Ya Ilaahi Har Jaga Teri Ataa Ka Saath Ho
Jub Pade Mushkil Sha’e Mushkil Kusha Ka Saath Ho

Ya Ilaahi Bhool Jawu Naza’Ki Takleef Ko
Shaadiye deedare Husne Mustafa Ka Saath Ho

Ya Ilaahi Gor Teera Ki Jab Aayeh Sakht Raat
Unke Pyaare Moonh Ki Subha Jaa Fiza Ka Saath Ho

Ya Ilaahi Jub Padre Mahshar Me Shore Daar-o-Geer
Amn Dene Waale Pyaare Peshwa Ka Saath Ho

Ya Ilaahi Jub Zabaane Baahar Aayey Pyaas Se
Saahib-e-Kauthar Sha’e Jood-o-ataa Ka Saath Ho

Ya Ilaahi Sard-e-Mehri Par Ho Jab Khurshid-e-Hashr
Sayyad-e-Besaaya Ke Zille-e-Liwaa Ka Saath Ho

Ya Ilaah Garmi-e-Mahshar Seh Jub Bharke Badan
Daaman-e-Mahboob Ki Thandi Hawaa Ka Saath Ho

Ya Ilaahi Nama-e-A’maal Jub Khulne Lage
Aib-e-Pooshe Khalq Sat’taare Khata Ka Saath Ho

Ya Ilaahi Jub Bahe Aankhe Hisaab-e-Jurm Me
Un Tabassum rez-e-honto ki Dua ka Saath Ho

Ya Ilaahi Jub Hisaabe Khanda-e-Bejaa Rulaaye
Chashme Giryaane Shafi-e-Murtaja Ka Saath Ho

Ya Ilaahi Rang Laayi Jab Meri Be Haaqiyah
Unki Neechi Neechi Nazro Ki Hayaa Ka Saatho Ho

Ya Ilaahi Jub Chalo Tareekh Raahe Pul Siraate
Aftaab-e-Haashmi Noorul Huda Ka Saath Ho

Ya Ilaahi Jub Sare Shamsheer Par Chalna Pare
Rabbe Sallim Kehne Waale Ghamzudah Ka Saath Ho

Ya Ilaahi Jo Dua’e Nek Hum Tujhe Se Kare
Qudsiyo Ke Lub Se Aameen Rab’bana Ka Saath Ho

Ya Ilaahi Jub Raza Khaab-e-Giraa Se Sar Uthaa’e
Daulat-e-Bedaar Ishk-e-Mustafa Ka Saath Ho

Ya Ilaahi Le Chale Jub Dafan Karne Qabar Me
Ghause-e-Azam Peshwa’e Awliya Ka Saath Ho

Pul Se Utaro Rah Guzar Ko Khabhar Na Ho Lyrics
Jibreel Par Bichaae To Par Ko Khabhar Na Ho

Kaantaa Mere Jighar Sat Gham e Rozgaar Ko
Yoon Kheench Leejie Ke Jighar Ko Khabhar Na Ho

Faryaad Ummate Jo kare Haal e Zaar Mein
Mumkin Nahin Ke Khair e Bashar Ko Khabhar Na Ho

Kehte The Yeh Buraaq Se Uske Sabaq Ravee
Yoon Jaie Ke Ghard e Safar Ko Khabhar Na Ho

Farmaate Hen Yeh Dono Hen Sardaar e Do jahaa
E Murtazaa! Ateeq o Umar Ko Khabhar Na Ho

Esa Ghumaa De Un Ke Vilaa Mein Khuda Humein
Dhoondhaa Kare Par Apne Khabhar Ko Khabhar Na Ho

Aa Dil! Haram Ko Rokne Waalon Se Chup ke Aaj
Yoon Uth Chale Ke Pehlo Wabar Ko Khabhar Na Ho

Teer e Haram Hen Yeh Kaheen Rishta Bapaa Na Ho
Yoon Dekhiyeh Ke Taare Nazar Ko Khabhar Na Ho

E Khaar e Taibah! Dekh Ke Daaman Na Bheekh Jae
Yoon Dil Mein Aa Ke Deedah e Tar Ko Khabhar Na Ho

E Shauq e Dil! Yeh Sajdah Ghar Un Ko Ravaa Nahin
Acha! Woh Sajda Ke Jie Sar Ko Khabhar Na Ho

Un ke Sivaa RAZA Koe Haame Nahin Jahaa
Ghuzra Kare Pisar Pe Pidar Ko Khabhar Na Ho

Hajiyo Aao Shahenshah ka Roza Dekho
Kaba to dekh chuke Kabe ka Kaba dekho

Rukn e Shami se miti wah’shate shame ghurbat
Ab Madine ko chalo subhe dil aaraa dekho

Aabe Zam-Zam to piyaa khub bujha-e piyase
Aao jude Shahe Kowsar ka bi darya dekho

Zayre Mizaab mile khoob Karamke cheente
Abre Rahmat ka yaha zowr barasnaa dekho

Dhum dekhi hai dare kaba pe betaabo ki
unke mushtako me hasrat ka tadapna dekho

misle parwana phiri karte the jis sham’a ke gird
apni us sham’a ko parwana yaha ka dekho

Khub ankho se lagaya he Gilaafe Kaba
Qasre Mahbub ke parde ka bhi jalwa dekho

Wan mutiyo ka jigar khauf se pani paya
yan siyahkaro ka daman pe machalna dekho

Awwali khana e haq ki to ziyaye dekhi
aakhri bait e nabi ka bhi tajalla dekho

aymane tur ka tha rukne yamani me farog
shola e tur yaha anjuman-ara dekho

mehre madar ka maza deti hai aagosh e hateem
jin pe maa bap fida yan karam unka dekho

