Chamane Taiba mein sumbul jo sawaare gesu
Hoor badh kar shikane naaz pe waare gesu
Ki jo baalon se tere Rauze ki jaaroob kashi
Shab ko shabnam ne tabarruk ko hain dhaare gesu
Hum siyah kaaron pe Ya Rab tapishe mahshar mein
Saaya afgan hon tere pyare ke pyare gesu
Charche hooron mein hain dekho to zara baale burraq
Sumbule khuld ke qurban utare gesu
Aakhire Hajj ghame ummat mein paresha(n) ho kar
Teerah bakhton ki shafa’at ko sidhare gesu
Gosh tak sunte the fariyad ab aaye taa dosh
Ki bane khana badoshon ko sahare gesu
Sukhe dhano(n) pe humare bhi karam ho jaaye
Chaye rehmat ki ghata ban ke tumhare gesu
Ka’baye Jaa(n) ko pinhaya hai gilafe mushkee(n)
Udh ke aaye hain jo abr pe tumhare gesu
Silsila paa ke shafa’at ka jhuke padte hain
Sajdaye shukr ke karte hain ishare gesu
Mushk boo koocha ye kis phool ka jhada un se
Hooriyo ambare saara huye saare gesu
Dekho Qur’an me shabe Qadr hai ta matlaye fajr
Ya’ni nazdeek hain aariz ke woh pyare gesu
Bheeni khushboo se mahak jaati hain galiya(a) wallah
Kaise phoolo mein basaye hain tumhare gesu
Shaane rehmat hai ki shaana na juda ho dam bhar
Seena chaakon pe kuch is darja hain pyare gesu
Shaana hai panjaye qudrat tere baalon ke liye
Kaise haathon ne shaha tere saware gesu
Uhade paak ki choti se ulajh le shab bhar
Subah hone do shabe eid ne haare gesu
Muzda ho qibla se ghanghor ghatayen umdee
Abroo(on) par woh jhuke jhoom ke baare gesu
Taare sheerazaye majmuaye kaunain hain yeh
Haal khul jaaye jo ik dum hon kanare gesu
Tel ki boonde tapakti nahi baalon se Raza
Subhe aariz pe lutate hain sitare gesu
چمنِ طیبہ میں سُنبل جو سنوارے گیسو
حُور بڑھ کر شِکن ناز پہ وارے گیسو
کی جو بالوں سے تِرے روضہ کی جاروب کشی
شب کو شبنم نے تبرک کو ہیں دھارے گیسو
ہم سِیہ کاروں پہ یاربّ تپشِ محشر میں
سایہ افگن ہوں تِرے پیارے کے پیارے گیسو
چرچے حُوروں میں ہیں دیکھو تو ذرا بال براق
سُنبلِ خلد کے قربان اُتارے گیسو
آخرِ حج غمِ اُمّت میں پریشاں ہو کر
تِیرہ بختوں کی شفاعت کو سدھارے گیسو
گوش تک سُنتے تھے فریاد اب آئے تادوش
کہ بنیں خانہ بدوشوں کو سہارے گیسو
سُوکھے دھانوں پہ ہمارے بھی کرم ہو جائے
چھائے رحمت کی گھٹا بن کے تمہارے گیسو
کعبۂ جاں کو پنھایا ہے غلافِ مُشکیں
اُڑ کر آئے ہیں جو اَبرو پہ تمہارے گیسو
سِلسلہ پا کے شفاعت کا جھکے پڑتے ہیں
سجدئہ شکر کے کرتے ہیں اِشارے گیسو
مُشک بُو کوچہ یہ کس پھول کا جھاڑا ان سے
حُوریو عنبرِ سارا ہوئے سارے گیسو
دیکھو قرآں میں شبِ قدر ہے تا مطلعِ فجر
یعنی نزدیک ہیں عارِض کے وہ پیارے گیسو
بِھینی خوشبو سے مہک جاتی ہیں گلیاں واللّٰہ
کیسے پھولوں میں بسائے ہیں تمہارے گیسو
شانِ رحمت ہے کہ شانہ نہ جُدا ہو دم بھر
سینہ چاکوں پہ کچھ اس درجہ ہیں پیارے گیسو
شانہ ہے پنجۂ قدرت تِرے بالوں کے لئے
کیسے ہاتھوں نے شہا تیرے سنوارے گیسو
اُحدِ پاک کی چوٹی سے اُلجھ لے شب بھر
صبح ہونے دو شبِ عید نے ہارے گیسو
مژدہ ہو قبلہ سے گھنگھور گھٹائیں اُمڈیں
اَبرووں پر وہ جھکے جھوم کے بارے گیسو
تارِ شیرازئہ مجموعۂ کونین ہیں یہ
حال کھل جائے جو اِک دم ہوں کنارے گیسو
تیل کی بُوندیں ٹپکتی نہیں بالوں سے رضاؔ
صبح عارِض پہ لٹاتے ہیں سِتارے گیسو