Sacchi Baat Sikhate Yeh Hain
Seedhi Raah Chalate Yeh Hain

Naz E Rooh Me Aasani De
Kalma Yaad Dilate Yeh Hai

Marqad Me Bando Ko Thapak Kar
Meethi Neend Sulaate Yeh Hai

Apne Bharam Se Hum Halko Ka
Palla Bhari Banate Yeh Hai

Laakh Balaye Karoro Dushman
Kon Bachaye Bachate Yeh Hai

Apni Bani Hum Aap Bigare
Kon Banaye Banate Yeh Hai

Thanda Thanda Meetha Meetha
Peete Hum Hai Pilaate Yeh Hai

Sallim Sallim Ki Dhaaras Se
Pul Se Paar Lagate Yeh Hai

Inna Aataina Kal Kauthar
Saari Kasrat Paate Yeh Hai

Unke Haath Me Har Kunji Hai
Maalik e Kul Kehlate Yeh Hai

Bap Jaha Bete Se Bhage
Lutf Waha Farmate Yeh Hai

Maa Jab Iklaute Ko Chhore
Aa Aa Keh Kar Bulate Yeh Hai

Qasr E Daana Tak Kis Ki Rasaai
Jaate Yeh Hai Aate Yeh Hai

Keh Do Raza Se Khush Ho Khush Reh
Muzda Riza Ka Sunaate Yeh Hai

Woh Sarwar E Kishwar E Risalat Jo Arsh Par Jalwa Gar Huye The

Nee Nirale Tarab Ke Saaman Arab Ke Mehman Ke Liye The

Bahar Hai Shadiyan Mubarak Chaman Ko Aabadiyan Mubarak

Malak Falak Apni Apni Le Main Yeh Ghar Ana Dil Ka Bolte The

Wahan Falak Per Yahan Zameen Main Rachi Thi Shaadi Machi Thi Dhoomein

Udhar Se Anwar Haste Aate Idhar Se Naf-Haat Ooth Rahe They

Yeh Joot Padti Thi Unke Rukh Ki Ke Arsh Tak Chandni Thi Chhatki

Woh Raat Kya Jagmaga Rahi Thi Jagah Jagah Nasb Aaine They

Nei Dulhan Ki Phaban Main Kaaba Nikhar Ke Sanwara Sanwar Ke Nikhra

Hajar Key Sadqe Kamar Key Eik Til Main Rang Lakhoon Banao Key They

Nazar Main Dulha Key Pyare Jalwe Hea Se Mehrab Sir Jhukee

Siyah Parde Ke Moun Per Aanchal Tajaliye Zaat E Bahat Se The

Khushi Ke Badal Umand Ke Aee Diloon Ke Taoos Rang Lee

Woh Naghma E Naat Ka Samaan Tha Haram Ko Khud Wajd Aa Rahe The

Yeh Jhooma Mizab E Zar Ka Jhoomer Ke Aa Raha Kaan Per Dhalak Ker

Phuhar Barsi To Moti Jhar Ker Hatim Ki Gaud Mein Bhare They

Dulhan Ki Khushboo Se Mast Kapre Nasim E Gustakh Aanchloon Se

Gilaf E Mushkeen Jo Oord Raha Tha Ghazal Naafe Basaa Rahe The

Pahadiyoon Ka Woh Husn E Taz’ee Woh Oonchi Choti Woh Nazo Tamqeen

Saba Se Sabzah Main Lehrein Aateen Dupatte Dhani Chune Huye The

Naha Ke Nehroon Ne Woh Chamakta Libas Aabe Rawan Ka Pehna

Ki Mauj E Chadiyaan Thi Dhaar Lachka Habab E Tabaan Ke Thal Take The

Purana Purdag Malgaja Tha Utha Diya Farsh Chandni Ka

Hajoom E Tare Nigah Se Kosoon Qadam Qadam Farsh Baadley The

Ghubar Ban Ker Nisaar Jeein Kahan Ab Uss Rah Guzar Ko Peein

Hamare Dil Huriyoon Ki Aankhein Farishtoon Ke Per Jahan Biche The

Khuda Hee De Sabr Jaan E Purgham Dikhaoon Kyun Kar Tujhe Woh A’alam

Jab Unko Jhurmat Main Lake Qudsi Jinaa Ka Dulha Bana Rahe The

Utar Ker Unke Rukh Ka Sadqa Yeh Noor Ka But Raha Tha Bada

Ke Chand Suraj Machal Machal Ker Jabeen Ki Khairat Mangte The

Wohi To Ab Tak Chalak Raha Hai Wohi To Joban Tapak Raha Hai

Nahane Me Jo Gira Tha Pani Katore Taroon Ne Bhar Liye The

Bacha Jo Talwoon Ka Unke Dhouwan Bana Woh Jannat Ka Rang O Roghan

Jinhoon Ne Dulha Ki Pei Utran Woh Phool Gulzar E Noor Ke The

Khabar Yeh Tehweele Maher Ki Thi Ke Rut Sunhani Ghadi Phire Gee

Wahan Ki Poshak Ze-Be Tan Ki Yahan Ka Joda Badha Chuke The

Tajaliy E Haq Ka Sehra Sar Per Salat O Tasleem Ki Nichawar

Do Roya Qudsi Pare Jama Kar Kharhe Salami Ke Waaste The

Jo Hum Bhi Waan Hote Khaq E Gulshan Lipat Ke Qadmoon Se Ley Te Utran

Magar Karein Kiya Naseeb Main To Yeh Namuradi Ke Din Likhe The

Abhi Na Aee The Pusht E Zeen Tak Ke Sir Hui Maghfirat Ki Shallak

Sada Shafa’at Ne Di Mubarak! Gunaah Mastana Jhoomte The