Arz E Haajat Me Raha Ka’aba Kafeel E Injaah
Aao Ab Dad-Rasi E Shahe Taibah Dekho

Dho chuka zulmate dil bosa-e Sunge Aswad
Khaak bosi-e-Madina ka bhi Rutba dekho

Kar chuki rif’ate kaba pe nazar par-vaze
topi ab tham ke khaq e dar e wala dekho

be-niyazi se waha kapti payi ta’at
joshe rehmat pe yaha naz gunah ka dekho

Juma E Makka Tha Ird Ahle Ibadat Ke Liye
Mujrimo! Aao Yaha Ird E Doshamba Dekho

Multazim se to gale lag ke nikale armaan
adab o shouq ka yaha baham ulajhna dekho

Khoob mas’a me b-ummide safa daud liye
rahe janan ki safaka bhi tamasha dekho

Raqs E Bismil Ki Bahare To Mina Me Dekhi
Dil E Khu-Naba Fisha Ka Bhi Tadapna Dekho

Zinate Kaba me tha lakh arooso ka banaw
Jalwa farma yaha kownain ka doolha dekho

Gowr se sun to Raza Kaaba se aati he sadaa
Meri ankho se mere Piyare ka Roza dekho

Yaad me jiski nahi hoshe tano jaan hum ko
Phir dikhade woh rukh aye mehre faroza hum ko

Der se aap mein aana nahi milta hain humein
Kya hi khud-rafta kiya jalwaye janaan hum ko

Jis tabassum ne gulistaan pe girayi bijli
Phir dikhade woh adaaye gule khandan hum ko

Jab se aankhon me samayi hai Madine ke bahaar
Nazar aate hain khazaan deeda gulistaan hum ko

Kaash aaweezaye kindeele Madina ho woh dil
Jis ki sozish ne kiya rashke charaaga hum ko

Arsh jis khoobiye raftaar ka paamaal hua
Do qadam chal ke dikha sarve khiraamaan hum ko

Shamaye Taiba se main parwana rahoon kab tak door
Haan jala de sha-rare aatishe pinha! hum ko

Khauf hai sam’a kharashiye sage Taiba ka
Warna kya yaad nahin naa-la o afgaan hum ko

Khaak ho jaayen dare paak pe hasrat mit jaaye
Ya Ilahi na fira be saro saamaan hum ko

Khaare sahraaye Madina na nikal jaaye kahin
Wahshate dil na fira koho bayaabaan hum ko

Tang aaye hain do aalam teri betaabi se
Chain lene de tape seenaye sozaan hum ko

Paaun girbaal huye raahe Madina na mili
Aye junoon! Ab to mile rukhsate zindaan hum ko

Mere har zakhme jigar se ye nikalti hai sada
Aye Maleehe Arabi! Karde namakdaan hum ko

Saire gulshan se aseerane qafas ko kya kaam
Na de takleefe chaman bulbule bustaan hum ko

Gar labe paak se iqraare shafa’at ho jaaye
Yun na bechain rakhe joshishe isyaan hum ko

Nayyare hashr ne ik aag laga rakhi hai!
Tez hai dhoop mile saaya e daamaan hum ko

Reham farmaiye ya Shah ki ab taab nahin
Tabake khoon rulaye ghame hijraan hum ko

Chaake daamaan mein na thak jaaiyo aye daste junoon
Purze karna hai abhi jebon gharibaan hum ko

Parda us chehraye anwar se utha kar ik baar
Apna aaina bana aye mahe taabaan hum ko

Aye Raza wasfe rukhe paak sunane ke liye
Nazr dete hain chaman! murge ghazal khwaan hum ko

Zamana Haj ka hai jalwa diya hai shahide gul ko
Ilahi taaqate parwaaz de parhaye bulbul ko

Bahare aayi joban par ghira hai abr rehmat ka
Labe mushtaaq bheege(n) de ijazat saaqiya mul ko

Mile lab se woh mushqee(n) mohr wali dam mein dam aaye
Tapak sun kar qume Isaa kahu masti mein qulqul ko

Machal jaau sawaale mudda’aa par thaam kar daaman
Behekne ka bahana paau qasde be ta-ammul ko

Dua kar bakhte khufta jaag hungame ijaabat hai
Hataya subhe rukh se shah ne shab-haaye kaakul ko

Zabane falsafi se amn kharqo iltiyaam asara
Panahe daure rehmat haaye yak saa-at tasalsul ko

Do shamba Mustafa ka Jum’aye aadam se behtar hai
Sikhana kya lihaaze haisiyat khoo e ta’ammul ko

Wufoore shaane rehmat ke sabab jur’at hai aye pyare
Na rakh bahare khuda sharminda arze be ta-ammul ko

Pareshani mein naam unka dile sad chaak se nikla
Ijaabat shana karne aayi gesuye tawassul ko

RAZA nuh sabzaye gardoo(n) hain kotal jiske maukib ke
Koi kya likh sake uski sawari ke tajammul ko

Chamane Taiba mein sumbul jo sawaare gesu
Hoor badh kar shikane naaz pe waare gesu

Ki jo baalon se tere Rauze ki jaaroob kashi
Shab ko shabnam ne tabarruk ko hain dhaare gesu

Hum siyah kaaron pe Ya Rab tapishe mahshar mein
Saaya afgan hon tere pyare ke pyare gesu

Charche hooron mein hain dekho to zara baale burraq
Sumbule khuld ke qurban utare gesu

Aakhire Hajj ghame ummat mein paresha(n) ho kar
Teerah bakhton ki shafa’at ko sidhare gesu

Gosh tak sunte the fariyad ab aaye taa dosh
Ki bane khana badoshon ko sahare gesu

Sukhe dhano(n) pe humare bhi karam ho jaaye
Chaye rehmat ki ghata ban ke tumhare gesu

Ka’baye Jaa(n) ko pinhaya hai gilafe mushkee(n)
Udh ke aaye hain jo abr pe tumhare gesu

Silsila paa ke shafa’at ka jhuke padte hain
Sajdaye shukr ke karte hain ishare gesu

Mushk boo koocha ye kis phool ka jhada un se
Hooriyo ambare saara huye saare gesu

