Hirz e jaan zikr e shafaat kijiye
Naar se bachne ki surat kijiye
Un ke dar pe jaise hain mit jayiye
Naatuaano kuch to himmat kijiye
Un ke dar par baitiye ban kar faqeer
Benawaao fikr e sarwat kijiye
Jin ka husn Allah ko bhi bha gaya
Aise Pyaare se muhabbat kijiye
Naara kijiye Ya RasoolAllah (salla Llahu ‘alayhi wa sallam) ka
Mufliso saamaan e dolat kijiye
Hum tumhare ho ke kis ke paas jaaye
Sadqa Shehzaado ka rahmat kijiye
Aap Sultaan e jahaan hum benawaa
Yaad hum ko waqt e nemat kijiye
Tujh se kya kya ae mere Taiba ke Chand
Zulmat e ghum ki shikaayat kijiye
Dar badar kab tak phire khasta kharaab
Taiba me madfan inaayat kijiye
Phir palat kar mun na is jaanib kiya
Such hain aur dawa e ulfat kijiye
Uqrabaa hub e watan behimmati
Aah kis kis ki shikaayat kijiye
Ab to Aqa mun dikhane ka nahi
Kis tarha raf e nidaamat kijiye
Kis se kehyiye kya kya kya ho gaya
Khud hi apne par malaamat kijiye
Arz ka bhi ab to mun partaa nahi
Kya ilaaj e dard e furqat kijie
Apni ik meethi nazar ke shehad se
Chaarah e zehr e museebat kijiye
De Khuda himmat ke ye jaan e hazeen
Aap par waari wo surat kijiye
Aap hum se bar kar hum par mehrbaan
Hum kare jurm Aap rahmat kijiye
Jo na bhoola hum ghareebo ko Raza
Yaad us ki apni aadat kijiye
حرزِ جاں ذِکرِ شفاعت کیجیے
نار سے بچنے کی صورت کیجیے
اُن کے نقشِ پا پہ غیرت کیجیے
آنکھ سے چھپ کر زیارت کیجیے
اُن کے حسنِ با ملاحت پر نثار
شیرئہ جاں کی حلاوت کیجیے
اُن کے در پر جیسے ہو مِٹ جائیے
ناتوانو! کچھ تو ہمّت کیجیے
پھیر دیجے پنجۂ دیوِ لعیں
مصطفیٰ کے بَل پہ طاقت کیجیے
ڈُوب کر یادِ لبِ شاداب میں
آبِ کوثر کی سباحت کیجیے
یادِ قامت کرتے اُٹھیے قبر سے
جانِ محشر پر قیامت کیجیے
اُن کے دَر پر بیٹھیے بن کر فقیر
بے نواؤ فکرِ ثروت کیجیے
جِس کا حُسن اللّٰہ کو بھی بَھا گیا
ایسے پیارے سے محبت کیجیے
حی باقی جس کی کرتا ہے ثنا
مرتے دم تک اس کی مِدحت کیجیے
عرش پر جس کی کمانیں چڑھ گئیں
صدقے اس بازو پہ قوت کیجیے
نیم وا طیبَہ کے پھولوں پر ہو آنکھ
بُلبلو! پاسِ نزاکت کیجیے
سر سے گِرتا ہے ابھی بارِ گناہ
خم ذرا فرقِ اِرادت کیجیے
آنکھ تو اُٹھتی نہیں کیا دیں جواب
ہم پہ بے پرسِش ہی رحمت کیجیے
عذر بدتر از گنہ کا ذِکر کیا
بے سبب ہم پر عنایت کیجیے
نعرہ کیجے یارسول اللّٰہ کا
مفلسو! سامانِ دولت کیجیے
ہم تمہارے ہو کے کس کے پاس جائیں
صَدقہ شہزادوں کا رحمت کیجیے
مَنْ رَاٰنِی قَدْ رَأَی الْحَق جو کہے
کیا بیاں اس کی حقیقت کیجیے
عالمِ علم دو عالم ہیں حضور
آپ سے کیا عرض حاجت کیجیے
آپ سلطانِ جہاں ہم بے نوا
یاد ہم کو وقت نعمت کیجیے
تجھ سے کیا کیا اے مِرے طیبہ کے چاند
ظلمتِ غم کی شکایت کیجیے
دَر بدر کب تک پِھریں خستہ خراب
طیبہ میں مدفن عنایت کیجیے
ہر برس وہ قافلوں کی دُھوم دھام
آہ سُنیے اور غفلت کیجیے
پھر پلٹ کر مُنھ نہ اُس جانب کیا
سچ ہے اور دعوائے اُلفت کیجیے
اَقربا حُبِّ وَطن بے ہمتی
آہ کِس کِس کی شکایت کیجیے
اب تو آقا مُنھ دِکھانے کا نہیں
کِس طرح رَفعِ ندامت کیجیے
اپنے ہاتھوں خود لٹا بیٹھے ہیں گھر
کس پہ دعوائے بضاعت کیجیے
کِس سے کہیے کیا کِیا کیا ہو گیا
خود ہی اپنے پَر ملامت کیجیے
عرض کا بھی اب تو مُنھ پڑتا نہیں
کیا علاجِ دَردِ فرقت کیجیے
اپنی اِک میٹھی نظر کے شہد سے
چارئہ زہرِ مصیبت کیجیے
دے خدا ہمّت کہ یہ جانِ حزیں
آپ پر واریں وہ صورت کیجیے
آپ ہم سے بڑھ کے ہم پر مہرباں
ہم کریں جرم آپ رحمت کیجیے
جو نہ بُھولا ہم غریبوں کو رضاؔ
یاد اُس کی اپنی عادَت کیجیے