Jo Tera Tifl Hai Kaamil Hai Ya Ghaus
Tufaili Ka Laqab Waasil Hai Ya Ghaus
Tasawwuf Tere Maktab Ka Sabaq Hai
Tasar’ruf Par Tera Aamil Hai Ya Ghaus
Teri Seyr Ilaa-Allah Hee Hai Fil’laah
Ke Ghar Se Chalte Hee Moosil Hai Ya Ghaus
Tu Noor e Awwal o Aakhir Hai Mawla
Tu Khayr e ‘Aajil o Aajil Hai Ya Ghaus
Malak Ke Kuch, Bashar Kuch, Jinn Ke Haiñ Peer
Tu Shaykh e ‘Aali o Saafil Hai Ya Ghaus
Kitaab e Har Dil Aasaar e Ta’ar’ruf
Tere Daftar Hee Se Naaqil Hai Ya Ghaus
Futooh ul Ghaib Agar Roshan Na Farmaaye
Futoohaat o Fusoos Aafil Hai Ya Ghaus
Tera Mansoob Hai Marfu’ Is Jaa
Izaafat Rafa’ Ki ‘Aamil Hai Ya Ghaus
Tere Kaami Mashaq’qat Se Bari Haiñ
Ke Bar-Tar Nasab Se Faa’il Hai Ya Ghaus
Ahad Se Ahmad Awr Ahmad Se Tujh Ko
Kun Awr Sab Kun Makun Haasil Hai Ya Ghaus
Teri Izzat Teri Rif’at Tera Fadhl
Bi-Fadh-Lihi Afzal o Faazil Hai Ya Ghaus
Tere Jalwe Ke Aage Mintaqah Se
Mah o Khur Par Khat e Baatil Hai Ya Ghaus
Siyaahi Maa-il Us Ki Chaandni Aayi
Qamar Ka Yuñ Falak Maa-il Hai Ya Ghaus
Tilaa-e Mahr Hai ‘Taksaal Baahar
Ke Khaarij Markaz Haamil Hai Ya Ghaus
Tu Barzakh Hai Ba-rang e Noon e Minnat
Do Jaanib Mut’tasil Waasil Hai Ya Ghaus
Nabi Se Aakhiz Awr Ummat Pe Faa-iz
Udhar Qaabil Idhar Faa’il Hai Ya Ghaus
Nateeja Had’d e Awsat Gir Ke De Awr
Yahaañ Jab Tak Ke Tu Shaamil Hai Ya Ghaus
‘Alaa Tooba Lakum’ Hai Wo Ke Jin Ka
Shabaana Roz Wird e Dil Hai Ya Ghaus
‘Ajam Kaisa ‘Arab Hil Kya Haram Me
Jami Har Jaa Teri Mehfil Hai Ya Ghaus
Hai Sharh e Ism e Al Qaadir Tera Naam
Ye Sharha Is Matan Ki Haamil Hai Ya Ghaus
Jabeen e Jubbah Farsa-ee Ka Sandal
Teri Deewaar Ki Kah-gil Hai Ya Ghaus
Baja Laaya Wo Amr e Saari’oo Ko
Teri Jaanib Jo Musta’jil Hai Ya Ghaus
Teri Qudrat To Fitriyaat Se Hai
Ke Qaadir Naam Me Daakhil Hai Ya Ghaus
Tasar’ruf Waale Sab Mazhar Haiñ Tere
Tu Hee Is Parde Me Faa’il Hai Ya Ghaus
RAZA Ke Kaam Awr Ruk Jaa-eñ Haa-shaa
Tera Saa-il Hai Tu Baazil Hai Ya Ghaus
جو تیرا طِفْل ہے کامل ہے یا غوث
طُفَیْلی کا لَقب واصل ہے یا غوث
تَصَوُّف تیرے مَکتب کا سبق ہے
تَصَرُّف پر تِرا عامل ہے یاغوث
تِری سَیر اِلَی اﷲ ہی ہے فِی اﷲ
کہ گھر سے چلتے ہی مُوصِل ہے یا غوث
تو نورِ اوّل و آخر ہے مولیٰ
تو خیرِ عاجل و آجِل ہے یا غوث
مَلک کے کچھ بَشر کچھ جنّ کے ہیں پیر
تو شیخِ عالی و سافِل ہے یا غوث
کتابِ ہر دل آثار تَعَرُّف
تِرے دفتر ہی سے ناقِل ہے یا غوث
فُتوح الغیب اگر روشن نہ فرمائے
فتوحات و فُصوص آفِل ہے یا غوث
تِرا مَنْسُوب ہے مَرفُوع اس جا
اِضافت رَفع کی عامل ہے یا غوث
تِرے کامی مشقت سے بَری ہیں
کہ بَرتر نَصب سے فاعل ہے یا غوث
اَحد سے احمد اور احمد سے تجھ کو
کُن اور سب کُن مَکُن حاصل ہے یا غوث
تِری عزت تِری رِفعت تِرا فضل
بِفضلہ افضل و فاضل ہے یا غوث
تِرے جلوے کے آگے مِنْطَقَہ سے
مَہ و خور پر خط باطل ہے یا غوث
سیاہی مائل اس کی چاندنی آئی
قمر کا یوں فلک مائل ہے یا غوث
طِلائے مِہر ہے ٹکسال باہر
کہ خارِج مَرکز حامِل ہے یا غوث
تو بَرزَخ ہے بَرَنگِ نونِ مِنَّت
دو جانب متَّصِل واصِل ہے یا غوث
نبی سے آخِذ اور اُمّت پہ فائض
اُدھر قابِل اِدھر فاعل ہے یا غوث
نتیجہ حَدِّ اَوْسَط گر کے دے اور
یہاں جب تک کہ تو شامل ہے یا غوث
اَلَا طُوْبٰی لَـــکُمْ ہے وہ کہ جن کا
شَبانہ روز وِرْدِ دل ہے یا غوث
عَجم کیسا عرب حِلّ کیا حَرم میں
جمی ہر جا تِری محفل ہے یا غوث
ہے شرحِ اسمِ اَلْـقَادِر ترا نام
یہ شرح اس مَتن کی حامل ہے یا غوث
جَبِیْنِ جُبَّہ فَرسائی کا صَنْدَل
تِری دیوار کی کَہگِل ہے یا غوث
بجا لایا وہ اَمرِ سَارِعُوْا کو
تِری جانب جو مُسْتَعْجِل ہے یا غوث
تِری قدرت تو فِطریات سے ہے
کہ قادِر نام میں داخل ہے یا غوث
تَصَرُّف والے سب مَظْہَر ہیں تیرے
تو ہی اس پردے میں فاعل ہے یا غوث
رضاؔ کے کام اور رک جائیں حاشا
تِرا سائل ہے تو باذِل ہے یا غوث