Dekho Qur’an me shabe Qadr hai ta matlaye fajr
Ya’ni nazdeek hain aariz ke woh pyare gesu

Bheeni khushboo se mahak jaati hain galiya(a) wallah
Kaise phoolo mein basaye hain tumhare gesu

Shaane rehmat hai ki shaana na juda ho dam bhar
Seena chaakon pe kuch is darja hain pyare gesu

Shaana hai panjaye qudrat tere baalon ke liye
Kaise haathon ne shaha tere saware gesu

Uhade paak ki choti se ulajh le shab bhar
Subah hone do shabe eid ne haare gesu

Muzda ho qibla se ghanghor ghatayen umdee
Abroo(on) par woh jhuke jhoom ke baare gesu

Taare sheerazaye majmuaye kaunain hain yeh
Haal khul jaaye jo ik dum hon kanare gesu

Tel ki boonde tapakti nahi baalon se Raza
Subhe aariz pe lutate hain sitare gesu

Zairo paas-e-adab rakhho hawas jaane do
Aankhein andhi huwi hain unnko taras jaane do

Sookhi jaati hay ummeed-e-gurba ki kheti
Boondiya lakka-e-rehmat ki barras jaane do

Palti aati hay abhi wajd mein jaane sheereen
Naghma-e-qum ka zara kaano mein ras jaane do

Hum bhi chaltay hay zara kaafile waalo thehro
Gathriyaan tosh-e-ummeed ki kas jaane do

Deed-e-gul aur bhi karti hay qiyamat dil par
Hum-safeero humein phir sue qafas jaane do

Aatish-e-dil bhi to bharkaawo adab waa(n) naalo
Kaun kehta hay ki tum zabte nafs jaane do

yoon tane zaar key dar pe huwe dil key sho’lo
Shewa-e-khaanah bar andaziye khas jaane do

Aay RAZA aah ki yoon sahl katein jurm key saal
Do ghari ki bhi ibadat to baras jaane do

Bartar Qayaas se hai maqaame Abul Hussain
Sidra se poocho rif’ate baame Abul Hussain

Wa rasta paaye bastaye daame Abul Hussain
Aazaad naar se hai Ghulame Abul Hussain

khatte siyah mein Noore Ilahi ki taabishe(n)
Kya subhe noorbaar hai shaame Abul Hussain

Saaqi suna de Sheeshaye Baghdad ki tapak
mehki hai booye gul se mudaame Abul Hussain

Booye kabaabe sokhta aati hai mai-kasho
Chalka sharaabe chisht se jaame Abul Hussain

Gulgoon sahar ko hai sa-hare soze dil se aankh
Sultane Soharward hai naame Abul Hussain

Kursi nasheen hai naqshe muraad unke faiz se
Maulaye Naqshband hai naame Abul Hussain

Jis nakhle paak mein hain chiyalees daaliyaa(n)
Is shaakh un mein se hai banaame Abul Hussain

Masto(n) ko aye Kareem bachaye khumaar se
Ta daur hashr dauraye jaame Abul Hussain

Un ke bhale se laakhon gareebon ka hai bhala
Ya Rab zamaana-baad bakaame Abul Hussain

Mela laga hai shaane Maseeha ki deed hai
Murde jilaa raha hai khiraame Abul Hussain

Sar gashta mehro mah hain par ab tak khula nahi
kis charkh par hai maahe tamaame Abul Hussain

Itna pata mila hai ke yeh charkh chambaree
hai haft paaya zeenaye baame Abul Hussain

Zarre ko mehr, qatre ko dariya kare abhi
gar josh zan ho bakhshishe aame abul Hussain

Yahya ka sadqa waarise iqbaal mand paaye
Sajjaadaye Shuyookhe kiraame Abul Hussain

Inaam lein bahaare jinaa tehniyat likhen
phoole phale tu nakhle maraame Abul Hussain

Allah hum bhi dekh lein Shehzaade ki bahaar
Soonghe gule muraad mashaame Abul Hussain

Aaqa se mere Suthre Miyan ka hua hai naam
Is achche suthre se rahe naame Abul Hussain

Ya Rab woh chaand jo falake ‘izzo jaah par
Har sair mein ho gaam ba gaame Abul Hussain

Aao tumhe hilaale sipahre sharaf dikhayen
Gardan jhukayen bahre salaame Abul Hussain

Qudrat khuda ki hai ke talaatum qanaa(n) uthi
Bahre fanaa se mauje dawaame Abul Hussain

Ya Rab hume bhi chashni us apni yaad ki
jis se hai shakkari(n) labo kaame Abul Hussain

Haan taaleye Raza teri Allah re yawari
Aye bandaye judoode kiraame Abul Hussain

Wasfe rukh unka kiya karte hain sharh e wash shams o dhuha karte hain
Unki hum maddh o thana karte hain jinko Mahmood kaha karte hain

Maahe shaq gashta ki soorat dekho kaamp kar mehr ki raj’at dekho
Mustafa pyaare ki qudrat dekho kaise ayjaz hua karte hain

Tu hay khursheed e risalat pyare chup gaye teri ziya main taare
Ambiya aur hay sab mah paare tujhse hi noor liya karte hain

Ay balaa be khirdi e kuffar rakhte hain aise key haq main inkaar
Ke gawahi ho gar usko darkaar be zabaan bol utha karte hain

Apne Maula ki hay has shaan e azeem jaanwar bhi kare jinki ta’zeem
Sang karte hain adab sey tasleem per sajde me gira karte hain

Rif’ate zikr hay tera hissa dono ‘aalam me hay tera charcha
Murgh e firdous pas az hamde Khuda teri hi madh o thana karte hain

Ungliyaan paayi wo pyaari pyaari jinse dariya e karam hay jaari
Josh par aati hay jab ghamkhwari tishn e sairaab huwa karte hain

Haan yahi karti hain chirriyan fariyaad haan yahin chaahti hay hirni daad
Isi dar par shutraan e naashaad gil e ranjo ‘anaa karte hain

