Bandah qaadir ka bhi qaadir bhi hay Abdul Qaadir,
Sir-e-baatin bhi hay zaahir bhi hay Abdul Qaadir.
Mufti-e-shar’a bhi hay qaazi-e-millat bhi hay,
Ilm-e-asraar sey maahir bhi hay Abdul Qaadir.
Manba’a faiz bhi hay majma’a afdaal bhi hay,
Meher-e-irfaan ka munnawar bhi hay Abdul Qaadir.
Qutb-e-abdaal bhi hay mehwer -e-irshaad bhi hay,
Markaze daairah-e-sir bhi hay Abdul Qaadir.
Salak-e-irfaan ki ziya hay yahi dur-e-mukhtaar,
Fakhr-e-ashbaah-wa-nazair bhi hay Abdul Qaadir.
Us key farmaan hain sab shaareh hukm-e-shaare’,
Mazhare naa hi-o-aamir bhi hay Abdul Qaadir.
Zee tasarruf bhi hay maazoon bhi mukhtar bhi hay,
Kaar-e-aalam ka muddabir bhi hay Abdul Qaadir.
Rashk-e-bulbul hay RAZA laala-e-sad daagh bhi hay,
Aap ka waasif-o-zaakir bhi hay Abdul Qaadir.
بندہ قادر کا بھی قادر بھی ہے عبدالقادر
سرِّ باطن بھی ہے ظاہر بھی ہے عبدالقادر
مفتِی شرع بھی ہے قاضی مِلّت بھی ہے
علمِ اَسرار سے ماہر بھی ہے عبدالقادر
منبعِ فیض بھی ہے مجمعِ افضال بھی ہے
مہر عرفَاں کا منور بھی ہے عبدالقادر
قطب ابدال بھی ہے محورِ ارشاد بھی ہے
مرکزِ دائرئہ سِرّ بھی ہے عبدالقادر
سلکِ عرفاں کی ضیا ہے یہی دُرِّمختار
فخرِ اَشباہ و نظائر بھی ہے عبدالقادر
اس کے فرمان ہیں سب شارحِ حکمِ شارع
مظہرِ ناہی و آمر بھی ہے عبدالقادر
ذی تَصَرُّف بھی ہے ماذون بھی مختار بھی ہے
کارِ عالم کا مُدَبِّر بھی ہے عبدالقادر
رشکِ بُلبل ہے رضاؔ لالہ صَد داغ بھی ہے
آپ کا واصف و ذاکِر بھی ہے عبدالقادر