Bartar Qayaas se hai maqaame Abul Hussain
Sidra se poocho rif’ate baame Abul Hussain
Wa rasta paaye bastaye daame Abul Hussain
Aazaad naar se hai Ghulame Abul Hussain
khatte siyah mein Noore Ilahi ki taabishe(n)
Kya subhe noorbaar hai shaame Abul Hussain
Saaqi suna de Sheeshaye Baghdad ki tapak
mehki hai booye gul se mudaame Abul Hussain
Booye kabaabe sokhta aati hai mai-kasho
Chalka sharaabe chisht se jaame Abul Hussain
Gulgoon sahar ko hai sa-hare soze dil se aankh
Sultane Soharward hai naame Abul Hussain
Kursi nasheen hai naqshe muraad unke faiz se
Maulaye Naqshband hai naame Abul Hussain
Jis nakhle paak mein hain chiyalees daaliyaa(n)
Is shaakh un mein se hai banaame Abul Hussain
Masto(n) ko aye Kareem bachaye khumaar se
Ta daur hashr dauraye jaame Abul Hussain
Un ke bhale se laakhon gareebon ka hai bhala
Ya Rab zamaana-baad bakaame Abul Hussain
Mela laga hai shaane Maseeha ki deed hai
Murde jilaa raha hai khiraame Abul Hussain
Sar gashta mehro mah hain par ab tak khula nahi
kis charkh par hai maahe tamaame Abul Hussain
Itna pata mila hai ke yeh charkh chambaree
hai haft paaya zeenaye baame Abul Hussain
Zarre ko mehr, qatre ko dariya kare abhi
gar josh zan ho bakhshishe aame abul Hussain
Yahya ka sadqa waarise iqbaal mand paaye
Sajjaadaye Shuyookhe kiraame Abul Hussain
Inaam lein bahaare jinaa tehniyat likhen
phoole phale tu nakhle maraame Abul Hussain
Allah hum bhi dekh lein Shehzaade ki bahaar
Soonghe gule muraad mashaame Abul Hussain
Aaqa se mere Suthre Miyan ka hua hai naam
Is achche suthre se rahe naame Abul Hussain
Ya Rab woh chaand jo falake ‘izzo jaah par
Har sair mein ho gaam ba gaame Abul Hussain
Aao tumhe hilaale sipahre sharaf dikhayen
Gardan jhukayen bahre salaame Abul Hussain
Qudrat khuda ki hai ke talaatum qanaa(n) uthi
Bahre fanaa se mauje dawaame Abul Hussain
Ya Rab hume bhi chashni us apni yaad ki
jis se hai shakkari(n) labo kaame Abul Hussain
Haan taaleye Raza teri Allah re yawari
Aye bandaye judoode kiraame Abul Hussain
برتر قیاس سے ہے مقامِ ابُوالحسین
سدرہ سے پوچھو رفعتِ بامِ ابُوالحسین
وارستہ پائے بستۂ دامِ ابُوالحسین
آزاد نار سے ہے غلامِ ابُوالحسین
خطِ سیہ میں نورِ الٰہی کی تابشیں
کیا صبحِ نُور بار ہے شامِ ابُوالحسین
ساقی سُنا دے شیشۂ بغداد کی ٹپک
مہکی ہے بُوئے گُل سے مدامِ ابُوالحسین
بُوئے کباب سوختہ آتی ہے مے کشو
چھلکا شرابِ چشت سے جامِ ابُوالحسین
گلگوں سحر کو ہے سَہَر سوزِ دل سے آنکھ
سلطانِ سہرورد ہے نامِ ابُوالحسین
کرسی نشیں ہے نقش مُراد اُن کے فیض سے
مولائے نقش بند ہے نامِ ابُوالحسین
جس نخلِ پاک میں ہیں چھیالیس ڈالیاں
اِک شاخ ان میں سے ہے بنامِ ابُوالحسین
مستوں کو اے کریم بچائے خمار سے
تا دور حشر دورئہ جامِ ابُوالحسین
اُنکے بھلے سے لاکھوں غریبوں کا ہے بھلا
یاربّ زمانہ باد بکامِ ابُوالحسین
میلا لگا ہے شانِ مسیحا کی دِید ہے
مُردے جِلا رہا ہے خرامِ ابُوالحسین
سرگشتہ مہر و مہ ہیں پَر اب تک کھلا نہیں
کس چرخ پر ہے ماہ تمامِ ابُوالحسین
اتنا پتہ ملا ہے کہ یہ چرخ چنبری
ہے ہفت پایہ زینۂ بامِ ابُوالحسین
ذرّہ کو مہر، قطرہ کو دریا کرے ابھی
گر جوش زن ہو بخشش عامِ ابُوالحسین
یحیٰی کا صَدقہ وارثِ اقبال مند پائے
سجادئہ شیوخ کرامِ ابُوالحسین
انعام لیں بہارِ جِناں تہنیت لکھیں
پھولے پھلے تو نخلِ مرامِ ابُوالحسین
اﷲ ہم بھی دیکھ لیں شہزادہ کی بہار
سُونگھے گلِ مراد مشامِ ابُوالحسین
آقا سے میرے ستھرے میاں کا ہوا ہے نام
اس اچھے ستھرے سے رہے نامِ ابُوالحسین
یاربّ وہ چاند جو فلکِ عزّ و جاہ پر
ہر سیر میں ہو گام بگامِ ابُوالحسین
آؤ تمہیں ہلال سپہر شرف دکھائیں
گردن جھکائیں بہر سلامِ ابُوالحسین
قدرت خدا کی ہے کہ طلاطم کناں اٹھی
بحر فنا سے موج دوامِ ابُوالحسین
یاربّ ہمیں بھی چاشنی اس اپنی یاد کی
جس سے ہے شکّریں لب و کامِ ابُوالحسین
ہاں طالِع رضاؔ تِری اﷲ رے یاوری
اے بندئہ جدود کرامِ ابُوالحسین