Aasteen rehmat e ‘aalam ulte kamare paak pe daaman baandhe
Girne waalo ko kucha e dohzakh sey saaf alag kheench liya karte hain

Jab sabaa aati hay Taibah sey idhar khilkhila parrti hay kaliyan yaksar
Phool jaamah sey nikal kar baahar rukhe rangeen ki thana karte hain

Tu hay woh badshah e kouno makaan ki malake haft falak key har aan
Tere Maula sey shah e arsh ‘aywan teri daulat ki dua karte hain

Jiske jalwe sey uhud haytaabaan ma’dane noor hay uska daamaan
Hum bhi us chaand pe ho kar qurbaan dil e sangi ki jila karte hain

Kyo na zeba ho tujhse taajwari tere hi dam ki hay sab jalwa gari
Malak o jinn o bashar hoor o pari jaan sab tujh pe fida karte hain

Toot parrti hain balayein jin par, jinko milta nahin koi yaavar
Har taraf sey wo pur armaan phir kar unke daaman mein chupa karte hain

Lab par aa jaata hay naam e janaab muh me ghul jaata hay shahde naayaab
Wajd me ho key hum ay jaan betaab apne lab choom liya karte hain

Lab pe kis muh sey ghum e ulfat layen kya balaa dil hay alam jiska sunayein
Hum to unke kafe paa par mit jaye unke dar par jo mita karte hain

Apne dil ka hay unhi sey aaram sompe hay apne unhi ko sab kaam
Lou lagi hay key ab us dar key ghulaam chaara e dard e Raza karte hain

Rukh Din Hai Ya Mehre Sama, Ye Bhi Nahi Wo Bhi Nahi
Shab Zulf Ya Mushke Khuta, Ye Bhi Nahi Wo Bhi Nahi

Mumkin Me Ye Qudrat Kaha, Wajib Me Abdiyat Kaha
Hairan Hu Ye Bhi Hai Khata, Ye Bhi Nahi Wo Bhi Nahi

Haq Ye Ki Hai Abde Ilah Aur Alam E Imkan Ke Shah
Barzakh Hai Wo Sirre Khuda, Ye Bhi Nahi Wo Bhi Nahi

Bulbul Ne Ghul Unko Kaha, Kumree Ne Sarve Janfiza
Hairat Ne Jhunjhla Kar Kaha Ye Bhi Nahi Wo Bhi Nahi

Khursheed Tha Kis Zour Par Kya Badh Ke Chamka Tha Qamar
Be-Parda Jab Wo Rukh Hua Ye Bhi Nahi Wo Bhi Nahi

Dar Tha Ki Isyan Ki Saza Ab Hogi Ya Rouze Jaza
Dee Unki Rehmat Ne Sada Ye Bhi Nahi Wo Bhi Nahi

Koyi Hai Nazo Zuhad Par Ya Husne Tauba Hai Sipar
Yan Hai Faqat Teri Ata Ye Bhi Nahi Wo Bhi Nahi

Din Lahv Me Khona Tujhe, Shab Subha Tak Sona Tujhe
Sharme Nabi Khaufe Khuda Ye Bhi Nahi Wo Bhi Nahi

Rizq E Khuda Khaya Kiya, Farman E Haq Tala Kiya
Shukre Karam Tarse Saza Ye Bhi Nahi Wo Bhi Nahi

Hai Bulbule Rangi Raza Ya Tutiye Nagma Sara
Haq Yeh Ki Wasif Hai Tera Ye Bhi Nahi Wo Bhi Nahi

Woh Kamal e Husn e Huzoor Hai Ki Guman e Naqs Jahan Nahi
Kay Gumaan-e-Naqs Jahaan Naheen
Yay-hee Phool Khaar Say Duur Hay
Yay-hee Sham’a Hai Kay Dhu-aan Naheen

Do Jahan Ki Behtariyan Nahi
Ke Amaniye Dilo Jaan Nahi
Kaho Kya Hain Wo Jo Yaha Nahi
Magar Ik Nahi Ki Wo Haan Nahi

BaKhuda Khuda Ka Yay-hee Hay Darr
Nahin Aur Koi Maffar Maqqar
Joe Wahaan Say Ho Yaheen Aakay Ho
Joe Yahaan Naheen Tou Wahan Naheen

Main Nisaar Tere Kalaam Par
Mili Yun To Kisi Ko Zabaan Nahi
Wo Sikhan Hai Jisme Sukhan Na Ho
wo Bayaan Hain Jiska Bayaan Nahi

Hain Unhi Ke Noor Se Sab Ayaan
Hain Unhi Ke Jalwo Me Sab Nihaan
Bane Subha Taabishe Mehar Se Rahe
Peshe Mehar Yeh Jaan Nahi

Wahi Noor E Haq Wahi Jille Rab
Hain Unhi Se Sab Hain Unhi Ka Sab
Nahi Unki Milk Mein Aasmaan
Ki Jameen Nahi Ki Jamaan Nahi

Teyray Aagay Youn Hayn Dabbay Lachay
Fu-saha A’rab Kay Barray Barray
Ko-ee Jaanay Muh Mayn Zubaan Naheen
Naheen Balkay Jism Mein Jaan Naheen

Wo-hee Noor-e-Haq Wo-hee Zillay Rub
Hai Unhee Say Sub Hai Unhee Ka Sub
Naheen Unkee Milk Meyn Aasmaan
Ke Zameen Nahin Ke Zamaan Naheen

Wo-hee Laa Makaan Kay Makeen Huay
Sar-e-‘Arsh Takht Nasheen Huay
Wo Nabee Hai Jiss Kay Hain Yay Makaan
Wo Khuda Hai Jiss Ka Makaan Naheen

Sar-e-‘Arsh Per Hai Teree Guzar
Dil-e-Farsh Per Hai Teree Nazar
Malakoot-o-Mulk Mayn Ko-ee Shay
Naheen Wo Tujh Pay A’yaan Naheen

