Jobano Par Hai Bahare Chaman Aaraaiye Dost
Khuld ka naam na le bulbule shadaaiye dost
Thak ke baithe to dare dil pe tamannaiye dost
Kaun se ghar ka ujaala nahi zaibaaiye dost
Arsaye hashr kuja mauqife Mahmood kuja
Saaz hungamo(n) se rakhti nahi(n) yaktaaiye dost
Mehr kis munh se jilau daariye jaana(n) karta
Saaye ke naam se bezaar hai yaktaaiye dost
Marne waalo ko yaha(n) milti hai umre javed
Zinda chchodegi kisi ko na masihaaiye dost
Unko yakta kiya aur khalq banayi ya’ni
Anjuman karke tamaasha kare tanhaaiye dost
Kaa’ba wa Arsh mein kohraam hai naakaami ka
Aah kis bazm me hain jalwaye yaktaaiye dost
Husne be parda ke parde ne mita rakkha hai
Dhoonde jaaye(n) kaha(n) jalwaye harjaaiye dost
Shauq roke na ruke paao uthaye na uthe
Kaisi mushkil mein hain Allah tamannaaiye dost
Sharm se jhukti hai mehraab ki saajid hain Huzoor
Sajda karwati hai kaa’be se jabee(n) saaiye dost
Taajwalo ka yaha khaak me maatha dekha
Saare daaraao(n) ki daaraa huyi daaraaiye dost
Toor par koi, koi charkh pe ye arsh se paar
Saare baalaao pe baala rahi baalaiye dost
Anta feehim ne adu ko bhi liya daaman mein
Aishe javed mubarak tujhe shaidaaiye dost
Ranje aa’da ka Raza chaara hi kya hai jab unhe
Aap gustaakh rakhe hilmo shikaibaaiye dost
جوبنوں پر ہے بہارِ چمن آرائی دوست
خُلد کا نام نہ لے بُلبلِ شیدائی دوست
تھک کے بیٹھے تو درِ دِل پہ تَمَنَّائی دوست
کون سے گھر کا اُجالا نہیں زیبائی دوست
عرصۂ حشر کجا موقفِ محمود کجا
ساز ہنگاموں سے رکھتی نہیں یکتائی دوست
مہر کس منھ سے جلو داریِ جاناں کرتا
سایہ کے نام سے بیزار ہے یکتائی دوست
مرنے والوں کو یہاں ملتی ہے عمر جاوید
زندہ چھوڑے گی کسی کو نہ مسیحائی دوست
ان کو یکتا کیا اور خلق بنائی یعنی
اَنجمن کر کے تماشا کریں تنہائی دوست
کعبہ و عرش میں کہرام ہے ناکامی کا
آہ کِس بزم میں ہے جلوئہ یکتائی دوست
حسن بے پردہ کے پردے نے مٹا رکھا ہے
ڈُھونڈنے جائیں کہاں جلوئہ ہرجائی دوست
شوق روکے نہ رُکے پاؤں اُٹھائے نہ اُٹھے
کیسی مشکِل میں ہیں اﷲ تَمَنَّائی دوست
شرم سے جھکتی ہے محراب کہ ساجد ہیں حضور
سجدہ کرواتی ہے کعبہ سے جبیں سائی دوست
تاج والوں کا یہاں خاک پہ ماتھا دیکھا
سارے داراؤں کی دارا ہوئی دارائی دوست
طور پر کوئی، کوئی چرخ پہ یہ عرش سے پار
سارے بالاؤں پہ بالا رہی بالائی دوست
اَنْتَ فِیْہِمْ نے عَدُوْ کو بھی لیا دامن میں
عیشِ جاوید مبارک تجھے شیدائی دوست
رَنجِ اَعدا کا رضاؔ چارہ ہی کیا ہے جب انھیں
آپ گستاخ رکھے حلم و شکیبائی دوست