Ariz-E-Shams-O-Qamar Se Bhi Hain Anwar Aeriyan
Arsh Ki Ankhon Ke Tare Hain Woh Khushtar Aeriyan
Ja Baja Partau Figan Hain Asman Par Aeriyan
Din Ko Hain Khursheed Shab Ko Maho Akhtar Aeriyan
Najme Gardoon To Nazar Ate Hain Chote Aur Woh Pau
Arsh Par Phir Kyun Na Hon Mahsoos Lagar Aeriyan
Dab Ke Zere Pa Na Gunjaish Samane Ko Rahi
Ban Gaya Jalwa Kafe Pa Ka Ubhar Ka Aeriyan
Unka Mangta Pau Se Thukra De Woh Duniya Ka Taj
Jis Ki Khatir Mar Gaye Mun’am Agad Kar Aeriyan
Do Qamar, Do Panjaye Khur, Do Sitare, Dus Hilal
Unke Talwe, Panje, Nakhun, Paye Athar Aeriyan
Haye Us Patthar Se Us Seene Ki Qismat Fodiye
Be Takalluf Jis Ke Dil Mein Yun Karen Ghar Aeriyan
Taje Roohul Quds Ke Moti Jise Sajda Karen
Rakhti Hain Wallah Woh Pakeeza Gohar Aeriyan
Ek Thokar Me Uhud Ka Zalzala Jata Raha
Rakhti Hain Kitna Waqar Allahu Akbar Aeriyan
Charkh Par Chadte Hi Chandi Mein Siyahi A Gayi
Kar Chuki Hai Badr Ko Taksal Bahar Aeriyan
Aye “Raza” Toofane Mehshar Ke Talatum Se Na Dar
Shad Ho! Hain Kashtiye Ummat Ko Langar Aeriyan.
عارضِ شمس و قمر سے بھی ہیں انور ایڑیاں
عرش کی آنکھوں کے تارے ہیں وہ خوشتر ایڑیاں
جا بجا پَرَْتو فگن ہیں آسماں پر ایڑیاں
دِن کو ہیں خورشید شب کو ماہ و اختر ایڑیاں
نجمِ گَردوں تو نظر آتے ہیں چھوٹے اور وہ پاؤں
عرش پر پھر کیوں نہ ہوں محسوس لاغر ایڑیاں
دَب کے زیر پا نہ گنجایش سمانے کو رہی
بن گیا جلوہ کفِ پا کا اُبھر کر ایڑیاں
اُن کا منگتا پاؤں سے ٹھکرا دے وہ دُنیا کا تاج
جس کی خاطر مر گئے مُنْعِم رگڑ کر ایڑیاں
دو قمر، دو پنجۂ خور، دو ستارے ، دس ہِلال
ان کے تلوے ، پنجے ، ناخن، پائے اطہر ایڑیاں
ہائے اس پتھر سے اس سینہ کی قسمت پھوڑیے
بے تکلف جس کے دل میں یوں کریں گھر ایڑیاں
تاجِ رُوح القدْس کے موتی جسے سجدہ کریں
رکھتی ہیں واللّٰہ وہ پاکیزہ گوہر ایڑیاں
ایک ٹھوکر میں اُحد کا زلزلہ جاتا رہا
رکھتی ہیں کتنا وقار اللّٰہ اکبر ایڑیاں
چرخ پر چڑھتے ہی چاندی میں سیاہی آ گئی
کر چکی ہیں بَدْر کو ٹکسال باہر ایڑیاں
اے رضاؔ طوفانِ محشر کے طَلاطُم سے نہ ڈر
شاد ہو! ہیں کشتیِ امّت کو لنگر ایڑیاں