Karoon Teray Naam Pay Jaan Fida
Na Buss Aik Jaan Dou Jahaan Fida
Dou Jahaan Say Bhee Naheen Jee Bharaa
Karoon Kiya Karoroon Jahaan Naheen

Karoon Madhay Ahle-e-Doel Raza
Parray Iss Bala Meyn Meyree Balaa
Meyn Gada Hoon Apnay Kareem Ka
Meyra Deen Paara-e-Naan Naheen

Raah-e-irfan sey jo hum naa deedah ru mahram nahin
Mustafa hay masnad-e-irshad par kuch gham nahin

Hoon musalman garchey naqis hi sahi aay kamilo
Mahiyat pani ki akhir yam sey nam mein kam nahin

Ghunchey maa awha key jo chatkey dana key bagh mein
Bulbul-e-sidrah tak un ki bu sey bhi mahram nahin

Us mein zam-zam hay key tham-tham is mein jam-jam hay key beesh
Kasrat-e-kawsar mein zam-zam kee tarah kam-kam nahin

Panjah-e-mihr-e-arab hay jis sey darya bah gaye
Chashmah-e-khurshid mein to naam ko bhi nam nahin

Aysa ummi kis liye minnat kash-e-ustaad ho
Kya kifaayat is ko iqra’a rabbuka’l akram nahin

Aws mihr-e-hashr par par jaye pyaso to sahee
Us gul-e-khandan ka rona giryah-e-shabnam nahin

Hay unhin key dam qadam ki bagh-e-aalam mein bahar
Woh na thay aalam na tha gar woh na hon aalam nahin

Saayah-e-diwar-o-khaak-e-dar ho Yaa Rab aur RAZA
Khwahish-e-dayhim-e-qaysar shawq-e-takht-e-jam nahin

Hay lab-e-Isaa sey jaan bakhshi niraali haath mein
Sang reze paate hain sheerin maqaali haath mein

Be nawaon ki nigaahein hain kahaan tehreer-e-dast
Reh gayien jo paa key jood-e-laa yazaali haath mein

Kya lakiron mein yadullah khat sar-o-aasa likhaa
Raah yoon is raaz likhne ki nikaali haath mein

Jood shahe Kausar apne pyason ka joya hay aap
Kya ajab ur kar jo aap aaye piyaali haath mein

Abr nisyaan momino ko taigh uriyaan kufr par
Jam’a hain shaan-e-jamaali-o-jalaali haath mein

Maalik-e-kaunain hain go pass kuch rakhte nahin
Do jahan ki nematein hain un key khaali haath mein

Saaya afgan sar pe ho parcham Ilaahi jhoom kar
Jab liwaul-hamd le ummat ka waali haath mein

Har khate kaf hay yahaan aay dasht-e-baizaaye kaleem
Mojzan daryaae noor-e-be misaali haath mein

Wo giraan sangi qadr-e-mas wo arzaani jood
Nauiya badla kiye sang walaali haath mein

Dastageere har do aalam kar diya sibtain ko
Aay main qurbaan jaan-e-jaan angusht kya lee haath mein

Aah wo aalam key aankhein band aur lab par durood
Waqf sang-e-dar jabeen rauza ki jaali haath mein

Jis ne bai’at ki bahaar-e-hassan par qurbaan raha
Hay lakeerein naqsh-e-taskheer-e-jamaali haath mein

Kaash ho jaaun lab-e-Kausar mein yoon waa rafta hosh
Le kar us jaan-e-karam ka zel aali haath mein

Aankh mehwe jalwa-e-deedaar-e-dil pur josh-e-wajd
Lab pe shukr-e-bakhshish saaqi pyaali haath mein

Hashr mein kya kya mazey waaraftagi key loon RAZA
Laut jaaun paa key wo daamane aali haath mein

Unki Mahek Ne Dil Ke Ghunche Khila Diye Hain
Jis Raah Chal Diye Hain Kooche Basa Diye Hain

Ik Dil Hamara Kya Hai Aazaar Uska Kitna
Tum Ne to Chalte Phirte Murde Jila Diye Hain

Unke Nisar Koi Kaise Hi Runj Mein Ho
Jab Yaad Aa Gee Hain Sab Gham Bhula Diye Hain

Asra Mein Guzre Jis Dam Bere Pe Qudsiyon Ke
Hone Lagi Salaami Parchum Jhuka Diye Hain

Jab Aa Gein Hai Josh E Rehmat Pe Unki Ankhen
Jalte Bujha Diye Hain Rote Hansa Diye Hain

Mere Karim Se Gar Qatra Kisi Ne Maanga
Dariya Baha Diye Hain Durbe Baha Diye Hain

Allah Re Kya Jahannam Ab Bhi Na Sard Hoga
Ro Ro Ke Mustafa Ne Dariya Baha Diye Hain

Mulk E Sukhn Ki Shahi Tum Ko Raza Musallam
Jis Simt Aa Gee Hain Sikke Bitha Diye Hain

Hum Se Faqir Bhi Ab Pheri Ko Uthte Honge
Ab to Ghani Ke Dar Par Bistar Jama Diye Hain

Aane Do Ya Dubo Do Ab to Tumhari Janib
Kashti Tum Hi Pe Chori Langar Utha Diye Hain

Dulha Se Itna Kehdo Pyare Sawari Roko
Mushkil Mein Hain Baraati Purkhar Laa Diye Hain