Ajab Na Tha Rakhsh Ka Chamakna Gazal E Dam Khurdasa Bhadakna

Shuaein Bukke Urha Rahi Theen Tadapte Ankhoon Pe Saieqe The

Hujum E Umeed Hai Ghatao Muradein De Kar Inhein Hatao

Adab Ki Baagein Liye Badhao Malaika Me Yeh Ghal Ghale The

Uthi Jo Garde Rahe Munawar Woh Noor Barsa Ke Raaste Bhar

Ghire The Badal Bhare The Jal Thal Umand Ke Jangle Ubal Rahe The

Sitam Kiya Kaisi Mat Kathi Thi Qamar Woh Khak Unke Rah Guzar Ki

Utha Na Lea Ke Milte Milte Ye Daagh Sab Dekhte Mite They

Burraq Ke Naqshe Sum Ke Sadqe Woh Gul Khilee Ke Sare Rastey

Mehakte Gulban Mehakte Gulshan Hare Bhare Lahlaha Rahe The

Namaz E Aqsa Main Tha Yehi Seer Ean Houn Ma’ani E Awwal Akhir

Key Dast Basta Hain Pichey Hazir Jo Salatanat Aage Kar Gee The

Yeh Unki Aamad Ka Dab-Daba Tha Nikhar Her Shaiy Ka Ho Raha Tha

Nujoom O Aflak Jam O Mina Ujalte The Khangaltey They

Naqab Ulte Woh Mehr E Anwar Jalal O Rukhsar Garmiyoon Per

Falak Ko Hebat Se Tap Charhi Thi Tapakte Anjum Ke Aable Tha

Yeh Joshishe Noor Ka Asar Tha Key Aabe Gohar Qamar Qamar Tha

Safaey Rah Se Phisal Phisal Kar Sitare Qadmon Pe Laut’te The

Badha Ye Lehra Ke Behr O Wahdat Key Dhul Gea Naam E Raige Kasrat

Falak Key Teloon Ki Kiya Haqeeqat Yeh Arsh O Kursi Do Bulbule The

Woh Zill E Rehmat Woh Rukh Key Jalwe Ke Taare Chupte Na Khilne Paate

Sunehri Zarbaft Udi Atlas Yeh Than Sab Dhoop Chaoon Ke The

Chala Woh Serve E Chamaan Kharamaa Na Ruk Saka Sidra Se Damaan

Palak Jhapakti Rahi Woh Kab Ke Sab Aeno Aan Se Guzar Chuke The

Jhalak See Eik Qudsiyoon Per Aei Hawwaa Bhi Daman Ki Phir Na Pei

Sawari Dulha Ki Dur Pohnchi Barat Main Hosh Hi Gee The

Thake The Ruhul Amin Key Bazu Chuta Woh Daman Kahan Woh Pehloo

Rikab Chooti Ummeed Tuti Nigah E Hasrat Key Walwaley The

Ravish Ki Garmi Ko Jis Ney Socha Dimag Se Eik Bhabuka Phoota

Khirad Key Jungle Main Phool Chumka Dahar Dahar Ped Jal Rahe The

Jiloo Main Jo Murge A’qal Ure The Ajab Boore Haloon Girte Parte

Woh Sidrah Hee Per’rahe The Thak Kar Charha Dam Tewar Aa Gee The

Qavi They Nurgan E Waham Ke Per Ure To Urdne Ko Aur Dam Bhar

Utha’ee Seene Ki Aisi Thokar Ke Khoone Andesha Th’oo’kte The

Suna Yeh Itne Mein Arsh E Haq Ne Ke Le Mubarak Ho Taaj Waley

Wohi Qadam Khair Se Phir Aee Jo Pehle Taaj E Sharaaf Tere The

Yeh Sunke Be Khud Pukar Utha Nisar Jaoon Kahan Hain Aaqa

Phir Unke Talwoon Ka Paoon Bosa Yeh Meri Aankhon Ke Din Phire The

Jhuka Tha Mujre Ko Arsh E Aala Gire They Sajde Me Bazme Bala

Yeh Aankhein Qadmoon Se Mal Raha Tha Woh Girde Qurbaan Ho Rahe The

Ziyaein Kuch Arsh Per Yeh Aaein Ke Sari Qindileen Jhilmileeen

Huzoor E Khurshid Kya Chamakte Chairagh Moun Apna Dekh Te The

Yehi Sam’an Tha Ke Paike Rehmat Khabar Yeh Lea Ke Chaliye Hazrat

Tumhari Khatir Kushada Hain Woh Jo Kalim Per Band Rastae The

Badh E Muhammad Qaree Ho Ahmed Qareeb Aa Sarwar E Mumajjad

Nisar Jaoon Yeh Kiya Nida Thi Yeh Kiya Samaan Tha Yeh Kiya Maze The

Tabarakallah Shan Teri Tujhi Ko Zaiba Hai Be Niyazi

Kahin To Woh Josh E Lan-Tarani Kaheen Takaze Visal Ke The

Khirad Se Keh Do Ke Sir Jhuka Le Gumaan Se Guzre Guzarne Wale

Pare Hain Yahan Khud Jaihat Ko Laale Kise Batee Kidhar Gee The

Surag Aino Mataa Kahaan Tha Nishan E Kaifo Illa Kahan Tha

Na Koi Rahi Na Koi Sathi Naa Sang E Manzil Naa Merhale The

Udar Se Peham Taqaze Aana Idhar Se Mushkil Qadam Barhana

Jalal O Haibat Ka Saamna Tha Jamalo Rehmat Ubharte The

Barhe To Lekin Jhee-Jhakte Darte Hea Se Jhukte Adab Se Rukte

Jo Qurb Unhi Ki Ravish Pe Rakhte To Lakhoon Manzil Ke Fasile The

