Imaan Hai Qaal e Mustafa-ee
Qur’aan Hai Haal e Mustafa-ee
Allah Ki Saltanat Ka Dulha
Naqsh e Timsaal e Mustafa-ee
Kul Se Baala Rusul Se A’laa
Ijlaal o Jalaal e Mustafa-ee
Ashaab Nujoom e Rahnuma Haiñ
Kashti Hai Aal e Mustafa-ee
Idbaar Se To Mujhe Bacha Le
Pyaare Iqbaal e Mustafa-ee
Mursal Mushtaaq e Haq Haiñ Awr Haq
Mushtaaq Wasaal e Mustafa-ee
Khwahaan e Wisaal e Kibriya Haiñ
Jooyaan e Jamaal e Mustafa-ee
Mahboob o Muhib Ki Milk Hai Aik
Kaunain Haiñ Maal e Mustafa-ee
Allah! Na Choote Dast e Dil Se
Daamaan e Khayaal e Mustafa-ee
Haiñ Tere Supurd Sab Ummeedeñ
Ay Jood o Nawaal e Mustafa-ee
Roshan Kar Qabr Be-Kasoñ Ki
Ay Sham’e Jamaal e Mustafa-ee
Andheyr Hai Be Tere Mera Ghar
Ay Sham’e Jamaal e Mustafa-ee
Mujh Ko Shab e Gham Dara Rahi Hai
Ay Sham’e Jamaal e Mustafa-ee
Aankhoñ Me Chamak Ke Dil Me Aa Jaa
Ay Sham’e Jamaal e Mustafa-ee
Meri Shab e Taar Din Banaa De
Ay Sham’ e Jamaal e Mustafa-ee
Chamka De Naseeb e Bad-Naseebaañ
Ay Sham’e Jamaal e Mustafa-ee
Qaz’zaaq Haiñ Sar Pe Raah Gum Hai
Ay Sham’e Jamaal e Mustafa-ee
Chaaya Aankhoñ Talay Andhera
Ay Sham’e Jamaal e Mustafa-ee
Dil Sard Hai Apni Lau Lagaa De
Ay Sham’e Jamaal e Mustafa-ee
Ghanghoor Ghata-eñ Gham Ki Cha-eeñ
Ay Sham’e Jamaal e Mustafa-ee
Bhat’ka Huñ Tu Raasta Bata Jaa,
Ay Sham’e Jamaal e Mustafa-ee
Faryaad Dabaati Hai Siyaahi
Ay Sham’e Jamaal e Mustafa-ee
Mere Dil e Murda Ko Jila De
Ay Sham’e Jamaal e Mustafa-ee
Aankheñ Teri Raah Tak Rahi Haiñ
Ay Sham’e Jamaal e Mustafa-ee
Dukh Me Haiñ Andheri Raat Waale,
Ay Sham’e Jamaal e Mustafa-ee
Taareek Hai Raat Ghamzadoñ Ki
Ay Sham’e Jamaal e Mustafa-ee
Ho Dono Jahaañ Me Munh Ujaala
Ay Sham’e Jamaal e Mustafa-ee
Taareeki e Gor Se Bachaana
Ay Sham’e Jamaal e Mustafa-ee
Purnoor Hai Tujh Se Bazm e ’Aalam
Ay Sham’e Jamaal e Mustafa-ee
Ham Teerah Diloñ Pe Bhi Karam Kar
Ay Sham’e Jamaal e Mustafa-ee
Lil’laah Idhar Bhi Ko-ee Phera
Ay Sham’e Jamaal e Mustafa-ee
Taqdeer Chamak Ut’the RAZA Ki
Ay Sham’e Jamaal e Mustafa-ee