Woh Suey La Lazaar Phirte Hain
Tere Din Ay Nahar Phirte Hain

Jo Tere Dar Se Yar Phirte Hain
Dar-Ba-Dar Yu Hi Khaar Phirte Hain

Phool Kya Dekhu Meri Aankhon Mein
Dashte Taibah Ke Khaar Phirte Hain

Jaan Hain Jaan Kya Nazar Aaye,
Kyu Adu Gird-E-Gaar Phirte Hain

Unke Ima Pe Dono Bagho Par,
Khaile Lailo Nahar Phirte Hain

Wardiya Bolte Hain Har Kaare
Pehra Dete Suvaar Phirte Hain

Laakhon Qudsi Hain Kaam-E-Khidmat Par
Laakhon Girde Mazaar Phirte Hain

Har Charag-E-Mazaar Par Qudsi
Kaise Parwa-Navar Phirte Hain

Baaye Raste Na Ja Musafir Sun
Maal Hain Rahbaar Phirte Hain

Jaag Sunsaan Ban Hai Raat Aayi
Gurg Behre Shikaar Phirte Hain

Rakhiye Jaise Hain Khanazad Hain Hum
Mol Ke Aibdaar Phirte Hain

Us Gali Ka Gada Hu Main Jisme
Maangte Taajdaar Phirte Hain

Haye Gafil Wo Kya Jagah Hain Jaha
Paanch Jaate Hain Chaar Phirte Hain

Koyi Kyu Pooche Teri Baat Raza
Tujhse Kutte Hazaar Phirte Hain

Ahle Siraat Rooh e Ameen Ko Khabar Karen
Jaati Hai Ummate Nabavi Farsh Parr Karen

Inn Fitanhaye Hashr Se Kahdo Hazar Karen
Naazo Ke Paale Aate Hai Rah Se Guzar Karen

Badd Hai To Aapke Hai Bhale Hai To Aapke
Tukdo Se To Yahan Ke Pale Rukh Kidhar Karen

Sarkaar Hum Kameeno Ke Atvaar Par Na Jaye
Aaqa Huzoor Apne Karam Par Nazar Karen

Unki Haram Ke Khaar Kashida Hai Kis Liye
Aankho Me Aaye Sar Pe Rahe Dil Me Ghar Karen

Jaalo Pe Jaal Padd Gaye Lillah Waqt Hai
Mushkil Kushayi Aap ke Nakhun Agar Karen

Manzil Kadee Hai Shane Tabassum Karam Kare
Taaron Ki Chaanv Noor Ke Tadke Safar Karen

Kilke Raza Hai Khanjare Khu-Khwar Barq-baar
A’ada Se Kehdo Khair Manaye Na Shar Karen

Yaad mein jis ki nahi hosh e tan o jaa(n) hum ko
Phir dikha day woh rukh ae mohar faroza(n)! Hum ko

Der se aap mein aana nahi milta hai hamein
Kya hi khud rafta kya jalwa e janaa(n)! Hum ko

Jis tbssm ne gulisitan pay girayi bijli
Phir dikha day woh adaye gul e khanda(n) hum ko

Kash aaweza e qandil e madinah ho woh dil
Jis ki soozish ne kya rashke cheragha(n) hum ko

Arsh jis khoobi raftaar ka pamaal huwa
Do qadam chal ke dikha saro kharama(n)! Hum ko

Shama tayyiba se mein parwana rahon kab taq door
Haan jala day sharer aatish panha(n)! Hum ko

Khauf hai sama kharashi sagh tayyiba ka
Warna kya yaad nahi naala o afgha(n) hum ko

Khaak ho jaien dar e pak pay hasrat mِt jaye
Yaa ilahi nah phira be sir o sama(n) hum ko

Khaar sehraye madinah nah nikal jaye kahin
Wehshat dil nah phira koh o byaba(n) hum ko

Tang aeye hain do aalam tri betabi se
Chain lainay day tapay seena e sozaa(n) hum ko

Paao(n) ghirbaa(n) hue raah e madinah nah mili
Ae junoo(n)! Ab to miley rukhsat zanda(n) hum ko

Mere har zakham jigar se yeh nikalti hai sada
Ae malih arabi! Kar day namakdaa(n) hum ko

Sair gulshan se asiiraan qafas ko kya kaam
Nah day takleef chaman bulbul e bastaa(n) hum ko

Jab se aankhon mein samai hai madinah ki bahar
Nazar atay hain khazaa deedaa gulisita(n) hum ko

Gir lab pak se iqraar shafaat ho jaye
Yun nah be chain rakhay joshish e isyaa(n) hum ko

Nayyar hashar ne ik aag laga rakhi hai !
Taez hai dhoop miley saaya e dama(n) hum ko

Reham farmayie ya shah ke ab taab nahi
Taabkey khoon rulay gham e hijra(n) hum ko

Chaak daman mein nah thak jayoo ae dast e junoo(n)
Purze karna hai abhi jaib o gireyba(n) hum ko

Parda uss chehra e anwar se uttha kar ik baar
Apna aaina bana ae meh taba(n) hum ko

Ae raza wasf rukh e pak sunanay ke liye
Nazar dete hain chaman, murgh ghazal khwa(n) hum ko

Phir Ke Gali Gali Tabaah Thokare Sab Ki Khayen Kyoon
Dil Ko Jo Akal De Khuda Teri Gali Se Jayen Kyoon

Rukhsate Qaafila Ka Shor Gashse Hame Uthae Kyoon
Sote Hain Unke Sayen Mein Koyi Hamme Jagaaye Kyoon

Yaade Huzoor Ki Qasam Gaflate Aish He Sitam
Khoob Hai Qaide Ghum Mein Hum Koyee Hamme Chhurae Kyoon

Dekh Ke Hazrate Gani Phel Pare Faqeer Bhi
Chaayi He Ab To Chauni Hashr Hi Aana Jae Kyoon

Jaan He Ishqe Mustafa Roz Fizoo Kare Khuda
Jis Ko Ho Dard Ka Mazaa Naaze Dawa Uthae Kyoon

Woh Jo Nathe To Kuch Natha Woh Jo Naho To Kuch Naho
Jaan Hai Woh Jahan Ki, Jaan Hai To Jahaan Hai

Hai To Raza Nira Sitam Jurm Pe Gar Lajaaye Hum
Koyee Bajaaye Soze Gam Saze Tarab Bajaaye Kyoon

Poochte Kya Ho Arsh Par Yun Gaye Mustafa Ke Yun
Kaif Ke Parr Jaha’n Jale Koyi Bataye Kya Ke Yun