Per Unka Barhna To Naam Ko Tha Haqeeq’tan Fail Tha Udhar Ka

Tanazuloon Mein Taraki Afza Dana Tadalla Key Silsile The

Hua Yeh Aakhir Ke Aik Bajra Tamoje Bahrey Hoo Mein Ubhra

Dana Ki Godi Mein Unko Lekar Fana Ke Langar Utha Diye The

Kise Mile Ghat Ka Kinara Kither Se Guzra Kahan Utra

Bhara Jo Misle Nazar Tarara Woh Apni Aankhoon Se Khud Chupe The

Uthe Jo Qasre Dana Ke Parde Koi Khabar Dey To Kiya Khabar De

Wahan To Ja Hee Nahin Duee Ki Na Keh Ke Woh Bhi Na The Are The

Woh Baag Kuch Aisa Rang Lea Ke Guncha O Gul Ka Faraq Uthea

Girah Mein Kal’liyoon Ki Baag Phoole Guloon Ke Takme Lage Hue The

Muhito Markaz Mein Faraq Mushkil Rahe Na Faasil Khutoot E Wasil

Kamaan E Hairat Mein Sir Jhukee Ajeeb Chakar Mein Da’ere The

Hijab Uhne Mein Lakhoon Parde Har Aik Parde Main Lakhon Jalwe

Ajab Ghari Thi Ke Waslo Furqat Janam Ke Bichre Gale Mile The

Zabanein Sukhi Dikha Ke Mojein Tarap Rahi Thien Ke Pani Paein

Bhanwar Ko Yeh Zofe Tashnagi That Ke Halqe Aankhoon Mein Par Gee The

Wohi Hai Awwal Wohi Hai Aakhir Wohi Hai Batin Wohi Hai Zahir

Usi Ke Jalwe Usi Se Milne Usi Se Uski Taraf Gee The

Kaman E Imakan Ke Jhute Nukto Tum Awwal Akhir Ki Phair Mein Ho

Muhit Ki Chal Se To Pucho Kidhar Se Aee Kidhar Gee The

Udhar Se Theen Nazre Shah Namaz’ain Idhar Se Inaam E Khusravi Mein

Salam O Rehmat Ke Haar Gundh Ker Glue E Pur Noor Mein Pare The

Zabaan Ko Intezar Guftan To Gos Ko Hasrat E Shunidan

Yahan Jo Kehna Tha Keh Liya Tha Jo Baat Sun’ni Thi Sun Chuke The

Woh Burj E Batha Ka Mahpara Bahishat Ki Sair Ko Sidhara

Chamak Pe Tha Khuld Ka Sitara Ke Iss Qamar Ke Qadam Gee The

Suroor E Maqdam Ki Roshni Thi Ke Tabishoon Se Mah E Arab Ki

Jina Ke Gulshan The Jhaar Farshi Jo Phool The Sab Kanwal Bane The

Tarab Ki Nazish Ke Haan Lachakiye Adab Woh Bandish Ke Hill Na Sakiye

Yeh Josh E Ziden Tha Keh Pode Kasha Kish E Arah Ke Tale The

Khuda Ki Qudrat Keh Chand Haq Ke Karoroon Manzil Mein Jalwa Kar Ke

Abhi Na Taroon Ki Chaoon Badli Keh Noor Ke Tarke Aa Liye The

Nabi E Rehmat Shafi E Ummat Raza Pe Lillah Ho Ineat

Ise Bhi Unn Khal’atoon Se Hisa Jo Khas Rehmat Ke Waan Bate The

Sana E Sarkar Hai Wazifa Qabool E Sarkar Hai Taman’na

Na Sheari Ki Hawas Na Parwah Radi Thi Kiya Kaise Kafiye The

Bheeni Suhani Subh Me Thandak Jigar Ki Hai
Kaliyaan Khili Dilo Ki Hawa Ye Kidhar Ki Hai

Khubti Huwi Nazar Mei Adaa Kis Sahar Ki Hai
Chubhti Huwi Jigar Mei Sadaa Kis Gajar Ki Hai

Daaley Hari Hari Hai To Baaley Bhari Bhari
Kishte Amal Pari Hai Ye Barish Kidhar Ki Hai

Hum Jaye Aur Qadam Se Lipat Kar Haram Kahey
Sounpa Khuda Ko Ye Azmat Kis Safar Ki Hai

Hum Girdey Kaaba Phirte They Kal Tak Aur Aaj Wooh
Hum Par Nisaar Hai Ye Iradat Kidh’ar Ki Hai

Kalik Jabeen Ki Sajdaaye Dar Se Chudaavogey
Mujh Ko Bhi Le Chalo Ye Tamanna Hajar Ki Hai

Dooba Huwa Hai Shouq Mei Zam Zam Aur Aankh Se
Jhaale Baras Rahey Hai Ye Hasrat Kidhar Ki Hai

Barsa Ke Jaane Walo Pa Ghouhar Karu Nisaar
Abrey Karam Se Arz Ye Mizaabey Zar Ki Hai

Aagooshe Shouq Kholey Hai Jin Ke Liye Hateem
Woh Phir Ke Dekhte Nahi Ye Dhun Kidhar Ki Hai

Haa’n Haa’n Rahey Madina Hai Ghafil Zara Tu Jaag
Wo Paav Rakhne Waley Ye Jaa Chashmo Sar Ki Hai

Waaru Qadam Qadam Pa Kay Har Dam Hai Jaane Nao
Ye Raahey Jaan Fiza Mere Moula Ke Dar Ki Hai

Ghadiya Gini Hai Barso Ke Ye Shubh Ghadi Phiri
Marmar Ke Phir Ye Sil Mere Seene Se Sar Ki Hai

Allaho Akbar Apne Qadam Aur Ye Khaakey Pak
Hasrat Malai’ka Ko Jahaan Waz’ye Sar Ki Hai

