Peysh e Haq Muzhda Shafa’at Ka Sunate Jeeinge
Ap Route Jeeinge Hum Ko Hasate Jeeinge
Dil Nikal Jane Kee Ja Hai Ah! Kin Ankhoon Se Wo
Hum Se Piyason Ke Liye Darya Ba ha te Jeeinge
Kushtgane Garmiye Mahshar Ko Wo Jane Maseeh
Aj Daman Ki Hawa De Kar Jilate Jeenge
Gul Khilega Aj Yeh Unki Naseeme Faiz Se
Khoon Route Eenge Hum Muskurate Jeenge
Han Chalo Hasrat Zad oon Sunte Hain Wo Din Aj Hai
Thee Khabar Jisskee Ke Wo Jalwa Dikhate Jeeinge
Kuch Khabar Bhee Hai Faqeeron Aj Wo Din Hai Ke Wo
Na’mat e Khuld Apne Sadqe Meyn Luta Te Jeeinge
Khak Uftado Buss Unn Ke Ane Hee Kee Der Hai
Khud Wo Girr Kar Sajdah Meyn Tum Ko Utha –Te Jeeinge
Wus’ateyn Dee Hain Khuda Ne Daman e Mehboob Ko
Jurm Khulte Jeeinge Aur Wo Chupate Jeeinge
Lo Wo Ee Muskurate Hum Aseeron Kee Taraf
Khirman e Is’iyan Pe Bij lee Gira Te Jeeinge
Sokhta Jano Pe Wo Pur Joshe Rahmat Ee Hain
Abe Kausar Se Lagi Dil Ki Bujhate Jeenge
Aftab Unka Hii Chamkega Jab Auron Ke Chirag
Sarsare Joshe Bala Se Jhilmilate Jeenge
Pee Quba Puul Se Guzrenge Teri Awaz Par
Rabbi Sallim Ki Sada Par Wajd Late Jeenge
Sarware Di Lije Apne Natwano Ki Khabar
Nafso Shaitan Seyida Kab Tak Dabate Jeenge
Hush ar Tak Da leyn ge Hum Pey Da Ish e Maula Kee Dhoom
Miss Le Fa Ris Najd Ke Qil Aey Gira Te Jeeinge
Khak Ho Jeei(n) A’doo Jal Kar Magar Hum Tou Raza
Dum Mey(n) Jab Tak Dum Hai Zikr Unn Ka Suna Te Jeei(n)ge
پیشِ حق مژدہ شفاعت کا سُناتے جائیں گے
آپ روتے جائیں گے ہم کو ہنساتے جائیں گے
دل نکل جانے کی جا ہے آہ کن آنکھوں سے وہ
ہم سے پیاسوں کے لیے دریا بہاتے جائیں گے
کُشتگانِ گرمیِ محشر کو وہ جانِ مسیح
آج دامن کی ہوا دے کر جِلاتے جائیں گے
گل کِھلے گا آج یہ اُن کی نسیمِ فیض سے
خون روتے آئیں گے ہم مسکراتے جائیں گے
ہاں چلو حسرت زدو سُنتے ہیں وہ دن آج ہے
تھی خبر جس کی کہ وہ جَلوہ دِکھاتے جائیں گے
آج عیدِ عاشِقاں ہے گر خدا چاہے کہ وہ
ابروئے پیوستہ کا عالَم دِکھاتے جائیں گے
کچھ خبر بھی ہے فقیرو آج وہ دن ہے کہ وہ
نعمتِ خلد اپنے صَدقے میں لُٹاتے جائیں گے
خاک اُفتادو بس اُن کے آنے ہی کی دیر ہے
خود وہ گر کر سجدہ میں تم کو اُٹھاتے جائیں گے
وُسعتیں دی ہیں خدا نے دامنِ محبوب کو
جرم کھلتے جائیں گے اور وہ چھپاتے جائیں گے
لو وہ آئے مسکراتے ہم اسیروں کی طرف
خرمنِ عِصیاں پر اب بجلی گراتے جائیں گے
آنکھ کھولو غمزدو دیکھو وہ گِریاں آئے ہیں
لوحِ دل سے نقشِ غم کو اب مِٹاتے جائیں گے
سوختہ جانوں پہ وہ پُر جوش رحمت آئے ہیں
آب کوثر سے لگی دِل کی بجھاتے جائیں گے
آفتاب اُن کا ہی چمکے گا جب اَوروں کے چراغ
صرصرِ جوشِ بلا سے جِھلملاتے جائیں گے
پائے کُوباں پُل سے گزریں گے تِری آواز پر
رَبِّ سَلِّمْکی صَد ا پر وَجد لاتے جائیں گے
سرورِ دِیں لیجے اپنے ناتوانوں کی خبر
نفس و شیطاں سیّدا کب تک دَباتے جائیں گے
حشر تک ڈالیں گے ہم پَیدائشِ مولیٰ کی دُھوم
مِثل فارِس نجد کے قلعے گراتے جائیں گے
خاک ہو جائیں عدو جل کر مگر ہم تو رضاؔ
دَم میں جب تک دَم ہے ذِکر اُن کا سُناتے جائیں گے