Qasre DaNa Ke Raz Me Aqle To Gum He Jaisi He
Ruhe Qudus Se Poochiye Tum Ne Bhi Kuch Suna Ke Yun

Maine Kaha Ki Jalwa E Asl Me Kis Tarah Gume
Subha Ne Noore Mehr Me Mitt Ke Dikha Diya Ke Yun

Haye Re Zouq E Bekhudi Dil Jo Sambhalne Sa Laga
Chak Ke Mahak Me Phool Ki Gir Ne Lagi Saba Ke Yun

Dil Ko De Nooro Daghe Ishq Phir Mai Fida Do Neem Kar
Mana He Sun Ke Shaqqe Mah Ankho Se Ab Dikha Ke Yun

Dil Ko He Fikr Kis Tarah Murde Jhilate He Huzoor
Ay Mai Fida Laga Kar Ek Thokar Use Bata Ke Yun

Bagh Me Shukre Wasl Tha Hijr Me Hay Hay Ghul
Kam He Unke Zikr Se KHer Wo Yun Hua Ke Yun

Jo Kahe She’aro Pase Shar’a Dono Ka Husn Kyun Kar Aye
La Use Paishe Jalwa E Zam Zame Raza Ke Yun

Rashke Qamar Hun Range Rukhe Aftab Hun
Zarra Tera Jo Aye Shahe Gardoon Janab Hun

Durre Najaf Hoon Gauhare Pake KHunshab Hun
Ya’ni Turabe Reh Guzare Bu Turab Hun

Gar Ankh Hoon To Abr Ki Chashme Purab Hun
Dil Hoon To Barq Ka Dile Pur Iztirab Hun

Khooneen Jigar Hoon Taire Be Asiyan Shaha
Range Paridaye Rukhe Gul Ka Jawab Hun

Be Aslo Be Sabat Hoon Behre Karam Madad
Parwardaye Kanare Sarabo Habab Hun

Ibrat Faza Hai Sharme Gunah Se Mera Sukoot
Goya Labe Khamoshe Lahad Ka Jawab Hun

Kyun Nala Soz Le Karoon Kyun Khoone Dil Piyu
Seekhe Kabab Hoon Na Main Jame Sharab Hun

Dil Basta Be Karar, Jigar Chak, Ashkbar
Guncha Hoon Gul Hoon Barqe Tapan Hoon Sahab Hun

Da’wa Hai Sab Se Teri Shafa’at Pe Beshtar
Daftar Me Asiyon Ke Shaha Intikhab Hun

Maula Duhayi Nazron Se Gir Kar Jala GHunlam
Ashke Muzah Rasidaye Chashme Kabab Hun

Mit Jaye Ye KHundi To Woh Jalwa Kahan Nahin
Darda Me Ap Apni Nazar Ka Hijab Hun

Sadqe Hoon Us Pe Nar Se Dega Jo Makhlasee
Bulbul Nahin Ki Atashe Gul Par Kabab Hun

Qalib Tahee Kiye Hama Agosh Hai Hilal
Aye Shah Saware Taiba! Main Teri Rikab Hun

Kya Kya Hain Tujh Se Naz Tere Kasr Ko Ke Main
Ka’be Ki Jan, Arshe Bari Ka Jawab Hun

Shaha Bujhe Sakar Mere Ashkon Se Ta Na Main
Abe Abas Chakidaye Chashme Kabab Hun

Main To Kahan Hi ChaHun Ke Banda Hoon Shah Ka
Par Lutf Jab Hai Keh Den Agar Woh Janab ‘Hun’

Hasrat Me Khak Bosiye Taiba Ki Aye Raza
Tapka Jo Chashme Mehar Se Woh Khoone Nab Hun

Ishq moola mein ho khoo baar kinar daman
Yakhuda jald kahin aeye bahhar daman

Bah chali aankhh bhi ashkon ki terhan daman par
Ke nahi taar nazar juz do sah taar daman

Ashk barsaun chalay kocha e janaan se naseem
Yakhuda jald kahin niklay bukhar daman

Dil shidun ka yeh huwa daman e ather pay hajhoom
Baidil abad huwa naam dyar e daman

Mushk sa zulff sheh o noor fishan roye huzoor
Allah allah halb e jaib o khaar e daman

Tujh se ae gul mein sitam deedah e dast e hurman
Khalish dil ki kahoon ya gham e khaar daman

Aks afgan hai hilal e lab e sheh jaib nahi
Mohar aariz ki shu’ayen hain nah taar daman

Asshk kehte hain yeh shedai ki ankhen dho kar
Ae adab gard e nazar ho nah gubhar daman

Ae raza aah woh bulbul ke nazar mein jis ki
Jalwa e jaib gul aeye nah bahhar daman

Ariz-E-Shams-O-Qamar Se Bhi Hain Anwar Aeriyan
Arsh Ki Ankhon Ke Tare Hain Woh Khushtar Aeriyan

Ja Baja Partau Figan Hain Asman Par Aeriyan
Din Ko Hain Khursheed Shab Ko Maho Akhtar Aeriyan

Najme Gardoon To Nazar Ate Hain Chote Aur Woh Pau
Arsh Par Phir Kyun Na Hon Mahsoos Lagar Aeriyan

Dab Ke Zere Pa Na Gunjaish Samane Ko Rahi
Ban Gaya Jalwa Kafe Pa Ka Ubhar Ka Aeriyan

Unka Mangta Pau Se Thukra De Woh Duniya Ka Taj
Jis Ki Khatir Mar Gaye Mun’am Agad Kar Aeriyan

Do Qamar, Do Panjaye Khur, Do Sitare, Dus Hilal
Unke Talwe, Panje, Nakhun, Paye Athar Aeriyan

Haye Us Patthar Se Us Seene Ki Qismat Fodiye
Be Takalluf Jis Ke Dil Mein Yun Karen Ghar Aeriyan

Taje Roohul Quds Ke Moti Jise Sajda Karen
Rakhti Hain Wallah Woh Pakeeza Gohar Aeriyan

Ek Thokar Me Uhud Ka Zalzala Jata Raha
Rakhti Hain Kitna Waqar Allahu Akbar Aeriyan

Charkh Par Chadte Hi Chandi Mein Siyahi A Gayi
Kar Chuki Hai Badr Ko Taksal Bahar Aeriyan

Aye “Raza” Toofane Mehshar Ke Talatum Se Na Dar
Shad Ho! Hain Kashtiye Ummat Ko Langar Aeriyan.