Mea’raj Ka Sama Hai Kaha Pahonchey Zae’roo
Kursi Se Onchi Kursi Usi Pak Ghar Ki Hai

Ushhaq Rouza Sajdey Mei Suye Haram Jhukey
Allah Jaanta Hai Ke Niyyat Kidhar Ki Hai

Ye Ghar Ye Dar Hai Uska Jo Ghar Dar Se Paak Hai
Muzhdah Ho Be-Gharo Kay Salaa Achchey Ghar Ki Hai

Mehboobe Rabbe Arsh Hai Is Sabz Qubba Mei
Pahlu Mei Jalwa Gah Ateeqo Umar Ki Hai

Chaye Malaika Hai Lagaatar Hai Durood
Badley Hai Pahrey Badli Mei Barish Durar Ki Hai

Sa’dayn Ka Qiraan Hai Pahluye Maah Mei
Jhurmut Kiye Hai Taarey Tajalli Qamar Ki Hai

Sattar Hazaar Subh Mei Sattar Hazaar Shaam
Yun Bandagiye Zulfo Rukh Aatho Pahar Ki Hai

Jo Ek Baar Aye Dobara Na Ayenge
Rukhsat Hi Bargah Se Bas Is Qadar Ki Hai

Tadpa Karey Badal Ke Phir Aana Kaha Naseeb
Bey Hukm Kab Majaal Parinde Ko Par Ki Hai

Ay Waye Beikasiye Tammana Ke Ab Ummeed
Din Ko Na Shaam Ki Hai Na Shab Ko Sahar Ki Hai

Ye Badliyan Na Ho To Karooron Ki Aas Jaye
Aur Bargaahe Marhamate Aaam Tar Ki Hai

Masoom Ko Hai Umr Mei Sirf Ek Bar Bar
Aasi Padey Rahe To Sila Umr Bhar Ki Hai

Zinda Rahe To Haazriye Baargaah Naseeb
Mar Jaye To Hayaate Abad Aysh Ghar Ki Hai

Moflis Aur Aisey Dar Se Phirey Be-Ghani Huve
Chandi Har Ek Tarah To Yaha Gadiya Gar Ki Hai

Jaana Pe Takiya Khaak Nihali Hai Dil Nihaal
Han Be-Nawa’o Khoob Ye Sorat Guzar Ki Hai

Hai Chatro Takht Saya-E Dewaaro Khaake Dar
Shaho Ko Kab Naseeb Ye Dhaj Karro Far Ki Hai

Iss Paak Ku Mei Khaak Ye Basar Sar-Ba-Khaak Hai
Samjhe Hai Kuch Yahi Jo Haqiqat Basar Ki Hai

Kyo Taajdaaro! Khwaab Mei Dheki Kabi Ye Shai
Jo Aaj Jholiyo Mei Gadhayaane Dar Ki Hai

Jaaru-Kasho Mei Chehre Likhey Hai Mulook Ke
Wo Bhi Kaha Naseeb Faqat Naam Bhar Ki Hai

Taiba Mei Mar Ke Thande Chaley Jaav Aankhey Bandh
Seedhi Sadak Ye Shahre Shafa’t Nagar Ki Hai

Aasi Bhi Hai Chahitey Ye Taiba Hai Zahido!
Makka Nahi Ke Jaanch Jaha Khair O Shar Ki Hai

Shaane Jamaal Taiba Jana Hai Naf’a Mahaz
Wus’at Jalale Makka Mei Soodo Zar Ki Hai

Kaba Hai Beshak Anjum-Aara Dulhan Magar
Saari Bahar Dhulhano Mei Dulha Ke Ghar Ki Hai

Kaba Dhulhan Hai Turbate At-Har Nayi Dulhan
Ye Rashk E Aftaab Wo Gairat Qamar Ki Hai

Dono Bani Sajeeli Aneeli Bani Magar
Jo Pe’ Ke Paas Hai Wo Suhagan Kun’war Ki Hai

Sar Sabze Wasl Ye Hai Siyaa Poshey Hijr Wo
Chamki Dupatto Se Hai Jo Haalat Jigar Ki Hai

Ma Wo Shuma To Kya Ke Khaleel E Jaleel Ko
Kal Dhekna Ki Unse Tamanna Nazar Ki Hai

Apna Sharaf Dua Se Hai Baaki Raha Kabool
Ye Jaane Unke Haath Mei Kunji Asar Ki Hai

Jo Chahey Unse Maang Ki Dono Jahaa’n Ki Khair
Zar Na-Khareeda Ek Kaneez Unke Ghar Ki Hai

Roomi Ghulam Din Habshi Baandiyan Shab’e
Ginti Kaneez Zaado Mei Shaamo Sahar Ki Hai

Itna Ajab Bulandiye Jannat Pe Kisliye
Dekha Nahi Ke Bheek Ye Kis Unchey Ghar Ki Hai

Arshe Bari Pe Kyo Na Ho Firdous Ka Dimaagh
Utri Huvi Shabeeh Tere Baamo Dar Ki Hai

Wo Khuld Jismei Utregi Abrar Ki Baraat
Adna Nichawar Uss Mere Dulha Ke Sar Ki Hai

Amber Zameen Abeer Huwa Mushke-Tar Gubaar
Adna Si Ye Shanaakhat Teri Rahguzar Ki Hai

Sarkaar Hum Gawaro Mei Tarze Adab Kaha
Humko To Bas Tameez Yahi Bheek Bhar Ki Hai

Maangenge Maange Jayenge Muh Maangi Payenge
Sarkar Mei Na Laa Hai Na Hajat Agar Ki Hai

Uff Be-Hayayi’aa Ke Ye Muh Aur Tere Huzoor
Ha Tu Kareem Hai Teri Khu’ Dar Guzar Ki Hai

