ہے خیالِ گل
دیکھا تھا خوابِ خارِ حرم عندلیب نے
کھٹکا کیا ہے آنکھ میں شب بھر خیالِ گل
اُن دو کا صدقہ جن کو کہا میرے پُھول ہیں
کیجے رضاؔ کو حشر میں خنداں مِثالِ گل