Paat woh kuch dhaar ye kuch zaar hum
Ya ilaahi kyun kar utre paar hum

Kis bala ki mai se hain sarshaar hum
Din dhala hote nahi(n) hushiyaar hum

Tum karam se mushtari har aib ke
Jin se na maqboole har bazaar hum

Dushmano(n) ki aankh mein bhi phool tum
Dosto(n) ki bhi nazar mein khaar hum

Lagzishe pa ka sahara ek tum
Girne waale lakho(n) na hanjaar hum

Sadqa apne baazuo ka al madad
Kaise tode(n) ye bute pindaar hum

Dam qadam ki khair aye jaane maseeh
Dar pe laaye hain dile beemar hum

Apni rehmat ki taraf dekhe Huzoor
Jaante hain jaise hain badkaar hum

Apne mehmaano(n) ka sadqa ek boond
Mar mite pyaase idhar Sarkaar hum

Apne kooche se nikala to na do
Hain to had bhar ke khudai khwar hum

Haath uthakar ek tukda aye Kareem
Hain sakhi ke maal mein haqdaar hum

Chandni chatki hai unke noor ki
Aao dekhe(n) saire tooro naar hum

Himmat aye zo’f unke dar par gir ke ho(n)
Be takalluf saayae deewar hum

Ba ata tum shah tum mukhtar tum
Benawa hum zaar hum nachaar hum

Tumne to laakhon ko jaane(n) fer di(n)
Aisa kitna rakhte hain aazaar hum

Apni sattari ka Ya Rab waasta
Ho(n) na ruswa bar sare darbaar hum

Itni arze aakhri keh do koi
Naav tooti aa pade manjdhaar hum

Muh bhi dekha hai kisi ke afw ka
Dekh O isyaa(n) nahi be yaar hum

Main nisaar aisa muslamaa(n) kijiye
Tod daale(n) nafs ka junnaar hum

Kab se failaye hain daaman taige ishq
Ab to paaye(n) zakhm daaman daar hum

Sunniyat se khatke sab ki aankh mein
Phool hokar ban gaye kya khaar hum

Na tuwani ka bhala ho ban gaye
Naqshe paaye taalibaane yaar hum

Dil ke tukde nazre haazir laaye hain
Aye sagaane koochaye dildaar hum

Qismate sauro hira ki hirs hai
Chahte hain dil mein gehra gaar hum

Chashm poshi wa karam shaane shuma
Kaare ma bebaaki wa israar hum

Fasle gul sabza saba masti shabaab
Chchode(n) kis dil se dare khummar hum

Maikada chut-ta hai lillah saaqiya
Ab ke saagar se na ho(n) hoshiyaar hum

Naazishe karte hain aapas mein malak
Hain ghulamane shahe abraar hum

Lutf az khud raftagi Ya Rab naseeb
Ho shaheede jalwaye raftaar hum

Unke aage da’waye hasti Raza
Kya bake jaata hai ye har baar hum

Sar Ta Ba-Qadam Hai Tan E Sultane Zaman Phool
Lab Phool, Dahan Phool, Zakan Phool, Badan Phool

Sadqe Me Tere Baagh To Kya Laye Hai Ban Phool
Iss Guncha E Dil Ko Bhi To Imaa Ho Ki Ban Phool

Tinka Bhi Hamare To Hilaye Nahi Hilta
Tum Chaho To Ho Jaye Abhi Kohe Mehan Phool

WALLAH Jo Mil Jaye Mere Ghul Ka Paseena
Maange Na Kabhi Itr Na Fir Chahe Dulhan Phool

Dil-Basta Wa Khu-Gashta Na Khusbu Na Latafat
Kyo Guncha Kahu Hai Mere AAQA Ka Dehan Phool

Shab Yaad Thi Kin Daanto Ki Shabnam Ki Dam E Subh(A)
Shokhane Bahari Ke Jada-U Hai Kiran Phool

Dandaan O Lab O Zulf O Rukhe Shah Ke Fidayi
Hai Durre Adan La’ale Yaman Mushke Khotan Phool

Bu Hoke Nahi Ho Gaye Taabe Rukhe Shah Me
Lo Ban Gaye Hai Ab To Haseeno Ka Dahan Phool

Ho Baare Gunah Se Na Khazil Doshe Azeeza(N)
Lillah Meri Na’ash Kar Aaye Jane Chaman Phool

Dil Apna Bhi Shaidayi Hai Us Naakhun E Paa Ka
Itna Bhi Mahe Nou Pe Na Ay Charkhe Kuhan Phool

Dil Khol Ke Khu Ro Le Game Aarize Shah Me
Nikle To Kahi Hasrat E Khu-Naaba Shudan Phool

Kya Gaaza Mala Garde Madeena Ka Jo Hai Aaj
Nikhre Hue Joban Me Qiyamat Ki Phaban Phool

Garmi Ye Qiyamat Hai Ki Kaante Hai Zabaa(N) Par
Bulbul Ko Bhi Ay Saaqi E Sahba Wa Laban Phool

Hai Kaun Ki Girya Kare Ya Faatiha Ko Aaye
Bekas Ke Uthaye Teri Rehmat Ke Bharan Phool

Dil Ghum Tujhe Ghere Hai Khuda Tujhko Wo Chamkaye
Suraj Tere Khirman Ko Bane Teri Kiran Phool

Kya Baat Raza Us Chamanistaan E Karam Ki
Zahra Hai Kali Jisme Husain Aur Hasan Phoo