Tujh Se Chupau Muh To Karu Kiske Saamne
Kya Aur Bhi Kisi Se Tawaqqo Nazar Ki Hai

Jaavu Kaha Pukaru Kisey Kiska Muh Taku
Kia Pursish Aur Ja’ Bhi Sagey Be-Hunar Ki Hai

Baab E At’a To Ye Hai Jo Bahka Idhar Udhar
Kaisi Kharaabi Uss Nagharey Dar-Ba-Dar Ki Hai

Aabad Ek Dar Hai Tera Aur Tere Siwa
Jo Baargah Dekhiye Ghairat Khandar Ki Hai

Lub Wa Hai Aankhey Bandh Hai Phayli Hai Jholiya
Kitne Maaze Ki Bheek Tere Paak Dar Ki Hai

Ghera Andheriyo Ne Duh’ee Hai Chand Ki
Tanha Hu Kaali Raat Hai Manzil Khatar Ki Hai

Kismat Mei Laakh Pech Ho Sau Bal Hazaar Kaj
Ye Saari Ghutthi Ik Teri Seedhi Nazar Ki Hai

Aisi Bandhi Naseeb Khule Mushkiley Khuli
Dono Jaha Mei Dhoom Tumhari Kamar Ki Hai

Jannat Na Dey Na Dey Teri Ruyat Ho Khair Se
Is Ghul Ke Aagey Kisko Hawas Bargho Bar Ki Hai

Sharbat Na Dey Na Dey To Karey Baat Lutf Se
Ye Shahad Ho To Phir Kise Parwa Shakar Ki Hai

Mai Khana-Zaad Kohna Hu Surat Likhi Huwi
Bando Kaneezo Mei Mere Madar Pedar Ki Hai

Mangta Ka Haath Uth-Te Hi Daata Ki Dayn Thi
Doori Qubool O Arz Mei Bas Haath Bhar Ki Hai

Sanki Wo Dekh Baad’e Shafat Ki De Hawa
Ye Aabru Raza Tere Damaan E Tar Ki Hai

Shukr E Khuda Ki Aaj Ghari Us Safar Ki Hai
Jis Par Nisaar Jaan Falaaho Zafar Ki Hai

Garmi Hai Tap Hai Dard Hai Kulfat Safar Ki Hai
Na Shukr Ye To Dekh Azeemat Kidhar Ki Hai

Kis Khaaqe Paak Ki Tu Banee Khaaqe Pa Shifa
Tujhko Kasam Janab E Maseeha Ke Sarr Ki Hai

Aabe Hayaat E Ruh Hai ‘Zarqa’ Ki Boond Boond
Akseer A’azame Mase Dil Khaaq Darr Ki Hai

Humko To Apne Saaye Me Aaram Hi Se Laaye
Heele Bahane Waalo Ko Ye Rah Darr Ki Hai

Lut-te Hai Maare Jaate Hai Yu Hi Suna Kiye
Har Baar Di wo Aman Ki Ghairat Hajar Ki Hai

Wo Dekho Jagmagati Hai Shab Aur Qamar Abhi
Pahro Nahi Ki Bisto Chahrum Safar Ki Hai

Maahe Madina Apni Tajalli Ataa Kare
Ye Dhalti Chandni To Pahar Do Pahar Ki Hai

Mann Zaar-Turbati Wa-J-Bat Lah Shafa’ati
Un Par Durood Jinse Naved In Bashar Ki Hai

Unke Tufail Haj Bhi Khuda Ne Kara Diye
Asl E Muraad Haazri Uss Paak Darr Ki Hai

Ka’abe Ka Naam Tak Na Liya Taibah Hi Kaha
Poocha Tha Humse Jisne Ki Nuhzat Kidhar Ki Hai

Ka’aba Bhi Hai Unhi Ki Tajalli Ka Ayk Zill
Roushan Unhi Se Aks Se Putli Hajar Ki Hai

Hote Kaha Khaleelo Bina Ka’aba Wo Mina
Lau Laak Wale Sahibe Sab Tere Ghar Ki Hai

Maula Ali Ne Vaari Teri Neend Par Namaz
Aur Wo Bhi Asr Sabse Jo A’ala Khatar Ki Hai

Siddeeq Balki Ghaar Me Jaa(n) Uss Pe De Chuke
Aur Hifze Jaa(n) To Jaan Furuze Gurar Ki Hai

Haa(n) Tu Ne Unko Jaan, Unhe Fer Di Namaz
Par Wah To Kar Chuke The Jo Karni Bashar Ki Hai

Sabit Hua Ki Jumla Faraiz Furu’a Hai
Aslul Usool Bandagi Us Taajvar Ki Hai

Shar Khair, Shor Sur, Sharar Dur, Naar Nur
Bushra Ki Baargah Ye Khairul Bashar Ki Hai

Mujrim Bulaye Aaye Hai ‘Jau-k’ Hai Gawah
Phir Radd Ho Kab Ye Shaan Kareemo Ke Darr Ki Hai

Badd Hai Magar Unhi Ke Hai Baaghi Nahi Hai Hum
Najdi Na Aaye Usko Ye Manzil Khatar Ki Hai

Tuf Najdiyat Na Kufr Na Islam Sab Pe Harf
Kafir Idhar Ki Hai Na Udhar Ki Adhar Ki Hai

Haakim Hakeem Daado Dawa De Ye Khuch Na De
Mardood Ye Muraad Kis Aayat Khabar Ki Hai

Shakle Bashar Me Noore Ilahi Agar Na Ho
Kya Kadr Us Khameera E Maao Mad(a)r Ki Hai

Noore Ilahi Kya Hai Muhabbat Habeeb Ki
Jis Dil Me Ye Na Ho Wo Jagah Khufo Khar Ki Hai

Zikre Khuda Jo Unse Juda Chaho Najdiyo
WALLAH Zikre Haq Nahi Kunji Sakar Ki Hai

Be Unke Waaste Ke Khuda Kuch Ataa Kare
Haasha Galat Galat Ye Hawas Be-basar Ki Hai

Maqsood Ye Hai Aadamo Nuuho Khaleel Se
Tukhme Karam Me Saari Karamat Samar Ki Hai

Unki Nubuvvat Unki Ubuvvat Hai Sabko Aam
Ummul Bashar Aroos Unhi Ke Pesar Ki Hai

Zaahir Me Mere Phool Haqeeqat Me Mere Nakhl
Uss Ghul Ki Yaad Me Ye Sadaa Bul Bashar Ki Hai

Pehle Ho Unki Yaad Ki Paaye Jila Namaz
Yeh Kehte Hai Azaan Jo Pichle Pahar Ki Hai

Duniya Mazaar Hashr Jahaan Hai Ghafoor Hai
Har Manzil Apne Chaand Ki Manzil Gafar Ki Hai

Un Par Durood Jinko Hajar Tak Kare Salaam
Un Par Salaam Jinko Tahiyyat Shajar Ki Hai

Un Par Durood Jinko Kase Be-kasa Kahe
Un Par Salaam Jinko Khabar Be-khabar Ki Hai

Jinno Bashar Salaam Ko Haazir Hai Assalam
Yeh Bargah Maalik E Jinno Bashar Ki Hai

Shamso Qamar Salaam Ko Haazir Hai Assalam
Khubi Unhi Ki Jyot Se Shamso Qamar Ki Hai

Sab Bahro Bar Salaam Ko Hazir Hai Assalam
Tamlik Unhi Ke Naam To Har Bahro Bar Ki Hai

Sango Shajar Salaam Ko Haazir Hai Assalam
Kalme Se Tar Zabaan Darakhto Hajar Ki Hai

Arzo Asar Salaam Ko Hazir Hai Assalam
Malja Ye Baargah Dua O Asar Ki Hai

Shorida Sarr Salaam Ko Hazir Hai Assalam
Raahat unhi Ke Qadmo Me Shorida Sarr Ki Hai

Khasta Jigar Salaam Ko Hazir Hai Assalam
Marham Yahi Ki Khaak To Khasta Jigar Ki Hai

Sab Khushko Tar Salaam Ko Hazir Hai Assalam
Ye Jalwa Gaah Maalike Har Khushko Tar Ki Hai

Sab Karro Far Salaam Ko Hazir Hai Assalam
Topi Yahi to Khaaq Pe Har Karro Far Ki Hai

Ahle Nazar Salaam Ko Hazir Hai Assalam
Ye Gard Hi Surma Sab Ahle Nazar Ki Hai

Aansu Baha Ki Beh Gaye Kaale Gunah Ke Dher
Haathi Dubav Jheel Yaha Chashme Tar Ki Hai

Teri Kaza Khaleefa E Ahkaame Zil jalaal
Teri Raza Haleef Kazawo Kadar Ki Hai

Yeh Pyari Pyari Kyari Tere Khaana Baagh Ki
Sard Isko Aabo Taab Se Aatash Safar Ki Hai

Jannat Me Aa Ke Naar Me Jaata Nahi Koi
Shukre Khuda Naweed Najaato Zafar Ki Hai

Mo’min hu Mo’mino Pe Rauf Ur Raheem Ho
Sa-il Hu Sa-ilo Ko Khushi La-Nahar Ki Hai

Daaman Ka Waasta Mujhe Is Dhup Se Bacha
Mujhko To Shaak Jaado Me Us Duphar Ki Hai

Maa Dono Bhai Bete Bhateeje Azeez Dost
Sab Tujhko Soupe Milk Hi Sab Tere Ghar Ki Hai

Jin Jin Muraado Ke Liye Ahbaab Ne Kaha
Peshe Khabeer Kya Mujhe Haajat Khabar Ki Hai

Fazle Khuda Se Ghaib E Shahadat Hua Unhe
Iss Par Shahadat Aayato Wahiyo Asar Ki Hai

Kahna Na Kahne Wale The Jab Se Tu ittela’a
Maula Ko Qoulo Qailo Har Khusko Tar Ki Hai

Unn Par Kitaab Utri Bayaanul Li-Kulli Shay
Tafseel Jisme Abaro Ma Gabar Ki Hai

Aage Rahi Ataa Wo Baqadre Talab To Kya
Aadat Yaha Ummeed Se Bhi Beshtar Ki Hai

Be Maange Dene Wale Ki Ne’amat Me Gark Hai
Maange Se Jo Mile Kise Faham Is Kadar Ki Hai

Ahbaab Iss Se Badh Ke To Shayad Na Paaye Arz
Na Karda Arz Arz Ye Tarze Digar Ki Hai

Dandaa(n) Ki Naat Khwa Hu Na Payab Hogi Aab
Naddi Gale-Gale Mere Aabe Guhar Ki Hai

Dashte Haram Me Rehne De Sayyad Agar Tujhe
Mitti Azeez Bulbule Be-Baalo Par Ki Hai

Ya Rabb Raza Na Ahmade Parina Hoke Jaay
Ye Bargah Tere Habeebe Abarar Ki Hai

Taufeeq De Ki Aage Na Paida Ho Khu-e Badd
Tabdeel Kar Jo Khaslate Badd Peshtar Ki Hai

Aa Kuch Suna De Ishq Ke Bolo(n) Me Ay Raza
Mushtaq Tab-a Lazzate Soze Jigar Ki Hai

Dushman-e Ahmad pe shiddat kijiye
Mulhidon ki kiya murwwat kijiye

Zikr unka chheriye har bat mein
Chherna Shetan ki aadat kijiye

Misle Faras zalzale hon Najd me
Zikr-e Aayaate Wiladat kijiye

Ghaiz me jal jaa yen be Dino ke dil
Ya Rasool Allah ki Kasrat kijiye

Kijiye charcha unhi ka subho sham
Jaane Kaafir par Qayamat kijiye

Shirk thahre jis me tazime Habib
Us bureh mazhab pe lanat kijiye

Zaalimo! Mahboob ka haq tha yahi
Ishq ke badle adawat kijiye

Ghaus-e-Azam aap se faryad he
Zinda phir ye pak Millat kijiye

Mere Aaqa Hazrate Achche Mian
Ho Raza Ac’cha wo Soorat kijiye

Hirz e jaan zikr e shafaat kijiye
Naar se bachne ki surat kijiye

Un ke dar pe jaise hain mit jayiye
Naatuaano kuch to himmat kijiye

Un ke dar par baitiye ban kar faqeer
Benawaao fikr e sarwat kijiye

Jin ka husn Allah ko bhi bha gaya
Aise Pyaare se muhabbat kijiye

Naara kijiye Ya RasoolAllah (salla Llahu ‘alayhi wa sallam) ka
Mufliso saamaan e dolat kijiye

Hum tumhare ho ke kis ke paas jaaye
Sadqa Shehzaado ka rahmat kijiye

Aap Sultaan e jahaan hum benawaa
Yaad hum ko waqt e nemat kijiye

Tujh se kya kya ae mere Taiba ke Chand
Zulmat e ghum ki shikaayat kijiye

Dar badar kab tak phire khasta kharaab
Taiba me madfan inaayat kijiye

Phir palat kar mun na is jaanib kiya
Such hain aur dawa e ulfat kijiye

Uqrabaa hub e watan behimmati
Aah kis kis ki shikaayat kijiye

Ab to Aqa mun dikhane ka nahi
Kis tarha raf e nidaamat kijiye

Kis se kehyiye kya kya kya ho gaya
Khud hi apne par malaamat kijiye

Arz ka bhi ab to mun partaa nahi
Kya ilaaj e dard e furqat kijie

Apni ik meethi nazar ke shehad se
Chaarah e zehr e museebat kijiye

De Khuda himmat ke ye jaan e hazeen
Aap par waari wo surat kijiye

Aap hum se bar kar hum par mehrbaan
Hum kare jurm Aap rahmat kijiye

Jo na bhoola hum ghareebo ko Raza
Yaad us ki apni aadat kijiye

Sunte hain ki mehshar mein sirf unki rasai hai
Gar unki rasaaee hai lo jab to ban aayi hai

Machla hai ki rehmat ne ummeed bandhai hai
Kya baat teri mujrim kya baat banai hai

Sab ne safe mehshar mein lalkaar diya hum ko
Aye bekason ke Aaqa ab teri duhai hai

Yun to sab unhi ka hai par dil ki agar poocho
Yeh toote hue dil hi khaas unki kamai hai

Zaair gaye bhi kab ke din dhalne pe hai pyaare
Uth mere akele chal kya der lagaaee hai

Baazare amal mein toh sauda na bana apna
Sarkar karam tujh mein aibee ki samai hai

Girte huwo ko muzda sajde mein gire Maula
Ro Ro ke shafa’at ki tamheed uthai hai

Aye dil yeh sulagna kya jalna hai to jal bhi uth
Dum ghutne laga zaalim kya dhooni ramai hai

Mujrim ko na sharmao ahbaab kafan dhak do
Muh dekh ke kya hoga parde mein bhalai hai

Ab aap hi sambhalein toh kaam apne sambhal jaayein
Humne to kamai sab khelon mein ganwai hai

Aye ishq tere sadqe jalne se choote saste
Joh aag bujha degi woh aag lagai hai

Hirso hawase bad se dil tu bhi sitam kar le
Tu hi nahi begana dunya hi parai hai

Hum dil jale hain kiske haat fitnon ke parkaale
Kyun foonk du ik uf se kya aag lagai hai

Taiba na sahi Afzal Makkah hi bada zaahid
Hum ishq ke bande hain kyun baat badhai hai

Na ‘arsh e ayman na inni zaahibun mein meyhmaani hay
Na lutf e udun yaa Ahmad naseeb e lan taraani hay

Naseeb e dostaan gar unkey dar par maut aani hay
Khuda yun hi karein phir to humesha zindgaani hay

Ussi dar par tarapatey hain machltey hain bilaktey hain
Uttha jaata nahin kya khoob apni naa tawaani hay

Har eik deewaro dar par mehr ne ki hay jabeen saayi
Nigaar e masjid e aqdas mein kab sone ka paani hay

Terey mangtaa ki khaamoshi shafaa’at khwaah hay us ki
Zabaan e be zabaani tarjumaan e khasta jani hay

Khule kya raaz e ehboob o Muhib mastaane ghaflat par
Sharaab e qad ra’ yal Haq zayb e jaam e man ra aani hay

Jahaan ki khaakroobi ne chaman aaraa kiya tujh ko
Saba hum ne bhi un galiyo ki kuch din khaak chhani hay

Shahaa kya zaat teri Haq numaa hay fard e imkaan mein
Keh tujh sey koi awwal hay na tera koi saani hay

Kahaan us ko shak e jaan e jinaan mein zar ki naqaashi
Iram key taayire rang e pareeda ki nishaani hay

Ziyabun fee thiyabin lab pe kalma dil mein gustakhi
Salaam Islam mulhid ko keh tasleem e zabani hay

Ye aksar saath unke shaana o miswaak ka rehna
Bataataa hay ki dil reshon pein zaaid mehrbaani hay

Isi Sarkaar sey dunia o deen milte hay saail ko
Yahi darbaare ‘aali kanz e aamal o amaani hay

Duroodein soorat e baala moohit e maah e Taybah hein
Barasta ummat e ‘aasi pen ab rahmat ka paani hay

Ta’aala Allah istighna terey dar key gadaaon ka
Keh unko aaar far o shaukat e saahib Qur’ani hay

Woh sar garme shafaa’at hay araq afshaan hay peshani
Karam ka itr sandal ki zameen rehmat ki ghaani hay

Nabi Sarvar-e-har Rasool o vali hai
Nabi razdar-e-Ma’ llah li hai

Vo nami ke nam-e-khuda naam tera
Raoof o Raheem o Aleem o Ali hai

Hai betaab jis ke liye arsh-e-Azam
Vo is rah rave laa makaan ki gali hai

Nakeeren karte hai taazim meri
Fida hoke tuj pe ye izzat mili hai

Talatum hai kashti pe Tufan-e-gam ka
Ye kesi hava-e-Mukhalif chali hai

Na Kyu Kar Kahu ya Habeebi agisni
Isi naam se har musibat tali hai

Saba hai muje sarsar-e-daste Tayba
Isi se kali mere di ki khili hai

Tere chaaron hamdam hai yak jaan yak dil
Abu Bakr Farrok Usmaa ali hai

Khuda ne kiya tuj ko agah sab se
Do Alam mai jo kuchh kafi v jali hai

Tamanna hai farmaiye roz-e-Mehshar
Ye Teri rihaee ki chitthi mili hai

Shafa’at kare Hashr mai jo RAZA ki
Siva tere kis ko ye kudrat mili hai

Soona Jungle Raat Andheri Chayi Badli Kali He
Sone Wale Jagte Rahiyo Choron ki Rakhwali He

Ankh Se Kajal Saf Chura Lain Yan Woh Chor Bala Ke He
Teri Takri Takee He Aur Tu Ne Neend Nikali He

Yeh Jo Tujh ko Bulata He Yeh Thag He Mar Hi Rakhe Ga
Hye Musafir Dam Main na Ana Mat Kaisi Matwali He

Sona Pas He Soona Ban He Sona Zehar He Uth Pyare
Tu Kehta He Meethi Neend He Teri Mat hi Nirali He

Ankhne Mal na Jhunjna Par Na Lakh Jamahi Angrayi
Array Nam Pe Uthne ke Larta He Uthna Bhi kuch Gali He

Jugnoo Chamke Patta Kharke Mujh Tanha Ka Dil Dharke
Dar Samjhaye Koi Pavan He Ya Agiya be Tali He

Badal Garge Bijli Tarke Dhak se Kaleja Ho Jaye
Ban Main Ghata Ki Bhayanak Soorat Kaisi Kali Kali He

Paon Utha Aur Thaukar Khayi Kuch Sambhla Phir Aondhe Mon
Neend ne Phislan Kar Di He Aur Dhortak Khayi Nali He

Sathi Sathi Keh ke Pukaron Sathi Ho Tu Jawab Aye
Phir Jhunjla Kar Sir De Patko Chal Re Mola Wali He

Tum To Chand Arab ke ho Pyare Tum To Ajam Ke Sooraj Ho
Dekho Mujh Bekas Par Sab ne Kaisi Afat Dali He

Shehed Dikhaye Zehar Pilaye Katil Daen Shohar Kush
Iss Murdar Pe Kiya Lalchaya Dunya Dekhi Bhali He

Woh tu Nihayat Sasta Soda Baich Rahe Hen Jannat Ka
Hum Muflis Kiya Moal Chukayen Apna Hath Hi Khali He

Mola Tere Afw-o-Karam Ho Mere Gawah Safayi Ke
Warna Raza se Chor pe Teri Digree Tu Iqbali He

Gunahgaron ko hatif se naweede khush ma’ali hai
Mubarak ho shafa’at ke liye Ahmad sa wali hai

Tera kadde mubarak gulbune rehmat ki dali hai
Ise bo kar tere rab ne bina rehmat ki dali hai

Kaza haq hai magar is shok ka allah wali hai
Jo unki rah mein jaaye wo jaan allah wali hai

Mein ek mohtaj be wak’at gada tere sage dar ka
Teri sarkar wala hai tera darbar aali hai

Tumhari sharm se shane jalal haq tapakti hai
Khame gardan hilale aasmane zuljalali hai

Abu bakro umar usmano hayder jis ke bulbul hein
Tera sarwe saheeh us gulbane khubi ki dali hai

Raza kismat hi khul jaaye jo geelan se khitab aaye
Ke tu adna sage dargahe khuddame ma’ali hai

Andheri Raat Hai Gham Ki Ghata Isyaan Ki Kaali Hai
Dile bekas ka is aafat mein Aaqa tu hi waali hai

Na ho maayoos aati hai sada gore ghareeba(n) se
Nabi ummat ka Haami hai Khuda bando(n) ka waali hai

Utarte chaand dhalti chaandni jo ho sake kar le
Andhera paakh aata hai yeh do din ki ujaali hai

Are yeh bhediyon ka ban hai aur shaam aagayi sar par
kahaan soya musaafir haaye kitna laa ubaali hai

Andhera ghar, akeli jaan, dam ghut-ta, dil uktaataa
Khuda ko yaad kar pyaare woh saa’at aane waali hai

Zamee(n) tapti, kateeli raah, bhaari bojh, ghaail paau(n)
musibat jhelne waale tera Allah waali hai

Na chaunka din hai dhalne par teri manzil hui khoti
are o jaan wale neend ye kab ki nikaali hai

Raza manzil to jaisi hai woh ik main kya sabhi ko hai
tum is ko rote ho yeh to kaha yaa(n) haath khaali hai